ಅಸಾಧಾರಣ ಸ್ಮರಣ ಕೌಶಲ್ಯದಿಂದ ದಾಖಲೆ ನಿರ್ಮಿಸಿದ 1 ವರ್ಷದ ಬಾಲಕ!

ಹೈದರಾಬಾದ್​ನ ಪುಟ್ಟ ಬಾಲಕ ತನ್ನ ಸ್ಮರಣ ಕೌಶಲ್ಯಕ್ಕಾಗಿ 'ವರ್ಲ್ಡ್ ಬುಕ್ ಆಫ್ ರೆಕಾರ್ಡ್ಸ್' ಸೇರಿದಂತೆ ಇತರ ನಾಲ್ಕು ದಾಖಲೆ ಪುಸ್ತಕಗಳಲ್ಲಿ ಸ್ಥಾನ ಪಡೆದುಕೊಂಡಿದ್ದಾನೆ.

ಹೈದರಾಬಾದ್ (ತೆಲಂಗಾಣ): ಇಲ್ಲಿನ 1 ವರ್ಷ 9 ತಿಂಗಳು ವಯಸ್ಸಿನ ಆದಿತ್ ವಿಶ್ವನಾಥ ಗೌರಿಶೆಟ್ಟಿ ಎಂಬ ಪುಟ್ಟ ಬಾಲಕ 'ವರ್ಲ್ಡ್ ಬುಕ್ ಆಫ್ ರೆಕಾರ್ಡ್ಸ್' ಮತ್ತು ಇತರ ನಾಲ್ಕು ದಾಖಲೆ ಪುಸ್ತಕಗಳಲ್ಲಿ ಸ್ಥಾನ ಪಡೆದುಕೊಂಡಿದ್ದಾನೆ.

ಈ ಚಿಕ್ಕ ವಯಸ್ಸಿನಲ್ಲಿ ಆದಿತ್ ವಿಶ್ವನಾಥ ಗೌರಿಶೆಟ್ಟಿ, ವರ್ಲ್ಡ್ ಬುಕ್ ಆಫ್ ರೆಕಾರ್ಡ್ಸ್, ಇಂಡಿಯಾ ಬುಕ್ ಆಫ್ ರೆಕಾರ್ಡ್ಸ್, ತೆಲುಗು ಬುಕ್ ಆಫ್ ರೆಕಾರ್ಡ್ಸ್ ಮತ್ತು ಸ್ಮರಣ ಕೌಶಲ್ಯಕ್ಕಾಗಿ ಇನ್ನೂ ಎರಡು ರಾಷ್ಟ್ರೀಯ ದಾಖಲೆಗಳನ್ನು ಮಾಡಿದ್ದಾನೆ.

ತೆಲಂಗಾಣದ ಹೈದರಾಬಾದ್ ಮೂಲದ ಆದಿತ್, ಈ ವಯಸ್ಸಿನಲ್ಲಿ ತನ್ನ ಇಡೀ ಕುಟುಂಬ ಹೆಮ್ಮೆ ಪಡುವಂತಹ ಸಾಧನೆ ಮಾಡಿದ್ದಾನೆ.

ಆದಿತ್ ತನ್ನ ಸ್ಮರಣ ಕೌಶಲ್ಯದಿಂದ ಹಾಡುಗಳು, ದೇವತೆಗಳು, ಕಾರ್ ಲೋಗೋಗಳು, ಬಣ್ಣಗಳು, ಪ್ರಾಣಿಗಳು, ಧ್ವಜಗಳು, ಹಣ್ಣುಗಳು, ಆಕಾರಗಳು, ಸಾಕು ಪ್ರಾಣಿಗಳು, ಕಾಡು ಪ್ರಾಣಿಗಳು, ವೃತ್ತಿಗಳು, ದೇಹದ ಭಾಗಗಳು, ಇಂಗ್ಲಿಷ್ ವರ್ಣಮಾಲೆಗಳು ಮತ್ತು ಎಲೆಕ್ಟ್ರಾನಿಕ್ ಗೃಹೋಪಯೋಗಿ ಉಪಕರಣಗಳನ್ನು ಗುರುತಿಸುತ್ತಾನೆ.