ಮಾನಸರೋವರ ಯಾತ್ರೆಗೆ ಹೊಸ ರಸ್ತೆ ಉದ್ಘಾಟನೆ: ಭಾರತ- ನೇಪಾಳ ನಡುವೆ ರಾಜತಾಂತ್ರಿಕ ವಿವಾದ

ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಅವರು ವಿಡಿಯೋ ಕಾನ್ಫರೆನ್ಸಿಂಗ್ ಮೂಲಕ ಧಾರ್ಚುಲಾ ನಡುವಿನ ಚೀನಾ ಗಡಿಯ ಸಮೀಪವಿರುವ ಲಿಪುಲೆಖ್ ನಡುವಿನ ರಸ್ತೆಯನ್ನು ಉದ್ಘಾಟಿಸಿದರು. ಈ ಕ್ರಮವು ಭಾರತ ಮತ್ತು ನೇಪಾಳ ನಡುವಿನ ರಾಜತಾಂತ್ರಿಕ ವಿವಾದಕ್ಕೆ ಕಾರಣವಾಗಿದೆ.

ನವದೆಹಲಿ:ಕೈಲಾಸ​​ ಮಾನಸರೋವರ ಯಾತ್ರೆಗೆ ಹೋಗಲು ಹೊಸ ಮಾರ್ಗವನ್ನು ಇತ್ತೀಚೆಗಷ್ಟೇ ಭಾರತ ಉದ್ಘಾಟನೆ ಮಾಡಿತ್ತು. ಈ ಸಂಬಂಧ ನೇಪಾಳ ಭಾರತದ ವಿರುದ್ಧ ಗಡಿ ಉಲ್ಲಂಘನೆ ಆರೋಪ ಮಾಡಿದೆ.

ಭಾರತದ ಉತ್ತರಾಖಂಡದ ಪಿಥೋರ್​ಗಢ ಜಿಲ್ಲೆ ಮತ್ತು ನೇಪಾಳದ ನಡುವೆ ಈ ರಸ್ತೆ ಇದ್ದು, ಗಡಿ ಉಲ್ಲಂಘನೆ ಆರೋಪವನ್ನು ಮಾಡಲಾಗಿದೆ. ಈ ಆರೋಪವನ್ನು ಭಾರತ ತಳ್ಳಿಹಾಕಿದೆ. ಶುಕ್ರವಾರ ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಅವರು ವಿಡಿಯೋ ಕಾನ್ಫರೆನ್ಸಿಂಗ್ ಮೂಲಕ ಕೈಲಾಸ​​ ಮಾನಸರೋವರ ಯಾತ್ರೆಗೆ ಹೋಗುವ ಚೀನಾ ಗಡಿಯ ಸಮೀಪದ ನೇಪಾಳ ಆಕ್ರಮಿತ ಧಾರ್ಚುಲಾ ನಡುವಿನ ರಸ್ತೆಯನ್ನು ಉದ್ಘಾಟಿಸಿದ್ದರು.

ನೇಪಾಳದ ಭೂ ಪ್ರದೇಶದ ಮೇಲೆ ಯಾವುದೇ ಚಟುವಟಿಕೆಯನ್ನು ಕೈಗೊಳ್ಳದಂತೆ ಭಾರತಕ್ಕೆ ಸೂಚಿಸಿತ್ತು. ಅಲ್ಲದೇ 1816 ರ ಸುಗಾಲಿ ಒಪ್ಪಂದದ ಪ್ರಕಾರ ಮಹಾಕಾಳಿ ನದಿಯ ಪೂರ್ವದ ಪ್ರದೇಶಗಳಾದ ಲಿಂಪಿಯಾಧುರಾ, ಕಲಾಪಣಿ ಮತ್ತು ಲಿಪು ಲೆಖ್ ಈ ಎಲ್ಲ ಪ್ರದೇಶಗಳ ಮೇಲೆ ತನ್ನ ಹಕ್ಕಿದೆ ಎಂದು ಶನಿವಾರ ನೇಪಾಳದ ವಿದೇಶಾಂಗ ಸಚಿವಾಲಯವು ಹೇಳಿದೆ.

ನೇಪಾಳ ಸರ್ಕಾರದ ಪತ್ರಿಕಾ ಪ್ರಕಟಣೆ

ನೇಪಾಳ ಸರ್ಕಾರವು ಹಿಂದೆ ಹಲವು ಬಾರಿ ಭಾರತ ಸರ್ಕಾರಕ್ಕೆ ಎಚ್ಚರಿಸಿದೆ. ಇತ್ತೀಚೆಗೆ 2019 ರ ನವೆಂಬರ್ 20 ರಂದು ಭಾರತ ಸರ್ಕಾರವನ್ನು ಉದ್ದೇಶಿಸಿ ರಾಜತಾಂತ್ರಿಕ ಟಿಪ್ಪಣಿ ಮೂಲಕ ಹೊಸ ರಾಜಕೀಯ ನಕ್ಷೆಗೆ ನೇಪಾಲ ಉತ್ತರಿಸಿದೆ" ಎಂದು ನೇಪಾಲ ವಿದೇಶಾಂಗ ಸಚಿವಾಲಯ ಹೇಳಿದೆ.

ಇದಕ್ಕೆ ಪ್ರತಿಕ್ರಿಯಿಸಿರುವ ಭಾರತದ ವಿದೇಶಾಂಗ ಸಚಿವಾಲಯದ ವಕ್ತಾರ ಅನುರಾಗ್​ ಶ್ರೀವಾಸ್ತವ, ನೇಪಾಲ ಆರೋಪಿಸಿದಂತೆ ಯಾವುದೇ ಗಡಿ ಉಲ್ಲಂಘನೆ ಆಗಿಲ್ಲ. ಉತ್ತರಾಖಂಡ ರಾಜ್ಯದ ಪಿಥೋರಗ್ರ ಜಿಲ್ಲೆಯಲ್ಲಿ ಇತ್ತೀಚೆಗೆ ಉದ್ಘಾಟನೆಯಾದ ರಸ್ತೆ ಸಂಪೂರ್ಣವಾಗಿ ಭಾರತದ ಭೂ ಪ್ರದೇಶದಲ್ಲಿದೆ ಎಂದಿದ್ದಾರೆ.