ಹಿಮಾಚಲದ ಲಿಯೋ ಪಾರ್ಗಿಲ್ ಶಿಖರವನ್ನು ಯಶಸ್ವಿಯಾಗಿ ಏರಿದ ಐಟಿಬಿಪಿ ಪರ್ವತಾರೋಹಿಗಳು

ಐಟಿಬಿಪಿ ಶಿಮ್ಲಾದ 12 ಸದಸ್ಯರು ಹಿಮಾಚಲ ಪ್ರದೇಶದ ಲಿಯೋ ಪಾರ್ಗಿಲ್ ಶಿಖರವನ್ನು ಏರಿ ದಾಖಲೆ ನಿರ್ಮಿಸಿದ್ದಾರೆ. ಈ ಪಡೆ ಇಲ್ಲಿವರೆಗೆ 213 ಯಶಸ್ವಿ ಪರ್ವತಾರೋಹಣ ಮಾಡಿದೆ.

ನವದೆಹಲಿ: ಇಂಡೋ-ಟಿಬೆಟಿಯನ್ ಬಾರ್ಡರ್ ಪೋಲಿಸ್​ನ (ಐಟಿಬಿಪಿ) ಪರ್ವತಾರೋಹಿಗಳು ಹಿಮಾಚಲ ಪ್ರದೇಶದ ಲಿಯೋ ಪಾರ್ಗಿಲ್ ಶಿಖರವನ್ನು (22,222 ಅಡಿ) ಯಶಸ್ವಿಯಾಗಿ ಏರಿದ್ದಾರೆ.

ಸೆಕ್ಟರ್ ಹೆಡ್ಕ್ವಾರ್ಟರ್ಸ್ ಐಟಿಬಿಪಿ ಶಿಮ್ಲಾದ 12 ಸದಸ್ಯರ ತಂಡ ಆಗಸ್ಟ್ 31ರಂದು ಪರ್ವತ ಏರಿ ಈ ದಾಖಲೆ ಮಾಡಿದ್ದಾರೆ.

"ಈ ಪರ್ವತಾರೋಹಣದ ನಾಯಕ ಉಪ ಕಮಾಂಡೆಂಟ್ ಕುಲದೀಪ್ ಸಿಂಗ್ ಮತ್ತು ಉಪನಾಯಕ ಉಪ ಕಮಾಂಡೆಂಟ್ ಧರ್ಮೇಂದ್ರ ಆಗಿದ್ದರು. ಕಿನ್ನೌರ್ನ ಚಿಟ್ಕುಲ್ ಗ್ರಾಮದ ಹೆಡ್ ಕಾನ್ಸ್ಟೇಬಲ್ ಪ್ರದೀಪ್ ನೇಗಿ ಎರಡನೇ ಬಾರಿಗೆ ಈ ಶಿಖರವನ್ನು ಏರಿದರು. ಪ್ರದೀಪ್ ಈ ಹಿಂದೆಯೂ ವಿಶ್ವದ ಅತಿ ಎತ್ತರದ ಪರ್ವತ ಮೌಂಟ್ ಎವರೆಸ್ಟ್ ಅನ್ನು ಎರಡು ಬಾರಿ ಏರಿದ್ದಾರೆ"ಎಂದು ಐಟಿಬಿಪಿ ಹೇಳಿದೆ.

ತಂಡದ ಸದಸ್ಯರೆಲ್ಲರಿಗೂ ಸೂಕ್ತ ತರಬೇತಿ ನೀಡಲಾಗಿತ್ತು ಎಂದು ಐಟಿಬಿಪಿ ತಿಳಿಸಿದೆ.

"ಲಿಯೋ ಪಾರ್ಗಿಲ್ ಶಿಖರವು ಭಾರತದ ಕಠಿಣ ಶಿಖರಗಳಲ್ಲಿ ಒಂದಾಗಿದೆ. ಹಿಮದಿಂದ ಆವೃತವಾಗಿರು ಇದು ಹಿಮಾಚಲ ಪ್ರದೇಶದ ಲಾಹೌಲ್ ಸ್ಪಿಟಿ ಜಿಲ್ಲೆಯಲ್ಲಿದೆ. ಈ ಶಿಖರ ಕಡಿಮೆ ಆಮ್ಲಜನಕ, ತೀವ್ರವಾದ ಚಳಿ ಮತ್ತು ಇತರ ಸಮಸ್ಯೆಗಳನ್ನು ಹೊಂದಿದೆ"ಐಟಿಬಿಪಿ ತಿಳಿಸಿದೆ.

ಐಟಿಬಿಪಿ ಈವರೆಗೆ ಅತ್ಯಂತ ಚಳಿ, ಎತ್ತರದ ಭೂಪ್ರದೇಶ ಮತ್ತು ವಿಪರೀತ ಹವಾಮಾನ ಪರಿಸ್ಥಿತಿಗಳಲ್ಲಿ ಕಾರ್ಯನಿರ್ವಹಿಸಸಿದೆ. ಈ ಪಡೆ ಇಲ್ಲಿವರೆಗೆ 213 ಯಶಸ್ವಿ ಪರ್ವತಾರೋಹಣ ಮಾಡಿರುವ ದಾಖಲೆ ಹೊಂದಿದೆ.