ವಿಶೇಷ ಅಂಕಣ: ಉದ್ಯೋಗವಕಾಶ ನೀಡುವ ನಕಲಿ OLX, ಕ್ವಿಕರ್ ಜಾಹೀರಾತುಗಳಿಗೆ ಹೈಕೋರ್ಟ್ ಬ್ರೇಕ್​

ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್​​​ಗೆ ಸಂಬಂಧಿಸಿದಂತೆ ಜಿಯೋ ಜಾಬ್ಸ್ ಮತ್ತು ರಿಲಯನ್ಸ್ ಟ್ರೆಂಡ್ಸ್ ಜಾಬ್ಸ್ ಎಂಬ ಪದಗಳನ್ನು ಬಳಸುವ ಮೂಲಕ ನಕಲಿ ಮತ್ತು ಮೋಸದ ನೇಮಕಾತಿ ಜಾಹೀರಾತುಗಳನ್ನು ಒಎಲ್​​​ಎಕ್ಸ್​ ಮತ್ತು ಕ್ವಿಕರ್​​ ಕಂಪನಿಗಳು ತಮ್ಮ ವೆಬ್ ಪೋರ್ಟಲ್​​​ಗಳಲ್ಲಿ ಪೋಸ್ಟ್ ಮಾಡಿದ್ದನ್ನು ಹಿಂಪಡೆಯುವಂತೆ ದೆಹಲಿ ಹೈಕೋರ್ಟ್ ಆದೇಶ ಹೊರಡಿಸಿದೆ.

ನವದೆಹಲಿ, ಮೇ 29 (ಪಿಟಿಐ): ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ (ಆರ್​​ಐಎಲ್​​) ಗೆ ಸಂಬಂಧಿಸಿದಂತೆ ಜಿಯೋ ಜಾಬ್ಸ್ ಮತ್ತು ರಿಲಯನ್ಸ್ ಟ್ರೆಂಡ್ಸ್ ಜಾಬ್ಸ್ (JIO Jobs' and Reliance Trends Jobs) ಎಂಬ ಪದಗಳನ್ನು ಬಳಸುವ ಮೂಲಕ ನಕಲಿ ಮತ್ತು ಮೋಸದ ನೇಮಕಾತಿ ಜಾಹೀರಾತುಗಳನ್ನು ಒಎಲ್​​​ಎಕ್ಸ್​ ಮತ್ತು ಕ್ವಿಕರ್​​ ಕಂಪನಿಗಳು ತಮ್ಮ ವೆಬ್ ಪೋರ್ಟಲ್​​​ಗಳಲ್ಲಿ ಪೋಸ್ಟ್ ಮಾಡಿದನ್ನು ಹಿಂಪಡೆಯುವಂತೆ ದೆಹಲಿ ಹೈಕೋರ್ಟ್ ಆದೇಶಿಸಿದೆ. ಈ ರೀತಿಯ ನಕಲಿ ಜಾಹೀರಾತುಗಳನ್ನು ಪ್ರಕಟಿಸುವುದರಿಂದ ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ ಅಪಖ್ಯಾತಿ ಉಂಟಾಗುತ್ತದೆ ಎಂದಿದೆ.

ನ್ಯಾಯಮೂರ್ತಿ ಮುಕ್ತಾ ಗುಪ್ತಾ ಅವರು ಎರಡು ಪ್ರತ್ಯೇಕ ಮಧ್ಯಂತರ ಆದೇಶಗಳಲ್ಲಿ, ಆರ್​​ಐಎಲ್​​ ಮತ್ತು ರಿಲಯನ್ಸ್ ಜಿಯೋ ಇನ್ಫೋಕಾಮ್ ಲಿಮಿಟೆಡ್ ತಮ್ಮ ಪರವಾಗಿ ಪ್ರಕರಣವೊಂದನ್ನು ದಾಖಲಿಸಿದ್ದು, ಮತ್ತು ತಮ್ಮ ಪರವಾಗಿ ಯಾವುದೇ ಮಧ್ಯಂತರ ತಡೆಯಾಜ್ಞೆಯನ್ನು ನೀಡದಿದ್ದಲ್ಲಿ ತಮಗೆ ಸರಿಪಡಿಸಲಾಗದ ನಷ್ಟವನ್ನು ಅನುಭವಿಸುವಂತಾಗುತ್ತದೆ ಎಂದು ಕೇಳಿಕೊಂಡಿದ್ದಾರೆ ಎಂದಿದೆ.

