ಡೆಟಾಲ್ ಅವಮಾನಿಸುವ ಲೈಫ್‌ಬಾಯ್ ಸೋಪ್ ಜಾಹೀರಾತು ಪ್ರಸಾರ ತಡೆಹಿಡಿದ ದೆಹಲಿ ಹೈಕೋರ್ಟ್

ದೆಹಲಿ ಹೈಕೋರ್ಟ್ ಲೈಫ್‌ಬಾಯ್ ಸೋಪ್ ಜಾಹೀರಾತುಗಳನ್ನು ಪ್ರಸಾರ ಮಾಡುವುದನ್ನು ತಡೆ ಹಿಡಿದಿದೆ. ಈ ಜಾಹಿರತು ಡೆಟಾಲ್ ಆ್ಯಂಟಿಸೆಪ್ಟಿಕ್ ಲಿಕ್ವಿಡನ್ನು ಅವಮಾನಿಸಿದೆ ಎಂದು ಆರೋಪಿಸಲಾಗಿದೆ.

ನವದೆಹಲಿ: ಹಿಂದೂಸ್ತಾನ್ ಯೂನಿಲಿವರ್​ನ ಲೈಫ್‌ಬಾಯ್ ಸೋಪ್ ಜಾಹೀರಾತು ಪ್ರಸಾರ ಮಾಡುವುದನ್ನು ದೆಹಲಿ ಹೈಕೋರ್ಟ್ ತಡೆಹಿಡಿದಿದೆ. ಇದು ರೆಕಿಟ್ ಬೆನ್‌ಕಿಸರ್​ನ ಡೆಟಾಲ್ ಆ್ಯಂಟಿಸೆಪ್ಟಿಕ್ ಲಿಕ್ವಿಡನ್ನು ಅವಮಾನಿಸಿದೆ ಎಂದು ಆರೋಪಿಸಲಾಗಿದೆ.

ನ್ಯಾಯಮೂರ್ತಿ ರಾಜೀವ್ ಸಹೈ ಎಂಡ್ಲಾ ಅವರು ರೆಕಿಟ್‌ಗೆ ಮಧ್ಯಂತರ ಪರಿಹಾರವನ್ನು ನೀಡಿ, ಲೈಫ್‌ಬಾಯ್​ನ ಪ್ರಶ್ನಾರ್ಹ ಜಾಹೀರಾತುಗಳಲ್ಲಿ ಜನರು ಆ್ಯಂಟಿಸೆಪ್ಟಿಕ್ ಲಿಕ್ವಿಡನ್ನು ಬಳಸದಂತೆ ಸುಳಿವು ನಿಡುತ್ತದೆ ಎಂದು ಹೇಳಿದರು.

ಡಿಸೆಂಬರ್ 2018ರಿಂದ ಈ ಜಾಹೀರತನ್ನು ಪ್ರಸಾರ ಮಾಡದಿದ್ದರೂ, ಇನ್ನು ಮುಂದಕ್ಕೆ ಜಾಹಿರಾತು ಪ್ರಸಾರ ಮಾಡುವುದಿಲ್ಲ ಎಂದು ಹಿಂದೂಸ್ತಾನ್ ಯೂನಿಲಿವರ್ ಸ್ಪಷ್ಟೀಕರಣ ನೀಡಿರಲಿಲ್ಲ. ವಿವಾದಿತ ಜಾಹೀರಾತುಗಳನ್ನು ಪ್ರಸಾರ ಮಾಡುವ ಮೊದಲು ರೆಕಿಟ್​ಗೆ ಸೂಚನೆಯನ್ನೂ ನೀಡಿರಲಿಲ್ಲ ಎಂದು ನ್ಯಾಯಾಲಯ ತನ್ನ ಆದೇಶದಲ್ಲಿ ತಿಳಿಸಿದೆ.

ಈ ಆದೇಶ ದೇಶಾದ್ಯಂತ ಎಲ್ಲಾ ದೂರದರ್ಶನ ಚಾನೆಲ್‌ಗಳಿಗೂ ಅನ್ವಯವಾಗಲಿದೆ ಎಂದು ಕೋರ್ಟ್ ಹೇಳಿದೆ.