ಗೋ-ಕಾರ್ಟ್​ ಚಕ್ರದಲ್ಲಿ ಕೂದಲು ಸಿಲುಕಿ ಬಿಟೆಕ್​ ವಿದ್ಯಾರ್ಥಿನಿ ದುರ್ಮರಣ!

ಗೋ-ಕಾರ್ಟ್​​​ ಆಡುತ್ತಿದ್ದ ವೇಳೆ ಹಿಂದಿನ ಚಕ್ರದಲ್ಲಿ ಕೂದಲು ಸಿಲುಕಿಕೊಂಡು ವಿದ್ಯಾರ್ಥಿನಿ ದುರ್ಮರಣಕ್ಕಿಡಾಗಿರುವ ಘಟನೆ ಹೈದರಾಬಾದ್​ನಲ್ಲಿ ನಡೆದಿದೆ.

ಹೈದರಾಬಾದ್​: ಸ್ನೇಹಿತರೊಂದಿಗೆ ಗೋ-ಕಾರ್ಟ್​​ ಆಡಲು ತೆರಳಿದ್ದ ವೇಳೆ ಅದರ ಚಕ್ರದಲ್ಲಿ ಕೂದಲು ಸಿಲುಕಿಕೊಂಡು ಬಿಟೆಕ್​ ವಿದ್ಯಾರ್ಥಿನಿ ದುರ್ಮರಣಕ್ಕೀಡಾಗಿರುವ ಘಟನೆ ಹೈದರಾಬಾದ್​​ನಲ್ಲಿ ನಡೆದಿದೆ.

20 ವರ್ಷದ ವಿದ್ಯಾರ್ಥಿನಿ ವರ್ಷಿಣಿ ಹೈದರಾಬಾದ್​ನ ಗುರಂ ಗೂಡಾದಲ್ಲಿ ಗೋ-ಕಾರ್ಟ್​ ಆಡಲು ತೆರಳಿದ್ದಳು. ಈ ವೇಳೆ ಅದರ ಚಕ್ರದಲ್ಲಿ ಕೂದಲು ಸಿಲುಕಿಕೊಂಡಿರುವ ಪರಿಣಾಮ ಗಂಭೀರವಾಗಿ ಗಾಯಗೊಂಡಿದ್ದಾಳೆ. ತಕ್ಷಣವೇ ಆಕೆಯನ್ನ ಸ್ಥಳೀಯ ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ.

ಆದರೆ ಚಿಕಿತ್ಸೆ ಫಲಕಾರಿಯಾಗದೇ ಸಾವನ್ನಪ್ಪಿದ್ದಾಗಿ ವೈದ್ಯರು ಮಾಹಿತಿ ನೀಡಿದ್ದಾರೆ. ಇನ್ನು ವರ್ಷಿಣಿ ಕುಟುಂಬಸ್ಥರು ಗೋ-ಕಾರ್ಟ್​ ವ್ಯವಸ್ಥಾಪಕರ ಮೇಲೆ ಗಂಭೀರ ಆರೋಪ ಮಾಡಿದ್ದು, ಅವರ ನಿರ್ಲಕ್ಷ್ಯದಿಂದಾಗಿ ಮಗಳು ಸಾವನ್ನಪ್ಪಿದ್ದಾಳೆ ಎಂದು ಮೀರ್​ಪೇಟ್​​ ಪೊಲೀಸ್​ ಠಾಣೆಯಲ್ಲಿ ಪ್ರಕರಣ ದಾಖಲು ಮಾಡಿದ್ದಾರೆ.