ಭಾರತದ ಕೊಡುಗೆಗೆ ನಾವೆಂದೂ ಚಿರಋಣಿ: ಭೂತಾನ್ ಪ್ರಧಾನಿ ಬಣ್ಣನೆ

ಮೋದಿಯ ಭೂತಾನ್​ ಆಗಮನದ ಮುಖ್ಯ ವಿಷಯವೇ, ಆರೋಗ್ಯವಂತ ಜನರನ್ನು ಸಂಪರ್ಕಿಸುವುದು, ಬೆರೆಯುವುದಾಗಿದೆ. ಮೋದಿಯವರು ಮುಕ್ತ ನಗುವಿನೊಂದಿಗೆ ನಮ್ಮ ದೇಶಕ್ಕೆ ಬಂದರು. ಇಂದು ಮತ್ತೆ ಅದೇ ನಗುವಿನೊಂದಿಗೆ ಇಲ್ಲಿಂದ ನಿರ್ಗಮಿಸಿದ್ದಾರೆ. ಭಾರತ ಸರ್ಕಾರವು ನಮ್ಮ ದೇಶದಲ್ಲಿ ಗ್ರೌಂಡ್​ ಸ್ಟೇಷನ್​ ಸ್ಥಾಪಿಸಿರುವುದಕ್ಕಾಗಿ ನಾವು ಎಂದಿಗೂ ಭಾರತಕ್ಕೆ ಚಿರಋಣಿಯಾಗಿರುತ್ತೇವೆ ಎಂದು ಸಂತಸ ವ್ಯಕ್ತಪಡಿಸಿದ್ರು.

ಥಿಂಪು (ಭೂತಾನ್​):ಪ್ರಧಾನಿ ಮೋದಿಯವರ ಎರಡು ದಿನಗಳ ಭೂತಾನ್​ ಪ್ರವಾಸ ಇಂದಿಗೆ ಮುಗಿದಿದೆ. ಭೂತಾನ್​ನಿಂದ ಅವರು ಭಾರತಕ್ಕೆ ಮರಳಿದ್ದಾರೆ.

ಪ್ರಧಾನಿ ಮೋದಿಗೆ ವಿಶೇಷ ಸ್ವಾಗತ ಕೋರಿದ್ದ ಭೂತಾನ್​ ಪ್ರಧಾನಿ ಲೋಟೇ ಶೆರಿಂಗ್, ವಿಭಿನ್ನ ರೀತಿಯಲ್ಲೇ ಬೀಳ್ಕೊಟ್ಟಿದ್ದಾರೆ. ರಸ್ತೆಯುದ್ದಕ್ಕೂ ನೂರಾರು ಜನ ಬಾವುಟಗಳು ಹಾಗೂ ಹೂವುಗಳನ್ನು ಹಿಡಿದು ಮೋದಿಗೆ ವಿದಾಯ ಹೇಳಿದ್ರು. ಥಿಂಪುವಿನಲ್ಲಿ ಭೂತಾನ್​ ರಾಜ ಜಿಗ್ಮೆ ಖೇಸರ್​ ನಾಮ್ಗೆಲ್​ ವ್ಯಾಂಗ್​ಚುಕ್​ ಏರ್ಪಡಿಸಿದ್ದ ಮಧ್ಯಾಹ್ನದ ಮೃಷ್ಟಾನ್ನ ಭೋಜನವನ್ನು ಸವಿದ ಮೋದಿ, ಅಲ್ಲಿಂದ ಭೂತಾನ್​ನ ಮತ್ತೊಂದು ಪ್ರಮುಖ ನಗರ ಪಾರೋಗೆ ತೆರಳಿದರು.

ಮೋದಿ ನಿರ್ಗಮನದ ಬಳಿಕ, ಭೂತಾನ್​ ಪ್ರಧಾನಿ ಲೋಟೇ ಶೆರಿಂಗ್ ಮಾತನಾಡುತ್ತಾ, ಈ ಬಾರಿ ಮೋದಿಯ ಭೂತಾನ್​ ಆಗಮನದ ಮುಖ್ಯ ವಿಷಯವೇ, ಆರೋಗ್ಯವಂತ ಜನರು ಜನರನ್ನು ಸಂಪರ್ಕಿಸುವುದು ಅಥವಾ ಬೆರೆಯುವುದಾಗಿದೆ. ಮೋದಿಯವರು ಮುಕ್ತ ನಗುವಿನೊಂದಿಗೆ ನಮ್ಮ ದೇಶಕ್ಕೆ ಬಂದರು. ಇಂದು ಮತ್ತೆ ಅದೇ ನಗುವಿನೊಂದಿಗೆ ಇಲ್ಲಿಂದ ನಿರ್ಗಮಿಸಿದ್ದಾರೆ. ಭಾರತ ಸರ್ಕಾರವು ನಮ್ಮ ದೇಶದಲ್ಲಿ ಉಪಗ್ರಹ ಸಂಬಂಧಿ ಗ್ರೌಂಡ್​ ಸ್ಟೇಷನ್​ ಸ್ಥಾಪಿಸಿರುವುದಕ್ಕಾಗಿ ನಾವು ಎಂದಿಗೂ ಚಿರಋಣಿಯಾಗಿರುತ್ತೇವೆ ಎಂದು ಹರ್ಷ ವ್ಯಕ್ತಪಡಿಸಿದ್ರು.