ಜೋಧಪುರ್(ರಾಜಸ್ಥಾನ):1999ರಲ್ಲಿ ನಡೆದಿದ್ದ ಕಾರ್ಗಿಲ್ ಯುದ್ಧದಲ್ಲಿ ಪಾಕಿಸ್ತಾನದ ಹುಟ್ಟಡಗಿಸುವಲ್ಲಿ ಮಹತ್ವದ ಪಾತ್ರ ನಿರ್ವಹಿಸಿದ್ದ ಭಾರತೀಯ ವಾಯುಪಡೆಯ ಮಿಗ್-27 ಯುದ್ಧ ವಿಮಾನ ಇಂದಿನಿಂದ ಹಾರಾಟದಿಂದ ವಿದಾಯ ಪಡೆದಿದೆ.
ಕಾರ್ಗಿಲ್ ಯುದ್ಧದ ವೇಳೆ ರಷ್ಯಾ ನಿರ್ಮಿತ ಈ ಯುದ್ಧ ವಿಮಾನ ಮಹತ್ವದ ಕಾರ್ಯಾಚರಣೆ ನಡೆಸಿತ್ತು.
35 ವರ್ಷ ನಿರಂತರ ಸೇವೆ ಸಲ್ಲಿಸಿದ್ದ 'ಬಹದ್ದೂರ್'ಗೆ ವಾಟರ್ ಸೆಲ್ಯೂಟ್ ರಾಜಸ್ಥಾನದ ಜೋಧಪುರ್ನಲ್ಲಿ ಕೊನೇಯ ಹಾರಾಟ ನಡೆಸುವ ಮೂಲಕ ಯುದ್ದ ವಿಮಾನ ಇತಿಹಾಸದ ಪುಟ ಸೇರಿದೆ. ಇಷ್ಟು ದಿನ ಭಾರತೀಯ ವಾಯುಪಡೆಯ ಬತ್ತಳಿಕೆಯಲ್ಲಿ ಪ್ರಮುಖ ಅಸ್ತ್ರವಾಗಿದ್ದ ಯುದ್ದ ವಿಮಾನ 'ಬಹದ್ದೂರ್' ಎಂದೇ ಖ್ಯಾತಿಗಳಿಸಿತ್ತು. ಇಂದು ಒಟ್ಟಿಗೆ ಏಳು ಮಿಗ್ 27 ವಿಮಾನಗಳು ಆಕಾಶದಲ್ಲಿ ಹಾರಾಟ ನಡೆಸುವ ಮೂಲಕ ತಮ್ಮ ಸೇವೆ ಕೊನೆಗೊಳಿಸಿವೆ. ಇದಾದ ಬಳಿಕ ವಾಯುಸೇನೆ ಅವುಗಳನ್ನು ನಿಷ್ಕ್ರೀಯಗೊಳಿಸಲಾಗಿದೆ.
ಕಳೆದ ವರ್ಷ ಜೋಧಪುರ್ ವಾಯುನೆಲೆಯಲ್ಲಿ ಎರಡು ಮಿಗ್-27 ವಿಮಾನಗಳ ಪೈಕಿ ಒಂದನ್ನು ನಿಷ್ಕ್ರೀಯಗೊಳಿಸಲಾಗಿತ್ತು. ಸದ್ಯ ವಿಶ್ವದ ಯಾವುದೇ ಪ್ರದೇಶದಲ್ಲಿ ಈ ವಿಮಾನ ಬಳಕೆ ಮಾಡುತ್ತಿಲ್ಲ. ಜತೆಗೆ ಬೇರೆ ಯಾವುದೇ ದೇಶ ಕೂಡ ಇದನ್ನು ಬಳಸುತ್ತಿಲ್ಲ. ಮಿಗ್-21, ಮಿಗ್-23 ಎಂಎಫ್, ಮಿಗ್-23ಬಿನ್, ಮಿಗ್-25, ಮಿಗ್-27 ಮಿಗ್ ಸರಣಿ ವಿಮಾನಗಳಾಗಿವೆ.
ಭಾರತೀಯ ವಾಯುಸೇನೆಯಲ್ಲಿ ಬರೋಬ್ಬರಿ 35 ವರ್ಷಗಳ ಕಾಲ ನಿರಂತರವಾಗಿ ಸೇವೆ ಸಲ್ಲಿಸಿರುವ ಮಿಗ್ -27 ಯುದ್ಧ ವಿಮಾನಗಳು 87 ನೇ ವಾಯುಪಡೆಯ ದಿನದಂದು ಸೇವೆಯಿಂದ ನಿವೃತ್ತಿ ಪಡೆದಿವೆ.