ಭಾರತದ ಆರ್ಥಿಕ ವೃದ್ಧಿ ದರವನ್ನು ಶೇ. 4.8% ಕ್ಕೆ ಇಳಿಸಿದ ಐಎಂಎಫ್

​​ಜಾಗತಿಕ ಆರ್ಥಿಕ ಹಿಂಜರಿತ ಭಾರತದ ಆರ್ಥಿಕತೆ ಮೇಲೆ ಭಾರಿ ಪ್ರಮಾಣದ ಪರಿಣಾಮ ಬೀರಿದೆ. ಭಾರತದ ಬೆಳವಣಿಗೆಯ ದರವನ್ನು ಕಳೆದ ಅಕ್ಟೋಬರ್​ನಲ್ಲಿ ಶೇ. 6.1 ಕ್ಕೆ ಇಳಿಸಿದ್ದ ಐಎಂಎಫ್, ಇದೀಗ ಶೇ. 4.8% ಕ್ಕೆ ಇಳಿಸಿದೆ.

ನವದೆಹಲಿ:ಪ್ರಸಕ್ತ ಹಣಕಾಸು ವರ್ಷದ (2019-20) ಭಾರತದ ಬೆಳವಣಿಗೆಯ ಅಂದಾಜನ್ನು ಅಂತರರಾಷ್ಟ್ರೀಯ ಹಣಕಾಸು ನಿಧಿ (ಐಎಂಎಫ್) ಶೇ. 4.8% ಕ್ಕೆ ಕಡಿತಗೊಳಿಸಿದ್ದು, ಇದನ್ನು 'ನೆಗೆಟಿವ್ ಸರ್​ಪ್ರೈಜ್' ಎಂದು ಉಲ್ಲೇಖಿಸಿದೆ.

ಭಾರತದ ಬೆಳವಣಿಗೆಯ ದರವನ್ನು ಶೇ. 4.8% ಕ್ಕೆ ಇಳಿಸಿದ ಐಎಂಎಫ್

ಕಳೆದ ವರ್ಷದ ಜಾಗತಿಕ ಆರ್ಥಿಕ ಬೆಳವಣಿಗೆಗೆ ಹೋಲಿಸಿದರೆ ಭಾರತದ ಆರ್ಥಿಕ ಕುಸಿತವು ಶೇ 0.1 ರಷ್ಟು ಕಡಿತವಾಗಿದೆ. ಇನ್ನು 2021 ರ ಜಾಗತಿಕ ಆರ್ಥಿಕ ಬೆಳವಣಿಗೆ ಶೇ. 0.2 ರಷ್ಟು ಕಡಿತಗೊಂಡಿದ್ದು, ಶೇ.3.4 ಕ್ಕೆ ಇಳಿದಿದೆ ಎಂದು ಐಎಂಎಫ್​ನ ವರ್ಲ್ಡ್ ಎಕನಾಮಿಕ್ ಔಟ್ ಲುಕ್ (WEO) ತಿಳಿಸಿದೆ.

ಬ್ಯಾಂಕೇತರ ಹಣಕಾಸು ವಲಯದ ಒತ್ತಡ ಹಾಗೂ ಸಾಲದ ಬೆಳವಣಿಗೆಯ ಕುಸಿತದ ಮಧ್ಯೆ ದೇಶೀಯ ಬೇಡಿಕೆ ನಿರೀಕ್ಷೆಗಿಂತ ಕಡಿಮೆಯಾಗಿರುವುದೇ ಭಾರತದ ಬೆಳವಣಿಗೆಯ ದರ ಕುಸಿತಕ್ಕೆ ಕಾರಣ ಎಂದು ಐಎಂಎಫ್ ತಿಳಿಸಿದೆ. ಹೀಗಿದ್ದರೂ ಕೂಡ ಭಾರತವು ಈ ವರ್ಷ ವೇಗವಾಗಿ ಬೆಳೆಯುತ್ತಿರುವ ಎರಡನೇ ಪ್ರಮುಖ ಆರ್ಥಿಕತೆಯಾಗಿದೆ ಎಂದು ಉಲ್ಲೇಖಿಸಿದೆ.

ಮುಂದಿನ ಹಣಕಾಸು ವರ್ಷದಲ್ಲಿ ಭಾರತದ ಬೆಳವಣಿಗೆಯ ದರವು ಶೇ.1 ರಿಂದ ಶೇ. 5.8 ಕ್ಕೆ ಏರಿಕೆಯಾಗುವ ನಿರೀಕ್ಷೆಯಿದೆ.