ಪ್ರಪಂಚಕ್ಕೆ ಕಾಲಿಟ್ಟ 20 ದಿನಕ್ಕೇ ಸೋಂಕು, 45 ದಿನದ ಮಗುವನ್ನು ಬಚಾವ್​ ಮಾಡಿದ ಹೈದರಾಬಾದ್​ ವೈದ್ಯರು

ತನ್ನ ತಂದೆಯಿಂದಲೇ ಸೋಂಕಿಗೆ ಒಳಗಾದ ಈ ಮಗುವಿಗೆ 15 ದಿನಗಳ ಕಾಲ ಚಿಕಿತ್ಸೆ ನೀಡಿ ಗುಣಪಡಿಸಲಾಗಿದೆ.

ಹೈದರಾಬಾದ್: ಮಕ್ಕಳು ಹಾಗೂ ವೃದ್ಧರಿಗೆ ಕೊರೊನಾ ಸೋಂಕು ತಗುಲಿದರೆ ಗುಣಪಡಿಸುವುದು ಅಸಾಧ್ಯ ಎನ್ನಲಾಗುತ್ತಿದೆ. ಆದರೆ, 45 ದಿನದ ಮಗುವೊಂದು ಕೊರೊನಾ ಮಹಾಮಾರಿಯನ್ನು ಗೆದ್ದುಬಂದಿದೆ.

ಹದಿನೈದು ದಿನಗಳ ನಿರಂತರ ಚಿಕಿತ್ಸೆಯ ನಂತರ 45 ದಿನಗಳ ಗಂಡು ಮಗುವನ್ನು ಕೊರೊನಾದಿಂದ ಗುಣಪಡಿಸಲಾಗಿದ್ದು, ಆಸ್ಪತ್ರೆಯಿಂದ ಬಿಡುಗಡೆ ಮಾಡಲಾಗಿದೆ. ಮೆಹಬೂಬ್‌ನಗರ ಜಿಲ್ಲೆಯ ಈ ಮಗುವಿಗೆ ತಂದೆಯಿಂದಲೇ ಸೋಂಕು ತಗುಲಿತ್ತು. ಈ ಹಿನ್ನೆಲೆ ಏಪ್ರಿಲ್ 4 ರಂದು ಗಾಂಧಿ ಆಸ್ಪತ್ರೆಗೆ ದಾಖಲಿಸಲಾಗಿತ್ತು.

ಇನ್ನು ಈ ಮಗು ಹುಟ್ಟಿದ 20 ದಿನಗಳಿಗೆ ಕೊರೊನಾ ಆವರಿಸಿದ್ದರಿಂದ, ದೇಶದ ಕಿರಿಯ ವಯಸ್ಸಿನ ರೋಗಿ ಎಂದು ದಾಖಲಾಗಿತ್ತು. ಚೇತರಿಸಿಕೊಂಡ ಈ ಮಗುವನ್ನು ಆಸ್ಪತ್ರೆಯಿಂದ ಬಿಡಿಗಡೆ ಮಾಡುವ ಸಂಬಂಧ ರಾಜ್ಯ ಆರೋಗ್ಯ ಸಚಿವ ಇ ರಾಜೇಂದರ್ ಸಂತೋಷ ವ್ಯಕ್ತಪಡಿಸಿದ್ದಾರೆ.