81ರ ಅಜ್ಜಿ, 16 ಡಿಪ್ಸ್! ಮನೆಯಲ್ಲಿ ಕೂತು ಜಿಮ್​ ಬಗ್ಗೆ ಯೋಚಿಸೋರು ಈ ವಿಡಿಯೋ ನೋಡಿ..

ಇದು ಪಕ್ಕಾ 28 ಮತ್ತು 81ರ ವಯಸ್ಸಿನ ಡಿಫರೆನ್ಸ್​. ಇಲ್ಲಿ 28ರ ಸೊಸೆಗಿಂತ 81ರ ಯಂಗ್​ ಅತ್ತೆ ವೇಗವಾಗಿ ಒಂಟಿ ಕಾಲು ಓಟದಲ್ಲಿ ಓಡಿದ್ದಾರೆ. ಈ ವಿಡಿಯೋವನ್ನು ಮಿಲಿಂದ್ ಸೋಮನ್ ಅವರೇ ತಮ್ಮ ಟ್ವಿಟರ್​ ಖಾತೆಯಲ್ಲಿ ಶೇರ್​ ಮಾಡಿಕೊಂಡಿದ್ದಾರೆ.

ಹೈದರಾಬಾದ್​ :ಲಾಕ್​ಡೌನ್​ ಹೇರಿದ್ರಿಂದ ಯುವಕ-ಯುವತಿಯರು, ಮಕ್ಕಳು, ವೃದ್ಧರೆಲ್ಲ ಕೆಲಸವಿಲ್ಲದೇ ಸಮಯದೂಡಲು ಹೆಣಗಾಡುತ್ತಿದ್ದಾರೆ. ಯುವಕರಂತೂ ಜಿಮ್‌ ಓಪನ್​ ಆಗಲ್ಲಾ ಅಂತಾ ವರ್ಕೌಟ್​ ಟೆನ್ಷನ್‌ನಲ್ಲೇ ಕಾಲಹರಣ ಮಾಡುತ್ತಿದ್ದಾರೆ. ಇಲ್ಲೊಂದಿಷ್ಟು ವಿಡಿಯೋಗಳಿವೆ ನೋಡಿ.. ಇದನ್ನು ನೋಡಿದ್ರೆ ವಯಸ್ಸಾದವರಷ್ಟೇ ಅಲ್ಲಾ.. ಯುವಕರೂ ಕೂಡಾ ನಾಚ್ಕೋಬೇಕು. ಇವರು ಉಷಾ ಸೋಮನ್. ಖ್ಯಾತ ನಟ, ಮಾಡೆಲ್​ ಆಗಿರುವ ಮಿಲಿಂದ್ ಸೋಮನ್ ಅವರ ತಾಯಿ. ಇವರ ವಯಸ್ಸು 81. ಆದರೆ, ಇನ್ನೂ 18ರ ಯುವಕರಲ್ಲೂ ಇರದ ಹುರುಪು, ಶಕ್ತಿ, ತಾಕತ್ತು ಎಲ್ಲಾ ಇವರಲ್ಲಿ ತುಂಬಿದೆ. ತಮ್ಮ ಮಗನ ಜತೆಗೆ ಡಿಪ್ಸ್​ ಹೊಡೆಯಲು ಕಾಂಪಿಟೇಷನ್​ ಕೊಟ್ಟಿದ್ದಾರೆ ಈ 'ತರುಣಿ ಅಜ್ಜಿ'. ಅದು ಕೂಡಾ ಸೀರೆಯುಟ್ಟುಕೊಂಡೇ ಒಂದಲ್ಲಾ, ಎರಡಲ್ಲಾ ಬರೋಬ್ಬರಿ 16 ಡಿಪ್ಸ್‌ನ ಸತತವಾಗಿ ತೆಗೆದು ಯುವಕರಿಗೂ ಚಾಲೆಂಜ್​ ಹಾಕಿದ್ದಾರೆ.