ಟ್ರೇಡ್​​​ ಮಾರ್ಕ್​ ಮತ್ತು ವ್ಯಾಪಾರ ಹೆಸರುಗಳಾದ JIO ಮತ್ತು RELIANCE ಗಳ ಮಾಲೀಕರು ಆರ್​​ಐಎಲ್ ಎಂದು ಹೈಕೋರ್ಟ್ ಗುರುವಾರ ಎರಡು ಮೊಕದ್ದಮೆಗಳಲ್ಲಿ ಆದೇಶಗಳನ್ನು ನೀಡಿದ್ದು, ಪ್ರತಿವಾದಿಗಳದ OLX India BV, OLX India Pvt Ltd ಮತ್ತು Quikr India Pvt Ltd ಗಳು ಆರ್ಐಎಲ್ ಅಭಿಮಾನ ಮತ್ತು ಖ್ಯಾತಿಗೆ ಅಪಾರ ಹಾನಿ ಮತ್ತು ಸರಿಪಡಿಸಲಾಗದ ಗಾಯವನ್ನು ಮಾಡಿದೆ ಎಂದಿದ್ದಾರೆ.

ವೆಬ್ ಪೋರ್ಟಲ್​ಗಳು ವರ್ಗೀಕೃತ ಜಾಹೀರಾತುಗಳನ್ನು ಪ್ರಕಟಿಸುವುದರಲ್ಲಿ ನಿರತರಾಗಿವೆ ಮತ್ತು ಗ್ರಾಹಕರು ಸರಕು ಮತ್ತು ಸೇವೆಗಳನ್ನು ಮಾರಾಟ ಮಾಡಲು ಮತ್ತು ನೀಡಲು ಜಾಹೀರಾತುಗಳನ್ನು ಪ್ರಕಟಿಸಲು ಅನುವು ಮಾಡಿಕೊಡುತ್ತಿವೆ.JIO JOBS, RELIANCE TRENDS JOBS ನಂತಹ ವಿವಿಧ ಪದಗಳ ಅಡಿಯಲ್ಲಿ ನಕಲಿ ಮತ್ತು ಮೋಸದ ನೇಮಕಾತಿ ಜಾಹೀರಾತುಗಳನ್ನು ಪ್ರತಿವಾದಿಗಳ ವೆಬ್ ಪೋರ್ಟಲ್​​ಗಳಲ್ಲಿ ಪ್ರಕಟಿಸಲಾಗುತ್ತಿದೆ ಮತ್ತು ಇದು ಫಿರ್ಯಾದಿಗಳ ಟ್ರೇಡ್ಮಾರ್ಕ್ ಮತ್ತು ವ್ಯಾಪಾರ ಹೆಸರು JIO ಮತ್ತು RELIANCE ಅನ್ನು ಉಲ್ಲಂಘಿಸುತ್ತದೆ ಎಂದು ಮೊಕದ್ದಮೆಗಳು ತಿಳಿಸಲಾಗಿದೆ.

ಆರ್​​ಐಎಲ್​​ ಅವರ ಟ್ರೇಡ್​​​ ಮಾರ್ಕ್ ಬಳಸಲಾಗುತ್ತಿದೆ ಮತ್ತು ಹಲವಾರು ಮುಗ್ಧ ಉದ್ಯೋಗಾಕಾಂಕ್ಷಿಗಳನ್ನು ಮೋಸಗೊಳಿಸಲಾಗುತ್ತಿದೆ ಮತ್ತು ಅವರಿಂದ ಹಣವನ್ನು ಸುಲಿಗೆ ಮಾಡಲಾಗುತ್ತಿದೆ ಎಂದು ಹೇಳಿದ್ದಾರೆ. ಕ್ವೀಕರ್ ವೆಬ್ ಪೋರ್ಟಲ್ ಆನ್​​​ಲೈನ್​​​ ನೇಮಕಾತಿ ವೆಬ್​​​ಸೈಟ್​​ನಂತೆ ಕಾರ್ಯನಿರ್ವಹಿಸುತ್ತದೆ ಮತ್ತು ಗ್ರಾಹಕರಿಗೆ ಉದ್ಯೋಗ ಖಾಲಿ ಹುದ್ದೆಗಳನ್ನು ಜಾಹೀರಾತು ಮಾಡಲು ಅನುಕೂಲವಾಗುತ್ತದೆ.

