ಕೊರೊನಾ ವಿರುದ್ಧ ಸಮರಕ್ಕೆ ಎಲ್ಲ ರೀತಿಯ ಸಹಕಾರ ನೀಡ್ತೇವೆ: ಭಾರತೀಯ ಒಲಿಂಪಿಕ್​ ಅಸೋಸಿಯೇಷನ್​​

ದೇಶದಲ್ಲಿ ಕೊರೊನಾ ಮಹಾಮಾರಿ ತೀವ್ರ ಹಾವಳಿ ಉಂಟುಮಾಡುತ್ತಿದೆ. ಈ ವೇಳೆ, ಎಲ್ಲಾ ರೀತಿಯ ಸಹಕಾರ ನೀಡುವುದಾಗಿ ಭಾರತೀಯ ಒಲಿಂಪಿಕ್​ ಅಸೋಸಿಯೇಷನ್​ ಟ್ವಿಟರ್ ಖಾತೆಯಲ್ಲಿ ಭರವಸೆ ನೀಡಿದೆ.

ನವದೆಹಲಿ:ದೇಶ ಮಹಾಮಾರಿ ಕೊರೊನಾ ವಿರುದ್ಧ ಹೋರಾಡುತ್ತಿದ್ದು, ಈ ಸಮರಕ್ಕೆ ಬೆಂಬಲ ನೀಡುವುದಾಗಿ ಭಾರತೀಯ ಒಲಿಂಪಿಕ್ ಅಸೋಸಿಯೇಷನ್​ ಭರವಸೆ ನೀಡಿದೆ. ಜೊತೆಗೆ ಇದರ ಸದಸತ್ವದ ಸಂಘಟನೆಗಳು ಹಾಗೂ ರಾಜ್ಯಗಳ ಸಂಸ್ಥೆಗಳು ಕೂಡಾ ಕೊರೊನಾ ವಿರುದ್ಧ ಹೋರಾಡುವುದರಲ್ಲಿ ಸಹಾಯ ಮಾಡುತ್ತವೆ ಎಂದು ಸ್ಪಷ್ಟಪಡಿಸಿದೆ.

ಇಂಡಿಯನ್​ ಒಲಿಂಪಿಕ್​ ಅಸೋಸಿಯೇಷನ್​ನ ಸೆಕ್ರೆಟರಿ ಜನರಲ್​ ಆಗಿರುವ ರಾಜೀವ್​ ಮೆಹ್ತಾ ''ಕೊರೊನಾ ಮಹಾಮಾರಿ ವಿರುದ್ಧ ಹೋರಾಡುವುದರಲ್ಲಿ ದೇಶದ ಜೊತೆ ಪಾಲ್ಗೊಳ್ಳುವುದಕ್ಕೆ ನಮಗೆ ಹೆಮ್ಮೆಯೆನಿಸುತ್ತದೆ'' ಎಂದು ಬರೆದುಕೊಂಡಿದ್ದಾರೆ.

ಇದರ ಜೊತೆಗೆ ಇಂಡಿಯನ್​ ಒಲಿಂಪಿಕ್​ ಅಸೋಸಿಯೇಷನ್ ಮತ್ತೊಂದು ಟ್ವೀಟ್ ಮಾಡಿದ್ದು, ಸೈಕ್ಲಿಂಗ್​ ಫೆಡರೇಷನ್​ ಹಾಗೂ ಇಂಡಿಯನ್​ ಗಾಲ್ಫ್​ ಯೂನಿಯನ್​ ಆರ್ಥಿಕ ನೆರವು ನೀಡುವುದಾಗಿ ಭರವಸೆ ನೀಡಿದೆ ಎಂದು ಸ್ಪಷ್ಟಪಡಿಸಿದೆ. ಇದರ ಜೊತೆಗೆ ಹಲವು ಕ್ರೀಡಾಪಟುಗಳು ಆರ್ಥಿಕ ನೆರವು ಘೋಷಿಸಿರುವುದನ್ನು ಕೂಡಾ ಖಚಿತಪಡಿಸಿದೆ.