ನವದೆಹಲಿ:ಬೇಹುಗಾರಿಕೆ ನಡೆಸುತ್ತಿದ್ದಾರೆ ಎಂಬ ಆರೋಪದ ಮೇಲೆ ಪಾಕ್ನಿಂದ ಬಂಧಿತರಾಗಿರುವ ಭಾರತದ ಮಾಜಿ ನೌಕಾಧಿಕಾರಿ ಕುಲಭೂಷನ್ ಜಾಧವ್ ಅವರ ತೀರ್ಪು ಹೊರಬಿದಿದ್ದು, ಭಾರತದ ಪರ ತೀರ್ಪು ಬಂದಿದೆ.
- 16 ಜಡ್ಜ್ಗಳ ಪೈಕಿ 15 ಜಡ್ಜ್ ಭಾರತದ ಪರ ತೀರ್ಪು ನೀಡಿದ್ದು, ಗಲ್ಲು ಶಿಕ್ಷೆಯನ್ನ ಮರುಪರಿಶೀಲನೆ ನಡೆಸುವಂತೆ ಪಾಕಿಸ್ತಾನಕ್ಕೆ ಅಂತಾರಾಷ್ಟ್ರೀಯ ಕೋರ್ಟ್ ಸೂಚನೆ ನೀಡಿದೆ. ಅಂತಾರಾಷ್ಟ್ರೀಯ ಕೋರ್ಟ್ನಿಂದ ತೀರ್ಪು
- ಕುಲಭೂಷಣ್ ಪ್ರಕರಣದಲ್ಲಿ ಪಾಕ್ ವಿಯನ್ನಾ ಒಪ್ಪಂದದ ನಿಯಮಗಳನ್ನ ಉಲ್ಲಂಘನೆ ಮಾಡಿದೆ.
- ಪಾಕ್ ಸರ್ಕಾರ ಕುಲಭೂಷಣ್ ಜಾಧವ್ಗೆ ಯಾವುದೇ ಕಾನೂನು ನೆರವು ನೀಡಿಲ್ಲ ಮಹತ್ವದ ತೀರ್ಪು
- ಭಾರತ ನೂರಾರು ಬಾರಿ ಮನವಿ ಮಾಡಿದರೂ ಪಾಕ್ ಕುಲಭೂಷಣ್ ನೆರವಿಗೆ ಧಾವಿಸಿರಲಿಲ್ಲ ಎಂಬುದು ವಾದ-ಪ್ರತಿವಾದಗಳಿಂದ ಸಾಬೀತು.
- ಪಾಕ್ ಆಕ್ಷೇಪಣೆಗಳನ್ನ ತಿರಸ್ಕಾರ ಮಾಡಿದ ಅಂತಾರಾಷ್ಟ್ರೀಯ ಕೋರ್ಟ್
- ನೆದರ್ಲೆಂಡ್ನ ಹೇಗ್ನಲ್ಲಿರುವ ಅಂತಾರಾಷ್ಟ್ರೀಯ ಕೋರ್ಟ್
- ಗಲ್ಲು ಶಿಕ್ಷೆ ಆದೇಶ ಮರುಪರಿಶೀಲನೆ ನಡೆಸುವಂತೆ ಪಾಕ್ಗೆ ಆದೇಶ
- ಪಾಕಿಸ್ತಾನ ಕುಲಭೂಷಣ್ ಜಾಧವ್ಗೆ ಗಲ್ಲುಶಿಕ್ಷೆ ವಿಧಿಸುವಂತಿಲ್ಲ
- ಪಾಕಿಸ್ತಾನ ಜಡ್ಜ್ನಿಂದ ಮಾತ್ರ ಈ ಆದೇಶಕ್ಕೆ ವಿರೋಧ
ಇದಕ್ಕೂ ಮೊದಲು ಇದೇ ವಿಷಯಕ್ಕೆ ಸಂಬಂಧಿಸಿದಂತೆ ಗೃಹ ಖಾತೆ ರಾಜ್ಯ ಸಚಿವ ಕಿಶನ್ ರೆಡ್ಡಿ ಮಾತನಾಡಿದ್ದು, ಅಭಿನಂದನ್ ರೀತಿಯಲ್ಲಿ ಅವರು ಪಾಕ್ನಿಂದ ಭಾರತಕ್ಕೆ ವಾಪಸ್ ಬರಲಿದ್ದಾರೆ ಎಂಬ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ. ಕಳೆದ ಕೆಲ ತಿಂಗಳ ಹಿಂದೆ ಪಾಕ್ ವಿಮಾನ ಹೊಡೆದುರುಳಿಸಿ ಅವರ ಗಡಿಯಲ್ಲಿ ಬಂಧಿಯಾಗಿದ್ದ ಭಾರತದ ವಾಯುಸೇನೆಯ ವಿಂಗ್ ಕಮಾಂಡರ್ ಅಭಿನಂದನ್ ಅವರನ್ನ ಪಾಕ್ ಸಕಲ ಗೌರವಗಳೊಂದಿಗೆ ಭಾರತಕ್ಕೆ ವಾಪಸ್ ಮಾಡಿತ್ತು.
ಇದೇ ವಿಷಯಕ್ಕೆ ಸಂಬಂಧಿಸಿದಂತೆ ಮಾಜಿ ವಿದೇಶಾಂಗ ಸಚಿವೆ ಸುಷ್ಮಾ ಸ್ವರಾಜ್ ಟ್ವೀಟ್ ಮಾಡಿ ಹರ್ಷ ವ್ಯಕ್ತಪಡಿಸಿದ್ದಾರೆ. ಇದು ಭಾರತಕ್ಕೆ ಸಂದ ಜಯ ಎಂದು ಸಂತಸ ವ್ಯಕ್ತಪಡಿಸಿದ್ದಾರೆ. ಅಂತಾರಾಷ್ಟ್ರೀಯ ನ್ಯಾಯಾಲಯದ ತೀರ್ಪನ್ನ ತುಂಬು ಹೃದಯದಿಂದ ಗೌರವಿಸುತ್ತೇನೆ ಎಂದು ಟ್ಟೀಟ್ ಮಾಡಿ ಸಂಭ್ರಮ ಪಟ್ಟಿದ್ದಾರೆ.
ಘಟನೆಯ ಕಾಲಾನುಕ್ರಮ:
* ಮಾ.25, 2016ರಂದು ಜಾಧವ್ ಬಂಧನದ ವಿಚಾರ ಭಾರತಕ್ಕೆ ತಿಳಿಯಿತು
* ಏ.11, 2017ರಲ್ಲಿ ಪಾಕಿಸ್ತಾನಿ ಮಿಲಿಟರಿ ನ್ಯಾಯಾಲಯ ಜಾಧವ್ಗೆ ಮರಣ ದಂಡನೆ ವಿಧಿಸಿತು.
* ಮೇ 8, 2017 ಭಾರತ ಅಂತರಾಷ್ಟ್ರೀಯ ನ್ಯಾಯಾಲಯದ (ಐಸಿಜೆ) ಮೊರೆ ಹೋಯಿತು.