ಇಂದಿನಿಂದ ಹೈದರಾಬಾದ್​​ ಟು ಕರ್ನಾಟಕ ಬಸ್​ ಸೇವೆ ಆರಂಭ!

ಬರೋಬ್ಬರಿ ಆರು ತಿಂಗಳ ಬಳಿಕ ಇಂದಿನಿಂದ ಹೈದರಾಬಾದ್​ನಿಂದ ಕರ್ನಾಟಕಕ್ಕೆ ಬಸ್ ಸೇವೆ​ ಪ್ರಾರಂಭವಾಗಲಿದ್ದು, ಪ್ರಯಾಣಿಕರು ಉಪಯೋಗಿಸುವಂತೆ ತೆಲಂಗಾಣ ರಾಜ್ಯ ಸಾರಿಗೆ ಸಚಿವ ಮನವಿ ಮಾಡಿದ್ದಾರೆ.

ಹೈದರಾಬಾದ್​: ಸುದೀರ್ಘ ವಿರಾಮದ ಬಳಿಕ ಹೈದರಾಬಾದ್​ ಸಿಟಿಯಿಂದ ಕರ್ನಾಟಕ ಮತ್ತು ಮಹಾರಾಷ್ಟ್ರಕ್ಕೆ ಬಸ್ ಸೇವೆ​ ಆರಂಭವಾಗುತ್ತಿದೆ.

ಇಂದಿನಿಂದ ಹೈದರಾಬಾದ್​ ಟು ಕರ್ನಾಟಕ ಬಸ್ ಸೇವೆ​ ಪ್ರಾರಂಭ

ಹೈದರಾಬಾದ್​ನ ಪ್ರಮುಖ ನಗರಗಳಲ್ಲಿ ಕೇವಲ ಶೇ. 25ರಷ್ಟು ಮಾತ್ರ ಇಂದಿನಿಂದ ನಗರ ಸಂಚಾರ ಬಸ್​ ವ್ಯವಸ್ಥೆ ಪ್ರಾರಂಭವಾಗಲಿದೆ. ಅದರಂತೆ ಅಂತಾರಾಜ್ಯಗಳಾದ ಕರ್ನಾಟಕ ಮತ್ತು ಮಹಾರಾಷ್ಟ್ರಕ್ಕೂ ಸಹ ಬಸ್​ ಸಂಚಾರ ಆರಂಭಗೊಳ್ಳಲಿದೆ ಎಂದು ತೆಲಂಗಾಣ ರಾಜ್ಯ ಸಾರಿಗೆ ಸಚಿವ ಪುವ್ವಾಡ ಅಜಯ್ ​ಕುಮಾರ್​ ಹೇಳಿದ್ದಾರೆ.

ಗುರುವಾರ ಬಸ್​ ಆರಂಭ ಕುರಿತು ಸಿಎಂ ಕೆಸಿಆರ್​ ಜೊತೆ ಸಭೆ ನಡೆಸಿದ ಬಳಿಕ ಮಾತನಾಡಿದ ಸಚಿವ ಅಜಯ್ ​ಕುಮಾರ್​, ನಗರದಿಂದ ಇತರ ಪ್ರಾಂತಗಳಿಗೆ 150 ಬಸ್​ಗಳು ಬುಧವಾರದಿಂದ ಪ್ರಾರಂಭವಾಗಿವೆ. ಇಂದಿನಿಂದ 600-700 ಬಸ್​ಗಳನ್ನು ಬಿಡಲು ತೀರ್ಮಾನಿಸಿದ್ದೇವೆ. ಹೈದರಾಬಾದ್​ ವ್ಯಾಪ್ತಿಯ 29 ​ ಡಿಪೋಗಳಿಂದ ಪ್ರಮುಖ ಮಾರ್ಗಗಳಲ್ಲಿ ಬಸ್​ ಸೇವೆ​ ಕಲ್ಪಿಸುವಂತೆ ಅಧಿಕಾರಿಗಳಿಗೆ ಆದೇಶಿಸಲಾಗಿದೆ. ಆಯಾ ನಗರದ ಬೇಡಿಕೆ ಆಧಾರದ ಮೇಲೆ ಬಸ್​ಗಳ ಸಂಖ್ಯೆ ಹೆಚ್ಚಿಸುವುದರ ಬಗ್ಗೆ ಪರಿಶೀಲಿಸಲಾಗುವುದೆಂದು ತಿಳಿಸಿದ್ದಾರೆ.

ಬಸ್​ಗಳಲ್ಲಿ ಪ್ರಯಾಣಿಕರು ಕೊರೊನಾ ನಿಯಮ ಪಾಲಿಸಲೇಬೇಕು. ಬಸ್​ ಸಂಚಾರ ಕುರಿತು ಆಂಧ್ರ ಪ್ರದೇಶ ಜೊತೆ ಒಪ್ಪಂದ ಅಂತಿಮವಾಗಿಲ್ಲ. ಹೀಗಾಗಿ ಸದ್ಯ ಆಂಧ್ರ ಪ್ರದೇಶಕ್ಕೆ ಬಸ್​ ಸಂಚಾರ ವ್ಯವಸ್ಥೆ ಇಲ್ಲವೆಂದು ಸಚಿವ ಅಜಯ್​ ಕುಮಾರ್​ ಹೇಳಿದ್ದಾರೆ.