ಕೇಜ್ರಿವಾಲ್​ ಕೆಣಕಿದ ಬಿಜೆಪಿ ಮುಖಂಡ ಜೆ. ಪಿ. ನಡ್ಡಾ

ಜನರನ್ನು ಗೌರವಿಸಲು ಸಾಧ್ಯವಾಗದವರು ಏನಾದರೂ ಒಳ್ಳೆಯ ಕೆಲಸ ಮಾಡಲು ಸಾಧ್ಯವೇ ಎಂದು ಕೇಜ್ರಿವಾಲ್​ ವಿರುದ್ಧ ಬಿಜೆಪಿ ಮುಖಂಡ ಜೆ.ಪಿ. ನಡ್ಡಾ ಕಿಡಿಕಾರಿದ್ದಾರೆ.

ನವದೆಹಲಿ: ದೆಹಲಿ ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್ ಅವರು ಪೂರ್ವಾಂಚಲ ಪ್ರದೇಶದ ಜನರನ್ನು ಅಪಮಾನ ಮಾಡಿದ್ದಾರೆ ಎಂದು ಬಿಜೆಪಿ ಮುಖಂಡ ಜೆ ಪಿ ನಡ್ಡಾ ಆರೋಪಿಸಿದ್ದಾರೆ.

ಜನರನ್ನು ಗೌರವಿಸಲು ಸಾಧ್ಯವಾಗದವರು ಏನಾದರೂ ಒಳ್ಳೆಯ ಕೆಲಸವನ್ನು ಮಾಡಲು ಸಾಧ್ಯವೇ ಎಂದು ಕೇಜ್ರಿವಾಲ್​ ವಿರುದ್ಧ ಕಿಡಿಕಾರಿದ್ದಾರೆ. ಎಎಪಿ ನಾಯಕನನ್ನು ಗುರಿಯಾಗಿಸಿಕೊಂಡು ನಡ್ಡಾ ಟ್ವೀಟ್‌ ಮಾಡಿದ್ದಾರೆ. ಈ ಟ್ವೀಟ್​ನಲ್ಲಿ ಕೇಜ್ರಿವಾಲ್ ಅವರ ವಿಡಿಯೋವನ್ನು ಪೋಸ್ಟ್ ಮಾಡಲಾಗಿದೆ.

ದೆಹಲಿಯ ಅಭಿವೃದ್ಧಿಯಲ್ಲಿ ಪೂರ್ವಾಂಚಲ್​ನ ಜನರ ಕೊಡುಗೆ ಹೆಚ್ಚಿನದಾಗಿದೆ. ಅದನ್ನು ಕೇಜ್ರಿವಾಲ್​ ಅರ್ಥ ಮಾಡಿಕೊಂಡಿಲ್ಲ. ಅಲ್ಲಿನ ಸಹೋದರರನ್ನು ಅವಮಾನಿಸುವುದು ಮುಖ್ಯಮಂತ್ರಿಗೆ ಸರಿಹೊಂದುವುದಿಲ್ಲ ಎಂದು ಬರೆದುಕೊಂಡಿದ್ದಾರೆ.

ಇದಲ್ಲದೆ ನೀರಿನ ವಿಚಾರಕ್ಕೆ ಕೇಜ್ರಿವಾಲ್​ರನ್ನು ಕೆಣಕಿರುವ ನಡ್ಡಾ, ಎಎಪಿ ನಾಯಕರು 2014 ರಿಂದಲೂ ಪ್ರತಿ ಮನೆಗೂ ನೀರನ್ನು ತಲುಪಿಸುವ ಭರವಸೆಯನ್ನು ನೀಡುತ್ತಿದ್ದಾರೆ. ಆದರೆ ಅದ್ದಿನ್ನು ಈಡೇರಿಲ್ಲ ಎಂದು ವ್ಯಂಗ್ಯವಾಡಿದ್ದಾರೆ.