ಭಾರತ 'ಸೊಕ್ಕಿನ ವಿಸ್ತರಣಾ ನೀತಿ'ಗಳಿಂದ ನೆರೆಹೊರೆಯವರಿಗೆ ಬೆದರಿಕೆಯೊಡ್ಡುತ್ತಿದೆ: ಇಮ್ರಾನ್ ಖಾನ್

ಭಾರತ ಸರ್ಕಾರವು ನಾಝಿ ಆಡಳಿತದಲ್ಲಿ ಜಾರಿಯಲ್ಲಿದ್ದ ಲೆಬೆನ್ಸ್​ರಾಮ್​ ನೀತಿಯಂತೆ ವಿಸ್ತರಣಾ ನೀತಿಗಳನ್ನು ಅನುಸರಿಕೊಂಡು ನೆರೆ ಹೊರೆಯ ರಾಷ್ಡ್ರಗಳಿಗೆ ಬೆದರಿಕೆಯೊಡ್ಡುತ್ತಿದೆ ಎಂದು ಪಾಕ್ ಪ್ರಧಾನಿ ಇಮ್ರಾನ್​ ಖಾನ್​ ವಾಗ್ದಾಳಿ ನಡೆಸಿದ್ದಾರೆ.

ಇಸ್ಲಾಮಾಬಾದ್ :ಭಾರತ ತನ್ನ ಸೊಕ್ಕಿನ ವಿಸ್ತರಣಾ ನೀತಿಗಳಿಂದ ನೆರೆಯ ರಾಷ್ಟ್ರಗಳಿಗೆ ಬೆದರಿಕೆಯೊಡ್ಡುತ್ತಿದೆ ಎಂದು ಪಾಕಿಸ್ತಾನ ಪ್ರಧಾನಿ ಇಮ್ರಾನ್ ಖಾನ್ ಆರೋಪಿಸಿದ್ದಾರೆ.

ಭಾರತ ಸರ್ಕಾರವು ನಾಝಿ ಆಡಳಿತದಲ್ಲಿ ಜಾರಿಯಲ್ಲಿದ್ದ ಲೆಬೆನ್ಸ್​ರಾಮ್​ ನೀತಿಯಂತೆ ವಿಸ್ತರಣಾ ನೀತಿಗಳನ್ನು ಅನುಸರಿಕೊಂಡು ನೆರೆ ಹೊರೆಯ ರಾಷ್ಡ್ರಗಳಿಗೆ ಬೆದರಿಕೆಯೊಡ್ಡುತ್ತಿದೆ. ಪೌರತ್ವ ಕಾಯ್ದೆಯ ಮೂಲಕ ಬಾಂಗ್ಲಾದೇಶದೊಂದಿಗೆ ಮತ್ತು ಗಡಿ ವಿಚಾರದಲ್ಲಿ ಚೀನಾ, ನೇಪಾಳ ಮತ್ತು ಪಾಕಿಸ್ತಾನದೊಂದಿಗೆ ವಿವಾದಗಳನ್ನು ಮಾಡಿಕೊಂಡಿದೆ ಎಂದು ಖಾನ್ ಹೇಳಿದ್ದಾರೆ.

ಲಡಾಖ್​ ಮತ್ತು ಉತ್ತರ ಸಿಕ್ಕಿಂನಲ್ಲಿ 3,500ರಷ್ಟು ಕಿ.ಮೀ ವಾಸ್ತವಿಕ ನಿಯಂತ್ರಣ (ಎಲ್​ಎಸಿ) ಪ್ರದೇಶದಲ್ಲಿ ಭಾರತ ಮತ್ತು ಚೀನಾ ಸೇನೆಗಳು ಕಳೆದ ಕೆಲ ದಿನಗಳಿಂದ ಮುಖಾಮುಖಿಯಾಗಿ ಆ ಪ್ರದೇಶದ ಸ್ವಾಧೀನಕ್ಕಾಗಿ ಕಾದಾಡುತ್ತಿವೆ.