ರಷ್ಯಾದಲ್ಲೂ ಭಾರತೀಯ ನಾರಿಶಕ್ತಿ ಅನಾವರಣ: ಇತಿಹಾಸ ಸೃಷ್ಟಿಸಿದ ಅಂಜಲಿ

ಭಾರತೀಯ ದೂತಾವಾಸ ಕಚೇರಿಯಲ್ಲಿ ಡೆಪ್ಯೂಟಿ ಏರ್​ ಅಟ್ಯಾಚ್ ಹುದ್ದೆಗೆ ಮೂರು ದಳಗಳಲ್ಲಿರುವ ಪುರುಷ ಅಧಿಕಾರಿಗಳನ್ನು ಮಾತ್ರವೇ ನೇಮಿಸಲಾಗುತ್ತಿತ್ತು. ಈ ಸಂಪ್ರದಾಯವನ್ನು ವಾಯುಪಡೆ ಮೊದಲ ಬಾರಿಗೆ ಮುರಿದು ಮಹಿಳೆಗೆ ಸ್ಥಾನ ನೀಡಿದೆ. ಏರೋನಾಟಿಕಲ್​ ಎಂಜಿನಿಯರ್ ಅಧಿಕಾರಿಯಾಗಿರುವ ಅಂಜಲಿ ಸಿಂಗ್ ಅವರು ಕಳೆದ 17 ವರ್ಷಗಳ ಸೇವಾ ಅನುಭವ ಹೊಂದಿದ್ದಾರೆ. ಮಿಗ್​- 29 ಯುದ್ಧ ವಿಮಾನ ಹಾರಾಟದ ತರಬೇತಿ ಸಹ ಪಡೆದಿದ್ದಾರೆ.

ನವದೆಹಲಿ: ಭಾರತೀಯ ವಾಯುಪಡೆಯ ಮಹಿಳಾ ವಿಂಗ್ ಕಮಾಂಡರ್ ಆಗಿರುವ ಅಂಜಲಿ ಸಿಂಗ್ ಅವರನ್ನು ರಷ್ಯಾದ ಮಾಸ್ಕೋದಲ್ಲಿರುವ ಭಾರತೀಯ ದೂತಾವಾಸ ಕಚೇರಿಯಲ್ಲಿ ಡೆಪ್ಯೂಟಿ ಏರ್​ ಅಟ್ಯಾಚ್ ಸೇವೆಗೆ ನಿಯೋಜನೆಗೊಳಿಸಲಾಗಿದೆ.ಈ ಮೂಲಕ ಅವರು ಭಾರತದಿಂದ ವಿದೇಶದಲ್ಲಿರುವ ಮೊದಲ ಮಿಟಿಟರಿ ಡಿಪ್ಲೊಮ್ಯಾಟ್ ಎಂಬ ಹಿರಿಮೆಗೆ ಪಾತ್ರರಾದ್ರು.

ಅಂಜಲಿ ಸಿಂಗ್ ಅವರು ವಿದೇಶಗಳಲ್ಲಿರುವ ಭಾರತೀಯ ರಾಯಭಾರಿ ಕಚೇರಿಗಳಲ್ಲಿ ರಕ್ಷಣಾ ವ್ಯವಹಾರಗಳನ್ನು ನೊಡಿಕೊಳ್ಳುವ ಹುದ್ದೆಗೆ ನಿಯೋಜನೆಗೊಂಡ ಪ್ರಥಮ ಮಹಿಳೆ ಎನ್ನಿಸಿಕೊಂಡರು.

ಇದುವರೆಗೂ ಈ ಹುದ್ದೆಗೆ ಮೂರು ದಳಗಳಲ್ಲಿರುವ ಪುರುಷ ಅಧಿಕಾರಿಗಳನ್ನಷ್ಟೇ ನೇಮಿಸಲಾಗುತ್ತಿತ್ತು. ಈ ಸಂಪ್ರದಾಯವನ್ನು ವಾಯುಪಡೆ ಮೊದಲ ಬಾರಿಗೆ ಮುರಿದು ಮಹಿಳೆಗೆ ಸ್ಥಾನ ಕಲ್ಪಿಸಿದೆ. ಏರೋನಾಟಿಕಲ್​ ಎಂಜಿನಿಯರ್ ಅಧಿಕಾರಿಯಾಗಿರುವ ಅಂಜಲಿ ಸಿಂಗ್ ಅವರು ಕಳೆದ 17 ವರ್ಷಗಳ ಸೇವಾ ಅನುಭವ ಹೊಂದಿದ್ದಾರೆ. ಮಿಗ್​- 29 ಯುದ್ಧ ವಿಮಾನ ಹಾರಾಟದ ತರಬೇತಿ ಸಹ ಪಡೆದಿದ್ದಾರೆ.