ನಾಪತ್ತೆಯಾಗಿದ್ದ ಬಾಲಕನ ಮೃತದೇಹ ಪತ್ತೆಹಚ್ಚಿದ ಸುಧಾರಿತ ಹೆಲಿಕಾಪ್ಟರ್

ಜುಲೈ 19ರಂದು ಅಗೋಂಡಾ ಕೊಲ್ಲಿ ಬಳಿ ಮೀನುಗಾರಿಕೆ ನಡೆಸುತ್ತಿದ್ದಾಗ ಮುಳುಗಿದ ಮೃತಪಟ್ಟಿದ್ದ ಬಾಲಕನ ಶವವನ್ನು ಶುಕ್ರವಾರ ವಶಪಡಿಸಿಕೊಳ್ಳಲಾಗಿದೆ. ನೌಕಾ ವಾಯು ನಿಲ್ದಾಣ ಐಎನ್‌ಎಸ್ ಹನ್ಸಾದಿಂದ ಭಾರತೀಯ ನೌಕಾಪಡೆಯ ಸುಧಾರಿತ ಲೈಟ್​​​ ಹೆಲಿಕಾಪ್ಟರ್ ಸಹಾಯದಿಂದ ಶವವನ್ನು ಪತ್ತೆ ಹಚ್ಚಲಾಯಿತು.

ಪಣಜಿ (ಗೋವಾ):ಇಲ್ಲಿನ ಕೇಪ್​ ರಾಮಾದಲ್ಲಿಮೀನುಗಾರಿಕೆಗೆ ತೆರಳಿ ನಾಪತ್ತೆಯಾಗಿದ್ದ ಬಾಲಕನ ಮೃತದೇಹ ಪತ್ತೆ ಹಚ್ಚುವಲ್ಲಿ ನೌಕಾ ವಾಯು ನಿಲ್ದಾಣ ಐಎನ್ಎಸ್ ಹನ್ಸಾದ ಭಾರತೀಯ ನೌಕಾಪಡೆಯ ಸುಧಾರಿತ ಲೈಟ್ ಹೆಲಿಕಾಪ್ಟರ್ (ಎಎಲ್​​ಹೆಚ್​) ಯಶಸ್ವಿಯಾಗಿದೆ.

ಮೃತ ಬಾಲಕ ಖೋಲಾ ನಿವಾಸಿಯಾಗಿದ್ದು, ಜುಲೈ 19ರಂದು ಅಗೋಂಡಾ ಕೊಲ್ಲಿ ಬಳಿ ಮೀನುಗಾರಿಕೆ ನಡೆಸುತ್ತಿದ್ದಾಗ ಮುಳುಗಿದ್ದಾನೆ ಎಂದು ವರದಿಯಾಗಿತ್ತು. ಮೃತದೇಹ ಕರಾವಳಿಯ ವಾಹನಗಳು ಪ್ರವೇಶಿಸಲಾಗದ ಕಲ್ಲಿನ ಪ್ರದೇಶದಲ್ಲಿತ್ತು. ಈ ಜಾಗ ಕೇಪ್ ರಾಮಾ ಬಳಿಯ ದಬೋಲಿಮ್ ವಿಮಾನ ನಿಲ್ದಾಣದಿಂದ ದಕ್ಷಿಣಕ್ಕೆ 35 ಕಿಲೋಮೀಟರ್ ದೂರದಲ್ಲಿದೆ.

ಸ್ಥಳೀಯ ನಾಗರಿಕರ ಸಹಾಯದಿಂದ ಶವವನ್ನು ಹೆಲಿಕಾಪ್ಟರ್‌ನ ಪಾರುಗಾಣಿಕಾ ಹಾರಾಟಕ್ಕೆ ಜೋಡಿಸಲಾದ ಬುಟ್ಟಿಯಲ್ಲಿ ಇಡಲಾಯಿತು. ಅಲ್ಲಿಂದ ತಂದ ಹೆಲಿಕಾಪ್ಟರ್​ ಸ್ಥಳೀಯ ಅಧಿಕಾರಿಗಳಿಗೆ ಹಸ್ತಾಂತರಿಸಲಾಯಿತು. ಕಾರ್ಯಾಚರಣೆಯ ಸಮಯದಲ್ಲಿ ವಿಮಾನ ಮತ್ತು ಸ್ಥಳೀಯರ ನಡುವೆ ಐಎನ್‌ಎಸ್ ಹನ್ಸಾ ಸಂವಹನ ನಡೆಸಿತ್ತು