ನಿರ್ಭಯಾ ಅಪರಾಧಿಗಳನ್ನು ನಾನೇ ಗಲ್ಲಿಗೇರಿಸುತ್ತೇನೆ: ಶಾಗೆ ರಕ್ತದಲ್ಲಿ ಪತ್ರ ಬರೆದ ಮಹಿಳಾ ಶೂಟರ್​

ನಿರ್ಭಯಾ ಅತ್ಯಾಚಾರ ಮತ್ತು ಕೊಲೆ ಅಪರಾಧಿಗಳು ನನ್ನಿಂದಲೇ ಗಲ್ಲಿಗೇರಬೇಕು. ಈ ಮೂಲಕ ಒಬ್ಬ ಮಹಿಳೆ ಕೂಡಾ ಫಾಸಿದಾರ(hangman)ನ ಕೆಲಸ ಮಾಡಬಹುದು ಎಂಬ ಸಂದೇಶ ಇಡೀ ದೇಶಕ್ಕೆ ರವಾನೆಯಾಗಬೇಕು. ಹೀಗಾಗಿ ನನಗೆ ದೇಶದ ಎಲ್ಲಾ ನಟಿಯರು, ಸಂಸದೆಯರು ಬೆಂಬಲ ನೀಡಬೇಕು ಎಂದು ಅಂತಾರಾಷ್ಟ್ರೀಯ ಶೂಟರ್​ ವರ್ತಿಕಾ ಸಿಂಗ್, ಕೇಂದ್ರ ಗೃಹ ಸಚಿವ ಅಮಿತ್​ ಶಾಗೆ ರಕ್ತದಲ್ಲಿ ಪತ್ರ ಬರೆದು ಮನವಿ ಮಾಡಿದ್ದಾರೆ.

ಲಖನೌ(ಉತ್ತರ ಪ್ರದೇಶ):ಅಂತಾರಾಷ್ಟ್ರೀಯ ಶೂಟರ್​ ವರ್ತಿಕಾ ಸಿಂಗ್​, ಕೇಂದ್ರ ಗೃಹ ಸಚಿವ ಅಮಿತ್​ ಶಾಗೆ ರಕ್ತದಲ್ಲಿ ಪತ್ರ ಬರೆದಿದ್ದು, ನಿರ್ಭಯಾ ಅಪರಾಧಿಗಳನ್ನು ಓರ್ವ ಮಹಿಳೆಯಿಂದಲೇ ಗಲ್ಲಿಗೇರಿಸಬೇಕು ಎಂದು ಪತ್ರದಲ್ಲಿ ಬರೆದಿದ್ದಾರೆ.

ನಿರ್ಭಯಾ ಅತ್ಯಾಚಾರ ಮತ್ತು ಕೊಲೆ ಅಪರಾಧಿಗಳಿಗೆ ಕಳೆದ ವರ್ಷವೇ ಮರಣದಂಡನೆ ಶಿಕ್ಷೆ ವಿಧಿಸಲಾಗಿದ್ದು, ಶೀಘ್ರದಲ್ಲೇ ನಾಲ್ಕೂ ಅಪರಾಧಿಗಳನ್ನು ಗಲ್ಲಿಗೇರಿಸುವ ಸಾಧ್ಯತೆ ಇದೆ. ಹೀಗಾಗಿ ಈ ನಾಲ್ಕೂ ಅಪರಾಧಿಗಳು ನನ್ನಿಂದಲೇ ಗಲ್ಲಿಗೇರಬೇಕು. ಈ ಮೂಲಕ ಒಬ್ಬ ಮಹಿಳೆ ಕೂಡಾ ಫಾಸಿದಾರ(hangman)ನ ಕೆಲಸ ಮಾಡಬಹುದು ಎಂಬ ಸಂದೇಶ ಇಡೀ ದೇಶಕ್ಕೆ ರವಾನೆಯಾಗಬೇಕು. ಹೀಗಾಗಿ ನನಗೆ ದೇಶದ ಎಲ್ಲಾ ನಟಿಯರು, ಸಂಸದೆಯರು ಬೆಂಬಲ ನೀಡಬೇಕು ಎಂದು ವರ್ತಿಕಾ ಸಿಂಗ್​ ಮನವಿ ಮಾಡಿದ್ದಾರೆ.

ದೇಶಾದ್ಯಂತ ಹೆಚ್ಚುತ್ತಿರುವ ಅತ್ಯಾಚಾರ ಪ್ರಕರಣಗಳ ವಿರುದ್ಧ ಆಕ್ರೋಶ ವ್ಯಕ್ತವಾಗುತ್ತಿದ್ದು, ನಿರ್ಭಯಾ ಆರೋಪಿಗಳ ಮೇಲೂ ಆಕ್ರೋಶ ವ್ಯಕ್ತವಾಗುತ್ತಿದೆ. ಇನ್ನೊಂದೆಡೆ ಈ ಅಪರಾಧಿಗಳನ್ನು ನೇಣಿಗೇರಿಸಲು ಫಾಸಿದಾರ(hangman)ನ ಕೆಲಸ ಮಾಡಲು ನಮಗೆ ಹಲವು ಅರ್ಜಿಗಳು ಬರುತ್ತಿವೆ ಎಂದು ಈ ಹಿಂದೆಯೇ ತಿಹಾರ್​ ಜೈಲಾಧಿಕಾರಿಗಳು ತಿಳಿಸಿದ್ದರು.