ಚೀನಾ, ಪಾಕ್ ಎದುರಿಸಲು ಭಾರತೀಯ ಸೇನೆ ಸಿದ್ಧತೆ

ಗಡಿ ಸಮಸ್ಯೆಗಳ ಮೇಲೆ ಕೇಂದ್ರೀಕರಿಸಿದ ಭಾರತೀಯ ಸೇನೆಯು ಪಾಕಿಸ್ತಾನ ಮತ್ತು ಚೀನಾ ವಿರುದ್ಧ ಹೋರಾಡಲು ತನ್ನ ಕೆಲವು ಹೋರಾಟದ ರಚನೆಗಳನ್ನು ಉಭಯ ಕಾರ್ಯಗಳಾಗಿ ಪರಿವರ್ತಿಸಲು ನಿರ್ಧರಿಸಿದೆ.

ನವದೆಹಲಿ: ಪೂರ್ವ ಲಡಾಕ್‌ನಲ್ಲಿ ನಡೆಯುತ್ತಿರುವ ಸಂಘರ್ಷದ ಮಧ್ಯೆ, ಭಾರತೀಯ ಸೇನೆಯು ತನ್ನ ಹೋರಾಟದ ರಚನೆಗಳನ್ನು ದ್ವಿ-ಕಾರ್ಯಗಳಾಗಿ ಪರಿವರ್ತಿಸಲು ಮುಂದಾಗಿದೆ. ಇದು ಚೀನಾ ಮತ್ತು ಪಾಕಿಸ್ತಾನಗಳ ವಿರುದ್ಧ ಹೋರಾಡಲು ಅನುವು ಮಾಡಿಕೊಡುತ್ತದೆ ಎಂದು ಮೂಲಗಳು ತಿಳಿಸಿವೆ.

ಇತ್ತೀಚಿನವರೆಗೂ ಹೋರಾಟದ ರಚನೆಗಳ ಗಮನವು ಮುಖ್ಯವಾಗಿ ಪಾಕಿಸ್ತಾನ ಗಡಿಯತ್ತ ಇತ್ತು. ಏಕೆಂದರೆ ವಾಸ್ತವ ನಿಯಂತ್ರಣ ರೇಖೆ(ಎಲ್​ಎಸಿ) ಬಳಿ ಅಂತಹ ಆತಂಕವೇನೂ ಇರಲಿಲ್ಲ. ಪಶ್ಚಿಮದ ಗಡಿಯ ಕಡೆಗೆ ಹೆಚ್ಚು ಗಮನ ಹರಿಸಲಾಗಿದ್ದು. ಅಲ್ಲಿ ಮೂರು ಸ್ಟ್ರೈಕ್ ಕಾರ್ಪ್ಸ್ ಅನ್ನು ಆಕ್ರಮಣಕ್ಕಾಗಿ ನಿಯೋಜಿಸಲಾಗಿದೆ ಮತ್ತು ಉತ್ತರ ಗಡಿಗಳಲ್ಲಿ ಕೇವಲ ಒಂದು ಆಕ್ರಮಣಕಾರಿ ಮೌಂಟೇನ್ ಸ್ಟ್ರೈಕ್ ಕಾರ್ಪ್ಸ್​​ ಅನ್ನು ರಚಿಸಲಾಗಿದೆ.

"ಸದ್ಯದ ಪರಿಸ್ಥಿತಿಯಲ್ಲಿ ಯಾವುದೇ ಹೆಚ್ಚುವರಿ ಪಡೆಗಳನ್ನು ಅಥವಾ ಹೊಸ ಸ್ಟ್ರೈಕ್ ಕಾರ್ಪ್ಸ್ ಅನ್ನು ಹೆಚ್ಚಿಸುವ ಅಗತ್ಯವಿಲ್ಲ. ಅಸ್ತಿತ್ವದಲ್ಲಿರುವ ತಂಡಗಳಿಗೆ ಎರಡೂ ಭಾಗಗಳನ್ನು ನೋಡಿಕೊಳ್ಳಲು ಡ್ಯುಯಲ್-ಟಾಸ್ಕಿಂಗ್ ನೀಡಬಹುದು" ಎಂದು ಸರ್ಕಾರಿ ಮೂಲಗಳು ಮಾಧ್ಯಮಗಳಿಗೆ ತಿಳಿಸಿವೆ.

ಎಲ್‌ಎಸಿಯಲ್ಲಿ ಸನ್ನದ್ಧತೆಯನ್ನು ಮತ್ತಷ್ಟು ಹೆಚ್ಚಿಸುವ ಅವಶ್ಯಕತೆಯಿದೆ ಎಂದು ವಿವಿಧ ಸೇನಾ ಕಮಾಂಡರ್‌ಗಳಿಂದ ಸಲಹೆಗಳನ್ನು ಸಹ ಪಡೆಯಲಾಗಿದೆ. ಈ ರಚನೆಗಳನ್ನು ಉಭಯ ಕಾರ್ಯಗಳನ್ನಾಗಿ ಮಾಡುವ ವಿಧಾನವನ್ನು ಚರ್ಚೆಗಳ ಪ್ರಕಾರ ನಿರ್ಧರಿಸಲಾಗುತ್ತದೆ ಎಂದು ಮೂಲಗಳು ತಿಳಿಸಿವೆ.

ಭೋಪಾಲ್‌ನ 21 ಸ್ಟ್ರೈಕ್ ಕಾರ್ಪ್ಸ್ ಮತ್ತು ಮಥುರಾದಲ್ಲಿ ಸ್ಟ್ರೈಕ್ ಒನ್ ಮತ್ತು ಅಂಬಾಲಾದ ಖಾರ್ಗಾ ಕಾರ್ಪ್ಸ್ ಸೇರಿದಂತೆ ಪಶ್ಚಿಮ ಮುಂಭಾಗದಲ್ಲಿರುವ ಸ್ಟ್ರೈಕ್ ಕಾರ್ಪ್ಸ್ ಹೆಚ್ಚು ಶಸ್ತ್ರಸಜ್ಜಿತವಾಗಿದೆ ಮತ್ತು ಅವುಗಳ ರಚನೆಗಳು ಪಶ್ಚಿಮ, ಮಧ್ಯ ಮತ್ತು ಉತ್ತರದ ವಲಯದಾದ್ಯಂತ ಇವೆ. ಅವುಗಳಲ್ಲಿ ಕೆಲವು ಚೀನಾ ಗಡಿಗೆ ಬಹಳ ಹತ್ತಿರದಲ್ಲಿವೆ ಎನ್ನಲಾಗಿದೆ.