ಮಗುಚಿ ಬಿದ್ದ ಹಾಲಿನ ವಾಹನ: ಶ್ವಾನಗಳೊಂದಿಗೆ ಹಾಲು ಬಾಚಿಕೊಂಡ ವ್ಯಕ್ತಿ, ವಿಡಿಯೋ

ಲಾಕ್​ಡೌನ್​ ಸಮಯದಲ್ಲಿ ದೇಶದ ಜನರು ತೊಂದರೆಗೆ ಒಳಗಾಗಬಾರದು ಎಂದು ಸರ್ಕಾರಗಳು ಸಕಲ ರೀತಿಯ ಕ್ರಮಗಳನ್ನು ಕೈಗೊಳ್ಳುತ್ತಿವೆ. ಇದರ ಮಧ್ಯೆ ಕೂಡ ಜನರು ಹಸಿವಿನಿಂದ ಬಳಲುತ್ತಿದ್ದಾರೆ.

ಆಗ್ರಾ:ಹಾಲಿನ ವಾಹನವೊಂದುಉತ್ತರಪ್ರದೇಶದ ಆಗ್ರಾದಲ್ಲಿ ಮಗುಚಿ ಬಿದ್ದಿದ್ದು, ಈ ವೇಳೆ ಶ್ವಾನಗಳೊಂದಿಗೆ ವ್ಯಕ್ತಿಯೋರ್ವ ಪಾತ್ರೆಯಲ್ಲಿ ಹಾಲು ತುಂಬಿಕೊಳ್ಳುತ್ತಿದ್ದ ಘಟನೆ ನಡೆದಿದ್ದು, ಇದರ ವಿಡಿಯೋ ಇದೀಗ ಎಲ್ಲೆಡೆ ವೈರಲ್​​ ಆಗಿದೆ.

ದೇಶದಲ್ಲಿ ಲಾಕ್​ಡೌನ್​​ ಹೇರಿ ಆದೇಶ ಹೊರಡಿಸಿದ್ದರಿಂದ ಅನೇಕರು ತೀವ್ರವಾಗಿ ತೊಂದರೆಗೆ ಸಿಲುಕಿದ್ದಾರೆ. ಕೆಲವರು ನಿತ್ಯದ ಊಟಕ್ಕೂ ಪಡುವ ಪಡಿಪಾಟಲು ಅಷ್ಟಿಷ್ಟಲ್ಲ. ಅಂಥದ್ರಲ್ಲಿ ಆಹಾರ ಸಾಮಾಗ್ರಿಗಳು ಈ ರೀತಿ ಪೋಲಾಗುತ್ತಿರುವುದು ವಿಪರ್ಯಾಸ. ಹಾಲಿನ ಗಾಡಿ ಮಗುಚಿ ಬೀಳುತ್ತಿದ್ದಂತೆ ವ್ಯಕ್ತಿಯೋರ್ವ ಪಾತ್ರೆ ತೆಗೆದುಕೊಂಡು ಬಂದು ಅದರಲ್ಲಿ ತುಂಬಿಸಿಕೊಳ್ಳುತ್ತಿದ್ದು, ಇದರ ಹಿಂದೆ ಅನೇಕ ಶ್ವಾನಗಳು ಹಾಲು ಕುಡಿಯುತ್ತಿವೆ.