ಸ್ಯಾಟಲೈಟ್ ಉಡಾವಣೆ ಮುಂದೂಡಿದ ಇಸ್ರೋ..!

ಸ್ಯಾಟಲೈಟ್​ ಮುಂದೂಡಿಕೆ ಬಗ್ಗೆ ಇಸ್ರೋ ತನ್ನ ಅಧಿಕೃತ ಟ್ವಿಟರ್ ಖಾತೆಯಲ್ಲಿ ಬರೆದುಕೊಂಡಿದೆ.

ಬೆಂಗಳೂರು/ಆಂಧ್ರಪ್ರದೇಶ: ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ(ಇಸ್ರೋ) ಉದ್ದೇಶಿತ ಕಾರ್ಟೋಸ್ಯಾಟ್-3 ಹೊಂದಿರುವ PSLV-C47 ಉಡ್ಡಯನ ದಿನಾಂಕ ಮುಂದೂಡಿದೆ.

ಈ ಮೊದಲಿನಂತೆ ಕಾರ್ಟೋಸ್ಯಾಟ್​-3 ಹೊತ್ತೊಯ್ಯುವ PSLV-C47 ನ.25ರ ಬೆಳಗ್ಗೆ 9.28ಕ್ಕೆ ಶ್ರೀಹರಿಕೋಟಾದ ಸತೀಶ್ ಧವನ್ ಬಾಹ್ಯಾಕಾಶ ಕೇಂದ್ರದಿಂದ ಉಡಾವಣೆಗೊಳ್ಳಬೇಕಿತ್ತು. ಆದರೆ ಸದ್ಯ ಉಡಾವಣೆ ನ.27ರ ಬೆಳಗ್ಗೆ 9.28ಕ್ಕೆ ಮುಂದೂಡಿಕೆಯಾಗಿದೆ.

ಸ್ಯಾಟಲೈಟ್​ ಮುಂದೂಡಿಕೆ ಬಗ್ಗೆ ಇಸ್ರೋ ತನ್ನ ಅಧಿಕೃತ ಟ್ವಿಟರ್ ಖಾತೆ ಮೂಲಕ ಹೇಳಿದ್ದರೂ ದಿನಾಂಕ ಬದಲಾವಣೆಗೆ ಯಾವುದೇ ಕಾರಣವನ್ನು ಉಲ್ಲೇಖಿಸಿಲ್ಲ.

PSLV-C47ನಲ್ಲಿ ಕಾರ್ಟೋಸ್ಯಾಟ್-3 ಹೊರತಾಗಿ ಅಮೆರಿಕದ 12 ನ್ಯಾನೋಸ್ಯಾಟಲೈಟ್​ಗಳಿವೆ. ಕಾರ್ಟೋಸ್ಯಾಟ್​-3 ಮೂರನೇ ಜನರೇಷನ್​​​ನ ಆಧುನಿಕ ಸ್ಯಾಟಲೈಟ್ ಆಗಿದೆ.