ಭಾರತ - ಪಾಕ್​ ಜೊತೆ ಮಾತನಾಡ್ತೇನಿ.. ಅದೇ ರಾಗ ಹಾಡಿದ ಟ್ರಂಪ್: ಮೋದಿ ಏನು ಉತ್ತರ ಕೊಡ್ತಾರೆ?

ಪ್ರಧಾನಿ ಮೋದಿ ಭೇಟಿ ನಂತರ ನಾನು ಭಾರತ ಮತ್ತು ಪಾಕ್​ ನಾಯಕರ ನಡುವೆ ಮಾತನಾಡಲಿದ್ದೇನೆ ಎಂದು ಅಮೆರಿಕಾ ಅಧ್ಯಕ್ಷ ಡೊನಾಲ್ಡ್​ ಟ್ರಂಪ್​ ಪುನರುಚ್ಛರಿಸಿದ್ದಾರೆ.

ನವದೆಹಲಿ :ಇದೇ ತಿಂಗಳಿನಲ್ಲಿ ಪ್ರಧಾನಿ ಮೋದಿ ಅಮೆರಿಕಾ ಪ್ರವಾಸ ಕೈಗೊಳ್ಳಲಿದ್ದಾರೆ. ಈ ಹಿನ್ನೆಲೆ ಮಾತನಾಡಿರುವ ಅಮೆರಿಕಾ ಅಧ್ಯಕ್ಷ ಡೊನಾಲ್ಡ್​ ಟ್ರಂಪ್ ನಾನು ಭಾರತದ ಪ್ರಧಾನಿ ಮೋದಿಯವರನ್ನು ಭೇಟಿ ಮಾಡಲಿದ್ದೇನೆ ಎಂದಿದ್ದಾರೆ.

ನನ್ನ ಪ್ರಕಾರ ಭಾರತದಲ್ಲಿ ತೀವ್ರಗತಿಯಲ್ಲಿ ಸಾಕಷ್ಟು ಬೆಳವಣಿಗೆಗಳು ಜರುಗುತ್ತಿವೆ. ಹಾಗಾಗಿ ಉಭಯ ದೇಶಗಳಾದ ಭಾರತ ಮತ್ತು ಪಾಕಿಸ್ತಾನದ ನಾಯಕರ ಜೊತೆ ನಾನು ಮಾತನಾಡಲಿದ್ದೇನೆ ಎಂದು ಟ್ರಂಪ್​ ಹೇಳಿದ್ದಾರೆ.

ಈ ಹಿಂದೆಯೂ ಕೂಡ ಜಮ್ಮು-ಕಾಶ್ಮೀರ ವಿವಾದ ವಿಚಾರದಲ್ಲಿ ಮಧ್ಯಸ್ಥಿಕೆ ವಹಿಸುವುದಾಗಿ ಟ್ರಂಪ್​ ಹೇಳಿಕೊಂಡಿದ್ರು. ಈ ಕುರಿತು ಆಕ್ಷೇಪ ವ್ಯಕ್ತಪಡಿಸಿದ್ದ ಭಾರತ ದೇಶದ ಆಂತರಿಕ ವಿಚಾರದಲ್ಲಿ ಬೇರೆಯವರು ಮೂಗುತೂರಿಸಲು ಬಿಡುವುದಿಲ್ಲ ಎಂದು ತಿರುಗೇಟು ನೀಡಿ ತಿರಸ್ಕರಿಸಿತ್ತು. ಇದೀಗ ಮತ್ತೆ ಮೋದಿ ಭಾರತ ಮತ್ತು ಪಾಕ್​ ಜೊತೆ ಮಾತನಾಡುವುದಾಗಿ ಪುನರುಚ್ಛರಿಸಿದ್ದು, ಭಾರತ ಯಾವ ರೀತಿ ಪ್ರತಿಕ್ರಿಯೆ ನೀಡಲಿದೆ ಎಂಬುದನ್ನು ಕಾದು ನೋಡಬೇಕಾಗಿದೆ.