ಅಹಮದಾಬಾದ್:ಗುಜರಾತ್ ಸಿಎಂ ವಿಜಯ್ ರೂಪಾಣಿ ಸೇರಿದಂತೆ ಗಣ್ಯ ವ್ಯಕ್ತಿಗಳ ಪ್ರವಾಸಕ್ಕಾಗಿ ಹೊಸ ವಿಮಾನ ಖರೀದಿಸಲು ಗುಜರಾತ್ ಸರ್ಕಾರ ನಿರ್ಧರಿಸಿದ್ದು, ಇದಕ್ಕಾಗಿ ಬರೋಬ್ಬರಿ 191 ಕೋಟಿ ರೂಪಾಯಿ ಖರ್ಚು ಮಾಡಿದೆ.
ವಿಐಪಿ ಟ್ರಿಪ್‌ಗಾಗಿ 191ಕೋಟಿ ರೂ ಖರ್ಚು! ದುಬಾರಿಯಾದ ಗುಜರಾತ್ ಸರ್ಕಾರದ ನಿರ್ಧಾರ! - ಅಹಮದಾಬಾದ್
ಮುಖ್ಯಮಂತ್ರಿ, ಉಪಮುಖ್ಯಮಂತ್ರಿ ಹಾಗೂ ರಾಜ್ಯಪಾಲರ ವಿಐಪಿ ಪ್ರವಾಸಕ್ಕಾಗಿ ಗುಜರಾತ್ ಸರ್ಕಾರ ಕೋಟ್ಯಂತರ ರೂಪಾಯಿ ವೆಚ್ಚ ಮಾಡಿ ಹೊಸ ಏರ್ಕ್ರಾಫ್ಟ್ ಖರೀದಿಸಿದೆ.
ಸಾಂದರ್ಭಿಕ ಚಿತ್ರ
ಸದ್ಯ ಮುಖ್ಯಮಂತ್ರಿ ಬೀಚ್ ಕ್ರಾಫ್ಟ್ ಸೂಪರ್ ಕಿಂಗ್ ಏರ್ಕ್ರಾಫ್ಟ್ ಬಳಸುತ್ತಿದ್ದು, ಇದೀಗ ಹೊಸ ತಂತ್ರಜ್ಞಾನದ ಬೊಂಬಾರ್ಡಿಯರ್ ಏರ್ಕ್ರಾಫ್ಟ್‌ನಲ್ಲಿ ಕುಳಿತು ಹಾರಲು ಮುಂದಾಗಿದ್ದಾರೆ. 12 ಪ್ರಯಾಣಿಕರನ್ನು ಹೊತ್ತೊಯ್ಯಬಲ್ಲ ಸಾಮರ್ಥ್ಯ ಇದಕ್ಕಿದ್ದು ಸುಮಾರು 7 ಸಾವಿರ ಕಿಲೋ ಮೀಟರುಗಳವರೆಗೆ ಹಾರಾಟ ನಡೆಸಬಲ್ಲದು. ಈ ಏರ್ಕ್ರಾಫ್ಟ್ ಗಂಟೆಗೆ 870 ಕಿಲೋ ಮೀಟರ್ ಕ್ರಮಿಸಬಲ್ಲದು.
ಈ ಹೊಸ ವಿಮಾನದಲ್ಲಿ ಮುಖ್ಯಮಂತ್ರಿ, ಉಪ ಮುಖ್ಯಮಂತ್ರಿ ಹಾಗೂ ರಾಜ್ಯಪಾಲರು ಪ್ರಯಾಣಿಸಲಿದ್ದು, ತಿಂಗಳ ಕೊನೆಯ ವಾರದಲ್ಲಿ ಗುಜರಾತ್ ಸರ್ಕಾರದ ಕೈ ಸೇರಲಿದೆ.