ವಿಶ್ವದ ವೇಗದ ಹೈಪರ್​ಲೂಪ್​​​​​​​​​​​​​ ಪ್ರಯೋಗದಲ್ಲಿ ಭಾರತೀಯ ಭಾಗಿ: ಹೇಗಿತ್ತು ಅವರ ಅನುಭವ..?

ಅಮೆರಿಕದಲ್ಲಿ ಇತ್ತೀಚೆಗೆ ವಿಶ್ವದ ಅತ್ಯಂತ ವೇಗದ ಸಾರಿಗೆ ಹೈಪರ್​​ಲೂಪ್​​ ವೆಹಿಕಲ್​ನ ಪ್ರಯೋಗದಲ್ಲಿ ಭಾರತೀಯನೊಬ್ಬ ಭಾಗಿಯಾಗಿ ಎಲ್ಲರ ಹುಬ್ಬೇರುವಂತೆ ಮಾಡಿದ್ದಾರೆ.

ಪುಣೆ: ಅಮೆರಿಕದಲ್ಲಿ ಇತ್ತೀಚೆಗೆ ವಿಶ್ವದ ಅತ್ಯಂತ ವೇಗದ ಸಾರಿಗೆ ಹೈಪರ್​​ಲೂಪ್​​ ವೆಹಿಕಲ್​ನ ಯಶಸ್ವಿ ಪ್ರಯೋಗ ನಡೆಯಿತು. ಈ ವಾಹನದಲ್ಲಿ ಮಾನವರನ್ನ ಕೂರಿಸಿ ಪ್ರಯೋಗಕ್ಕೆ ಒಳಪಡಿಸಲಾಯಿತು.

ಈ ಮಹತ್ವದ ಹಾಗೂ ಅಚ್ಚರಿಯ ಸಂಶೋಧನಾ ಪರೀಕ್ಷಾರ್ಥ ಪ್ರಯೋಗದಲ್ಲಿ ಭಾರತೀಯ ಪುಣೆಯ ತನಯ್​ ಮಂಜ್ರೇಕರ್​ಗೆ ಅವಕಾಶ ನೀಡಲಾಗಿತ್ತು. ಮಹಾರಾಷ್ಟ್ತದ ಪುಣೆಯ ಮಂಜ್ರೇಕರ್​ ಈ ಪ್ರಯೋಗದಲ್ಲಿ ಪಾಲ್ಗೊಂಡಿದ್ದು ಎಲ್ಲರ ಅಚ್ಚರಿಗೆ ಕಾರಣವಾಗಿದ್ದಾರೆ. ಈ ಮೂಲಕ ವೆರ್ಜಿನ್ ಕಂಪನಿಯ ಹೈಪರ್​ಲೂಪ್​ ವಾಹನದ ಪರೀಕ್ಷಾರ್ಥ ಪ್ರಯೋಗದಲ್ಲಿ ಪಾಲ್ಗೊಂಡ ಮೊದಲ ಭಾರತೀಯ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದ್ದಾರೆ. ಲಾಸ್​ವೇಗಾಸ್​ನ ಪರೀಕ್ಷಾರ್ಥ ಕೇಂದ್ರದಲ್ಲಿ ಸೋಮವಾರ ಮೊದಲ ಮಾನವ ಪ್ರಯಣದ ಪರೀಕ್ಷೆ ನಡೆಸಲಾಯಿತು. ತನಯ್​ ಮಂಜ್ರೇಕರ್​​ ಎರಡನೇ ಬಾರಿ ಇಂತಹ ಪರೀಕ್ಷಾರ್ಥ ಪ್ರಯೋಗದಲ್ಲಿ ಪಾಲ್ಗೊಂಡಿದ್ದಾರೆ ಎನ್ನುವುದು ವಿಶೇಷ. ಇಲ್ಲಿಯವರೆಗೂ ಹೈಪರ್​ಲೂಪ್​ ವೆಹಿಕಲ್​ನ 400 ಅನಿಗದಿತ ಪರೀಕ್ಷೆಗಳು ನಡೆದಿವೆಯಂತೆ.

ಈ ಬಗ್ಗೆ ಮಾತನಾಡಿರುವ ತನಯ್​, ನಾನು ಹೈಪರ್​ಲೂಪ್​ ಸಾರಿಗೆ ಪರೀಕ್ಷಾರ್ಥ ಪ್ರಯೋಗದಲ್ಲಿ ಪಾಲ್ಗೊಂಡಿರುವುದು ಸಂತಸ ತಂದಿದೆ. ಈ ಕನಸಿನ ಪ್ರಯಾಣದಲ್ಲಿ ಪ್ರಯಾಣಿಸಿರುವುದು ತನ್ನ ಕನಸನ್ನು ನನಸು ಮಾಡಿದೆ ಎಂದು ಸಂತಸ ಹಂಚಿಕೊಂಡಿದ್ದಾರೆ. ಪುಣೆಯ ಸಾವಿತ್ರಿಭಾಯಿ ಫುಲೆ ವಿವಿಯ ಎಲೆಕ್ಟ್ರಾನಿಕ್ಸ್​ ಅಂಡ್​ ಟೆಲಿಕಮ್ಯುನಿಕೇಷನ್​​​​​​ನಲ್ಲಿ ಪದವಿ ಪಡೆದಿರುವ ತನಯ್,​ 2016 ರಿಂದ ವರ್ಜಿನ್​​​ ಹೈಪರ್​ಲೂಪ್​​ನಲ್ಲಿ ಉದ್ಯೋಗ ಗಿಟ್ಟಿಸಿಕೊಂಡಿದ್ದಾರೆ.