ಈ ವಿಡಿಯೋವನ್ನು ಮಿಲಿಂದ್ ಸೋಮನ್ ಅವರೇ ತಮ್ಮ ಟ್ವಿಟರ್​ ಖಾತೆಯಲ್ಲಿ ಹಂಚಿಕೊಂಡು ತಮ್ಮ ಅಮ್ಮನನ್ನು ಹಾಡಿ ಹೊಗಳಿದ್ದಾರೆ. ಸದ್ಯ ಮನೆಯಲ್ಲೇ ಯುವಕರೆಲ್ಲಾ ಕೂತಿರೋ ಈ ಸಮಯದಲ್ಲಿ ಈ ವಿಡಿಯೋ ನೋಡೋದು ತುಂಬಾ ಸೂಕ್ತ.

28ರ ಸೊಸೆಗೆ 81ರ ಅತ್ತೆಯಿಂದ ಒಂಟಿ ಕಾಲು ಓಟದ ಪಾಠ:ಈ ಇನ್ನೊಂದ್​ ವಿಡಿಯೋವನ್ನೂ ನೋಡಿಬಿಡಿ. ಚಡ್ಡಿ ಹಾಕಿರುವ ಈ ಮಹಿಳೆ ಅಂಕಿತಾ ಕೊನ್ವಾರ್​. ಮಿಲಿಂದ್ ಸೋಮನ್ ಅವರ ಪತ್ನಿ. ಇವರ ವಯಸ್ಸು 28. ಹಾಗೇ ಇದೇ ವಿಡಿಯೋದಲ್ಲಿರೋ ಮತ್ತೊಬ್ಬರು ಸೋಮನ್ ಅವರ ತಾಯಿ. 16 ಡಿಪ್ಸ್​ ತೆಗೆದ್ರಲ್ಲಾ ಅವ್ರೇ.. ಅದೆಷ್ಟು ಮುದ್ದಾಗಿ ತನ್ನ ಸೊಸೆಗೆ ಒಂಟಿ ಕಾಲು ಓಟವನ್ನ ಕಲಿಸ್ತಿದ್ದಾರೆ ನೋಡಿ. ಇದು ಪಕ್ಕಾ 28 ಮತ್ತು 81ರ ವಯಸ್ಸಿನ ಡಿಫರೆನ್ಸ್​. ಇಲ್ಲಿ 28ರ ಸೊಸೆಗಿಂತ 81ರ ಯಂಗ್​ ಅತ್ತೆ ವೇಗವಾಗಿ ಒಂಟಿ ಕಾಲು ಓಟದಲ್ಲಿ ಓಡಿದ್ದಾರೆ. ಈ ವಿಡಿಯೋವನ್ನು ಮಿಲಿಂದ್ ಸೋಮನ್ ಅವರೇ ತಮ್ಮ ಟ್ವಿಟರ್​ ಖಾತೆಯಲ್ಲಿ ಶೇರ್​ ಮಾಡಿಕೊಂಡಿದ್ದಾರೆ. ಅಲ್ಲದೆ '28 ಮತ್ತು 81! ಎಲ್ಲಾ ವಯಸ್ಸಿನಲ್ಲೂ ದೈಹಿಕ ಕ್ಷಮತೆ ಇರುತ್ತೆ' ಎಂದು ಕ್ಯಾಪ್ಷನ್​ ನೀಡಿದ್ದಾರೆ.

ಮನೆಯಲ್ಲಿ ಲಾಕ್​ಡೌನ್​ನಲ್ಲಿ ಕೂತು ಏನ್​ ಮಾಡೋದು ಅಂತಾ ಯೋಚನೆ ಮಾಡ್ಬೇಡಿ. ನಿಮ್ಮ ದೇಹವನ್ನ ದಂಡಿಸಿ ಫಿಟ್​ ಆಗೋ ಕಡೆ ಸ್ವಲ್ಪ ಗಮನ ಹರಿಸಿ. ನಿಮ್ಗೆ ಇದು ಕಷ್ಟವಾದ್ರೆ ಈ ಯಂಗ್​ ಅಜ್ಜಿಯ ವಿಡಿಯೋ ಒಮ್ಮ ನೋಡಿ..