ಉದ್ಯೋಗಾಕಾಂಕ್ಷಿಗಳಾಗಿರುವ ತನ್ನ ಗ್ರಾಹಕರನ್ನು ಗೋಲ್ಡ್ ', ರಾಪಿಡ್ ಹೈರ್' ಮತ್ತು ಸ್ಪಾಟ್ ಲೈಟ್ 'ಎಂಬ ಮೂರು ವಿಭಿನ್ನ ವಿಭಾಗಗಳಾಗಿ ವರ್ಗೀಕರಿಸುತ್ತದೆ ಮತ್ತು ಆ ಮೂಲಕ ಈ ಪೋರ್ಟಲ್​​ನಿಂದ ಪಡೆಯಲು ಸಾಧ್ಯವಾಗುವಂತಹ ಸೌಲಭ್ಯಗಳ ಆಧಾರದ ಮೇಲೆ ತನ್ನ ಗ್ರಾಹಕರಿಗೆ ಶುಲ್ಕ ವಿಧಿಸುತ್ತದೆ ಎಂದು ತಿಳಿಸಿದ್ದಾರೆ.

ಈ ಕುರಿತು OLX India ಪರ ವಕೀಲರು ಹೈಕೋರ್ಟ್​​​ನಲ್ಲಿ ಕೆಲವು URL ಗಳನ್ನು ತೆಗೆದುಹಾಕಿಲಾಗಿದೆ ಮತ್ತು ತಾಂತ್ರಿಕ ಕಾರಣಗಳಿಂದಾಗಿ, ಒಂದು URL ಅನ್ನು ತೆಗೆದುಹಾಕಲು ಸಾಧ್ಯವಿಲ್ಲ ಮತ್ತು ಅದನ್ನು ತೆಗೆಯುವ ಪ್ರಕ್ರಿಯೆಯಲ್ಲಿದ್ದಾರೆ ಎಂದು ತಿಳಿಸಿದ್ದಾರೆ.

ಅಲ್ಲದೆ JIO ಮತ್ತು RELIANCE 'ಪದಗಳೊಂದಿಗೆ ಫಿಲ್ಟರ್ಗಳನ್ನು ಕೂಡ ಸೇರಿಸಲಾಗಿದೆ, ಇದರಿಂದಾಗಿ ಭವಿಷ್ಯದಲ್ಲಿ ಯಾರೂ ತಮ್ಮ ಸುಳ್ಳು ಮತ್ತು ಕಾಲ್ಪನಿಕ ಜಾಹೀರಾತುಗಳೊಂದಿಗೆ ತಮ್ಮ ವೇದಿಕೆಯನ್ನು ದುರುಪಯೋಗಪಡಿಸಿಕೊಳ್ಳಲು ಸಾಧ್ಯವಿಲ್ಲ, ಇದರಿಂದಾಗಿ ಉದ್ಯೋಗಾಕಾಂಕ್ಷಿಗಳನ್ನು ವಂಚಿಸಲು ಮತ್ತು ಫಿರ್ಯಾದಿಗಳ ಟ್ರೇಡ್​​​ ಮಾರ್ಕ್​ಗಳು ಅಥವಾ ವ್ಯಾಪಾರದ ಹೆಸರುಗಳನ್ನು ಉಲ್ಲಂಘಿಸಲಾಗುವುದಿಲ್ಲ ಎಂದು ತಿಳಿಸಿದ್ದಾರೆ.

ಕ್ವೀಕರ್ ಇಂಡಿಯಾದ ಪರ ವಕೀಲರು, ಪೋರ್ಟಲ್ನಲ್ಲಿನ ಪಟ್ಟಿಗಳು ಸ್ವಯಂಚಾಲಿತವಾಗಿವೆ ಮತ್ತು ಹೆಚ್ಚಿನ ಸಂಖ್ಯೆಯ ಜನರು ತಮ್ಮ ಜಾಹೀರಾತುಗಳನ್ನು ವೆಬ್ ಪೋರ್ಟಲ್​​ನಲ್ಲಿ ಪಟ್ಟಿ ಮಾಡುತ್ತಿರುವ ದೃಷ್ಟಿಯಿಂದ ಮತ್ತು ಸಿಸ್ಟಮ್ ಸ್ವಯಂಚಾಲಿತವಾಗಿ ಉತ್ಪತ್ತಿಯಾಗುತ್ತಿರುವುದರಿಂದ, ಮೂರನೇ ವ್ಯಕ್ತಿಗಳ ಸತ್ಯಾಸತ್ಯತೆಯನ್ನು ಕಂಡುಹಿಡಿಯಲು ವೆಬ್ ಪೋರ್ಟಲ್​​ಗೆ ಯಾವುದೇ ಕಾರ್ಯವಿಧಾನವಿಲ್ಲ ಎಂದಿದ್ದಾರೆ.

