ಕೋಲ್ಕತ್ತಾ:ಒಂದು ಕಾಲದಲ್ಲಿಟೀಂ ಇಂಡಿಯಾದ ಬಿಗ್ ಹಿಟ್ಟರ್ ಎಂಬ ಖ್ಯಾತಿಯ ಆಲ್ರೌಂಡರ್ ಯೂಸುಫ್ ಪಠಾಣ್ ಈ ಸಲದ ಐಪಿಎಲ್ನ ಬಿಡ್ಡಿಂಗ್ನಲ್ಲಿ ಸೇಲ್ ಆಗಲೇ ಇಲ್ಲ. ಹೀಗಾಗಿ ಐಪಿಎಲ್ನ ಮತ್ತೊಂದು ಆವೃತ್ತಿಯಲ್ಲಿ ಅಬ್ಬರಿಸುವ ಅವರ ಕನಸು ಕಮರಿದೆ.
2008ರಿಂದ ಸತತವಾಗಿ ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ ಭಾಗಿಯಾಗಿದ್ದ ಯೂಸೂಫ್ ಇದೇ ಮೊದಲ ಸಲ ಅನ್ಸೋಲ್ಡ್ ಆಗಿದ್ದು ವಿಶ್ವದ ಶ್ರೀಮಂತ ಕ್ರಿಕೆಟ್ ಟೂರ್ನಿಯಿಂದ ಹೊರ ಉಳಿಯಬೇಕಾದ ಅನಿವಾರ್ಯತೆ ಎದುರಾಗಿದೆ.
ಹರಾಜು ಪ್ರಕ್ರಿಯೆಯಲ್ಲಿ ಅನ್ಸೋಲ್ಡ್ ಆಗುತ್ತಿದ್ದಂತೆ ಸಹೋದರ ಇರ್ಫಾನ್ ಪಠಾಣ್ ಹೃದಯಸ್ಪರ್ಶಿ ಸಂದೇಶ ರವಾನಿಸಿದ್ದು ಯೂಸೂಫ್‌ಗೆ ಧೈರ್ಯ ತುಂಬಿದ್ದಾರೆ.
ಇರ್ಫಾನ್ ಟ್ವೀಟ್:
'ಬದುಕಿನಲ್ಲಿ ಎದುರಾಗುವ ಸಣ್ಣ ಸೋಲುಗಳು ನಿಮ್ಮ ವೃತ್ತಿ ಜೀವನವನ್ನು ವ್ಯಾಖ್ಯಾನಿಸಲಾರವು. ನೀವೊಬ್ಬ ಅತ್ಯುತ್ತಮ ಆಟಗಾರ. ನಿಜವಾದ ಪಂದ್ಯ ವಿಜೇತ ನೀವು. ಲವ್ ಯು ಲಾಲಾ' ಎಂದು ತಡರಾತ್ರಿ ಟ್ವೀಟ್ ಮಾಡಿದ್ದಾರೆ.
ಯೂಸುಫ್ ಐಪಿಎಲ್ ಸಾಧನೆ:
2008 ರಲ್ಲಿ ಇಂಡಿಯನ್ ಪ್ರೀಮಿಯರ್ ಲೀಗ್ಗೆ ಲಗ್ಗೆ ಹಾಕಿದ್ದ ಈ ಆಟಗಾರ ರಾಜಸ್ಥಾನ ರಾಯಲ್ಸ್ ಪರ 435 ರನ್ ಗಳಿಸಿ, 8 ವಿಕೆಟ್ ಕಿತ್ತಿದ್ದರು. ಈ ವೇಳೆ ಕೇವಲ 21 ಎಸೆತಗಳಲ್ಲಿ 50 ರನ್ ದಾಖಲಿಸಿದ್ದರು. 2014ರಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ ಪರ ಕಣಕ್ಕಿಳಿದಿದ್ದ ಈ ಆಟಗಾರ ಕೇವಲ 15 ಎಸೆತಗಳಲ್ಲಿ ಅರ್ಧಶತಕ ಸಿಡಿಸಿ ದಾಖಲೆ ಬರೆದಿದ್ದರು.
ಯೂಸುಫ್ ಜೊತೆ ಹೊರಗುಳಿದ ಇತೆರೆ ಆಟಗಾರರು:
ಈ ಹಿಂದಿನ ಎರಡು ಆವೃತ್ತಿಗಳಲ್ಲಿ ಸನ್ರೈಸರ್ಸ್ ಹೈದರಾಬಾದ್ ತಂಡದ ಪರ ಆಡಿದ್ದ ಯೂಸುಫ್ ಅವರನ್ನು ಫ್ರಾಂಚೈಸಿ ಕೈಬಿಟ್ಟಿತ್ತು. ಇವರ ಜತೆಗೆ ಟೆಸ್ಟ್ ಕ್ರಿಕೆಟಿಗ ಚೇತೇಶ್ವರ್ ಪೂಜಾರಾ, ಸ್ಟುವರ್ಟ್ ಬಿನ್ನಿ, ಇವಿನ್ ಲೆವಿಸ್, ಶಾಯಿ ಹೋಪ್ ಅವರನ್ನೂ ಕೊಂಡುಕೊಂಡಿಲ್ಲ.
