ಕೋಲ್ಕತ್ತಾ :ಭಾರತದ ಮಾಜಿ ಫುಟ್ಬಾಲ್ ಆಟಗಾರ ಸತ್ಯಜಿತ್ ಘೋಷ್ ಸೋಮವಾರ ಹೃದಯಾಘಾತದಿಂದ ವಿಧಿವಶರಾಗಿದ್ದಾರೆ ಎಂದು ಕುಟುಂಬದ ಮೂಲಗಳು ತಿಳಿಸಿವೆ.
62 ವರ್ಷದ ಸತ್ಯಜಿತ್ ಘೋಷ್ಗೆ ಬಂದೇಲ್ ನಗರದಲ್ಲಿರುವ ದೇಬಾನಂದಪುರದ ತಮ್ಮ ನಿವಾಸದಲ್ಲಿ ಹೃದಯಾಘಾತವಾಗಿದ್ದು, ಚಿನ್ಸುರಾ ಆಸ್ಪತ್ರೆಗೆ ಸಾಗಿಸುವ ವೇಳೆ ಮಾರ್ಗಮಧ್ಯೆ ಮೃತಪಟ್ಟಿದ್ದಾರೆ ಎಂದು ಕುಟುಂಬಸ್ಥರು ತಿಳಿಸಿದ್ದಾರೆ.
ಮೊಹುನ್ ಬಗನ್ ಅಥ್ಲೆಟಿಕ್ ಸಂಸ್ಥೆಯ ಪರವಾಗಿ 1982ರಿಂದ 1986ರವರೆಗೆ ಹಾಗೂ 1988ರಲ್ಲಿ ಆಡಿದ್ದರು. ನೆಹರೂ ಕಪ್ ಪಂದ್ಯದಲ್ಲಿ ಭಾರತವನ್ನು ಪ್ರತಿನಿಧಿಸಿದ್ದರು ಎಂದು ಮೊಹುನ್ ಬಗನ್ ಸಂಸ್ಥೆ ಟ್ವೀಟ್ ಮಾಡಿದ್ದು, ಸಂತಾಪ ವ್ಯಕ್ತಪಡಿಸಿದೆ.