ಯಾರಾದರು ಈ ಬಗ್ಗೆ ದೂರು ನೀಡಿದಾಗ, ಪ್ರತಿವಾದಿಯು ಸಂಬಂಧಪಟ್ಟ URL ಅನ್ನು ತಕ್ಷಣ ತೆಗೆದು ಹಾಕಲಾಗುವುದು ಎಂದು ತಿಳಿಸಿದ್ದಾರೆ. ಈಗಾಗಾಲೇ ಇದ್ದ ಎರಡು URL ಅನ್ನು ತೆಗೆದು ಹಾಕಲಾಗಿದೆ ಎಂದಿದ್ದಾರೆ.

ಕ್ವೀಕರ್ ಪ್ರಕರಣದಲ್ಲಿ ಜಾರಿಗೆ ಬಂದ ಆದೇಶದಲ್ಲಿ ಹೈಕೋರ್ಟ್, ಮುಂದಿನ ವಿಚಾರಣೆಯ ದಿನಾಂಕದವರೆಗೆ, ಪ್ರತಿವಾದಿ, ಅದರ ಏಜೆಂಟರು, ಸೇವಕರು, ಅಂಗಸಂಸ್ಥೆಗಳು ಸಹ ತಮ್ಮ ಪೋರ್ಟಲ್ನಲ್ಲಿ ಹೆಸರು / ಗುರುತು JIO ಮತ್ತು RELIANCE ಅನ್ನು ಒಳಗೊಂಡಿರುವ ಯಾವುದೇ ಜಾಹೀರಾತನ್ನು ತಮ್ಮ ಪೋರ್ಟಲ್​​​ನಲ್ಲಿ ಇಡುವುದನ್ನು ನಿರ್ಬಂಧಿಸಲಾಗಿದೆ ಎಂದು ಹೇಳಿದರು.

ಮೊಕದ್ದಮೆಗಳ ಬಗ್ಗೆ ಹೈಕೋರ್ಟ್ ಒಎಲ್ಎಕ್ಸ್ ಇಂಡಿಯಾ ಮತ್ತು ಕ್ವಿಕರ್ ಇಂಡಿಯಾಕ್ಕೆ ಸಮನ್ಸ್ ಜಾರಿಗೊಳಿಸಿತು ಮತ್ತು ಸೆಪ್ಟೆಂಬರ್ 21 ರಂದು ಹೆಚ್ಚಿನ ವಿಚಾರಣೆಗೆ ಈ ವಿಷಯವನ್ನು ಪಟ್ಟಿ ಮಾಡಿತು.

ಮೊಕದ್ದಮೆಗೆ ಪ್ರತಿಕ್ರಿಯೆಯಾಗಿ ತಮ್ಮ ಲಿಖಿತ ಹೇಳಿಕೆಯನ್ನು ಸಲ್ಲಿಸುವಂತೆ ಹೈಕೋರ್ಟ್ ಒಎಲ್ಎಕ್ಸ್ ಇಂಡಿಯಾ ಮತ್ತು ಕ್ವಿಕರ್ ಇಂಡಿಯಾವನ್ನು ಕೇಳಿದೆ ಮತ್ತು ಅಫಿಡವಿಟ್ ನಲ್ಲಿ ಅವರು ಜಾರಿಗೆ ತಂದ ಪ್ರಕ್ರಿಯೆಯನ್ನು ಮತ್ತು ನಕಲಿ ಮತ್ತು ಕಾನೂನುಬಾಹಿರ ಜಾಹೀರಾತುಗಳನ್ನು ಪೋಸ್ಟ್ ಮಾಡವಂತೆ ಕೈಗೊಳ್ಳಬೇಕಾದ ಮುನ್ನೆಚ್ಚರಿಕೆಗಳನ್ನು ತಿಳಿಸಬೇಕು ಎಂದು ಹೇಳಿದೆ.