ನವದೆಹಲಿ: ಪ್ರತಿಯೊಬ್ಬ ಭಾರತೀಯನಿಗೂ ಕೋವಿಡ್ -19 ಲಸಿಕೆ ತಲುಪುವಂತೆ ಮಾಡಲು ಯಾವ ಬಗೆಯ ಕಾರ್ಯತಂತ್ರ ರೂಪಿಸಲಾಗಿದೆ ಎಂಬುದನ್ನು ಕುರಿತು ಕೇಂದ್ರ ಸರ್ಕಾರ ಮಾಹಿತಿ ನೀಡಬೇಕು ಎಂದು ಕಾಂಗ್ರೆಸ್ ಮುಖಂಡ ರಾಹುಲ್ ಗಾಂಧಿ ಆಗ್ರಹಿಸಿದ್ದಾರೆ.
ಈ ಕುರಿತು ಟ್ವೀಟ್ ಮಾಡಿರುವ ರಾಹುಲ್ ಗಾಂಧಿ, ಕೊರೊನಾ ನಿಯಂತ್ರಿಸುವಲ್ಲಿ ತಮ್ಮ ಕಂಪನಿ ತಯಾರಿಸಿರುವ ಲಸಿಕೆ ಶೇ,90 ರಷ್ಟು ಪರಿಣಾಮಕಾರಿ ಎಂದು ಫಿಜರ್ ಇಂಗ್ ಮತ್ತು ಬಯೋಟೆಕ್ ಎಸ್ಇ ಹೇಳಿಕೊಂಡ ನಂತರ ರಾಹುಲ್ ಗಾಂಧಿ ಈ ಕುರಿತು ಸರ್ಕಾರದ ಬಳಿ ವಿವರಣೆ ಕೇಳಿದ್ದಾರೆ.
ಇನ್ನು ಟ್ವೀಟ್ನಲ್ಲಿ ರಾಹುಲ್ ಕಂಪನಿ ಈ ಲಸಿಕೆ ಕಂಡು ಹಿಡಿದಿದ್ದರೂ ಅದು ಪ್ರತಿಯೊಬ್ಬ ಭಾರತೀಯನಿಗೂ ಲಭ್ಯವಾಗುವ ತಂತ್ರಗಾರಿಕೆ ರೂಪಿಸಿಬೇಕೆಂದು ಒತ್ತಾಯಿಸಿದ್ದಾರೆ. ಹಾಗೂ ಪ್ರತಿಯೊಬ್ಬ ಭಾರತೀಯನಿಗೂ ಅದು ಹೇಗೆ ತಲುಪುತ್ತದೆ ಎಂದು ಭಾರತ ಸರ್ಕಾರ ಲಸಿಕೆ ವಿತರಣಾ ಕಾರ್ಯತಂತ್ರವನ್ನು ವ್ಯಾಖ್ಯಾನಿಸಬೇಕು ಎಂದು ರಾಹುಲ್ ಗಾಂಧಿ ಹೇಳಿದ್ದಾರೆ.
ಅವರು ತಮ್ಮ ಟ್ವೀಟ್‌ನೊಂದಿಗೆ ಫಿಜರ್ನ ಮಾಧ್ಯಮ ವರದಿಯನ್ನು ಲಗತ್ತಿಸಿದ್ದಾರೆ. ಜೊತೆಗೆ ಆ ಲಸಿಕೆಯನ್ನು ಸಾಗಿಸಲು ಮೈನಸ್ 70 ಡಿಗ್ರಿ ತಾಪಮಾನದ ಕೋಲ್ಡ್ ಚೈನ್ ಲಾಜಿಸ್ಟಿಕ್ ( ಶೀತಲಗೃಹ ಸರಪಳಿ) ಬೇಕು. ಆದರೆ, ನಮ್ಮ ದೇಶದಲ್ಲಿ ಸದ್ಯ ಯಾವ ಕಂಪನಿಯಲ್ಲೂ ಇಂಥ ಸೌಲಭ್ಯವಿಲ್ಲ ಎಂದು ಅವರು ಟ್ವೀಟ್ನಲ್ಲಿ ಉಲ್ಲೇಖಿಸಿದ್ದಾರೆ.
