ತೆಲಂಗಾಣದಲ್ಲಿ ಒಂದೇ ದಿನ 79 ಹೊಸ ಕೇಸ್​; ಇದು ಈವರೆಗಿನ ಅತಿ ಹೆಚ್ಚು!

ಎಲ್ಲಾ ಹೊಸ ಕೇಸ್​ಗಳು ಹೈದರಾಬಾದ್​ನಲ್ಲೇ ವರದಿಯಾಗಿದ್ದು, ನಗರದ ಜನತೆಯನ್ನು ಬೆರಗಾಗಿಸಿದೆ. ಈವರೆಗೆ ರಾಜ್ಯದಲ್ಲಿ ಒಟ್ಟು 1,275 ಕೊರೊನಾ ಕೇಸ್​ಗಳು ದಾಖಲಾಗಿದ್ದು, ಇದರಲ್ಲಿ ಕಳೆದ ಮೂರೇ ದಿನದಲ್ಲಿ 142 ಪ್ರಕರಣಗಳು ವರದಿಯಾಗಿವೆ. ಇದರಲ್ಲಿ 5 ಬೇರೆ ರಾಜ್ಯಗಳಿಂದ ಬಂದ ವಲಸಿಗರು ಸೇರಿದ್ದಾರೆ.

ಹೈದರಾಬಾದ್​:ಸೋಮವಾರ ಒಂದೇ ದಿನ ತೆಲಂಗಾಣದಲ್ಲಿ 79 ಹೊಸ ಕೊರೊನಾ ಪ್ರಕರಣಗಳು ದಾಖಲಾಗಿದ್ದು, ಇದು ಒಂದೇ ದಿನದಲ್ಲಿ ದಾಖಲಾದ ಅತಿ ಹೆಚ್ಚು ಪಾಸಿಟಿವ್​ ಕೇಸ್​ಗಳಾಗಿವೆ.

ಈ ಎಲ್ಲಾ ಹೊಸ ಕೇಸ್​ಗಳು ಹೈದರಾಬಾದ್​ನಲ್ಲೇ ವರದಿಯಾಗಿದ್ದು, ನಗರದ ಜನತೆಯನ್ನು ಬೆರಗಾಗಿಸಿದೆ. ಈವರೆಗೆ ರಾಜ್ಯದಲ್ಲಿ ಒಟ್ಟು 1,275 ಕೊರೊನಾ ಕೇಸ್​ಗಳು ದಾಖಲಾಗಿದ್ದು, ಇದರಲ್ಲಿ ಕಳೆದ ಮೂರೇ ದಿನದಲ್ಲಿ 142 ಪ್ರಕರಣಗಳು ವರದಿಯಾಗಿವೆ. ಇದರಲ್ಲಿ 5 ಬೇರೆ ರಾಜ್ಯಗಳಿಂದ ಬಂದ ವಲಸಿಗರು ಸೇರಿದ್ದಾರೆ.

ರಾಜ್ಯದಲ್ಲಿ ಈವರೆಗೆ 801 ಸೋಂಕಿತರು ಸಂಪೂರ್ಣ ಗುಣಮುಖರಾಗಿದ್ದು, ಆಸ್ಪತ್ರೆಯಿಂದ ಡಿಸ್ಚಾರ್ಜ್​ ಆಗಿದ್ದಾರೆ. ಈವರೆಗೆ ರಾಜ್ಯದಲ್ಲಿ 30 ಜನ ಸಾವನ್ನಪ್ಪಿದ್ದಾರೆ. ಉಳಿದಂತೆ ಸದ್ಯ 444 ಸೋಂಕಿತರು ನಗರದ ಗಾಂಧಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ರಾಜ್ಯದಲ್ಲಿ ಮೂರು ರೆಡ್​ ಝೋನ್​ ಜಿಲ್ಲೆಗಳಿದ್ದು, ಹೈದರಾಬಾದ್​, ರಂಗಾರೆಡ್ಡಿ ಹಾಗೂ ಮೆಡ್ಚಲ್​ ಜಿಲ್ಲೆಯನ್ನು ಕೆಂಪು ವಲಯವನ್ನಾಗಿ ಘೋಷಿಸಲಾಗಿದೆ.