ಹರಿಯಾಣ ಚುನಾವಣೆ : ಜೆಜೆಪಿ ಕಿಂಗ್​ ಮೇಕರ್​​, ಚೌಟಾಲ ಭೇಟಿಯಾದ ಕಾಂಗ್ರೆಸ್​, ಬಿಜೆಪಿ

ಹರಿಯಾಣದಲ್ಲಿ ಜೆಜೆಪಿ ಕಿಂಗ್​ ಮೇಕರ್​ ಆಗಿದ್ದು, ಕಾಂಗ್ರೆಸ್​ ಮತ್ತು ಬಿಜೆಪಿ ಅಧಿಕಾರಕ್ಕಾಗಿ ಸರ್ಕಾಸ್​ ನಡೆಸುತ್ತಿವೆ. ಈ ಎರಡೂ ಪಕ್ಷಗಳು ಸದ್ಯ ಜೆಜೆಪಿಯ ದುಶ್ಯಂತ್​​​ ಚೌಟಾಲರನ್ನು ಸಂಪರ್ಕ ಮಾಡಿ ಬೆಂಬಲ ಕೋರಲು ತಂತ್ರ ರೂಪಿಸುತ್ತಿದ್ದಾರೆ.

ಹರಿಯಾಣ ವಿಧಾನ ಸಭಾ ಚುನಾವಣೆ 2019ರ ಮತ ಎಣಿಕೆ ಕಾರ್ಯ ಭರದಿಂದ ಸಾಗುತ್ತಿದ್ದು, ಬಿಜೆಪಿ ಮತ್ತು ಕಾಂಗ್ರೆಸ್​​ ನಡುವೆ ನೇರಾ ನೇರ ಫೈಟ್​ ಇದೆ. ಸದ್ಯದ ಮತ ಎಣಿಕೆ ಪ್ರಕಾರ ಬಿಜೆಪಿ ಅಲ್ಪ ಹಿನ್ನೆಡೆಯಲ್ಲಿದ್ದು, ಕಾಂಗ್ರೆಸ್​​ 30 ಸೀಟುಗಳ ಮುನ್ನಡೆ ಸಾಧಿಸಿದೆ.

ಹರಿಯಾಣದಲ್ಲಿ ಗದ್ದುಗೆ ಏರಲು 46 ಸ್ಥಾನಗಳನ್ನು ಗೆಲ್ಲಬೇಕಾಗಿದೆ. ಈ ಹಿನ್ನೆಲೆಯಲ್ಲಿ ಕಾಂಗ್ರೆಸ್​​, ಜೆಜೆಪಿಯ ದುಶ್ಯಂತ್​​​ ಚೌಟಾಲರನ್ನು ಭೇಟಿಯಾಗಿದೆ ಎಂದು ಮೂಲಗಳು ತಿಳಿಸಿವೆ. ಈ ಹಿನ್ನೆಲೆಯಲ್ಲಿ ಮೈತ್ರಿ ಮಾಡಿಕೊಂಡರೆ ಜೆಜೆಪಿ ಪಕ್ಷ ದುಶ್ಯಂತ್​​​ ಚೌಟಾಲಗೆ ಸಿಎಂ ಸ್ಥಾನ ನೀಡುವುದಾಗ ಕಾಂಗ್ರೆಸ್​ ತಿಳಿಸಿದೆ.

ಇನ್ನೊಂದು ಕಡೆ ಬಿಜೆಪಿ ಕೂಡ ತನ್ನ ತಂತ್ರ ನಡೆಸುತ್ತಿದ್ದು, ದುಶ್ಯಂತ್​​​ ಚೌಟಾಲ ಬಿಜೆಪಿಗೆ ಸಪೋರ್ಟ್​ ಮಾಡುವಂತೆ ಪ್ರಕಾಶ್​​ ಸಿಂಗ್​ ಬದಲ ಜೊತೆ ಮಾತುಕತೆ ನಡೆಸಿದೆ ಎಂದು ಹೇಳಲಾಗಿದೆ.

ಸದ್ಯ ಹರಿಯಾಣದಲ್ಲಿ ಜೆಜೆಪಿ ಕಿಂಗ್​ ಮೇಕರ್​ ಆಗಿದ್ದು, ಕಾಂಗ್ರೆಸ್​ ಅಥವಾ ಬಿಜೆಪಿ ಯಾವ ಕಡೆಗಾದ್ರೂ ವಾಲಬಹುದು.