ಗುವಾಹಟಿ(ಅಸ್ಸೋಂ):ಅಸ್ಸೋಂ ಮಾಜಿ ಮುಖ್ಯಮಂತ್ರಿ ಸೈದಾ ಅನ್ವಾರಾ ತೈಮೂರ್ ತಮ್ಮ 83ನೇ ವಯಸ್ಸಿನಲ್ಲಿ ನಿಧನರಾಗಿದ್ದಾರೆ. ದೇಶದ ಮೊದಲ ಮಹಿಳಾ ಮುಖ್ಯಮಂತ್ರಿ ಎಂಬ ಹಿರಿಮೆಗೆ ಪಾತ್ರರಾಗಿದ್ದ ಇವರು 1980ರ ಡಿಸೆಂಬರ್ 6ರಂದು ಅಸ್ಸೋಂನ ಮುಖ್ಯಮಂತ್ರಿಯಾಗಿ ಅಧಿಕಾರಿ ಸ್ವೀಕರಿಸಿದ್ದರು.
ದೇಶದ ಮೊದಲ ಮುಸ್ಲಿಂ ಮಹಿಳಾ ಮುಖ್ಯಮಂತ್ರಿ ಸೈದಾ ಅನ್ವಾರಾ ನಿಧನ - ಅಸ್ಸೋಂ ಮುಸ್ಲಿಂ ಮಹಿಳಾ ಸಿಎಂ ನಿಧನ
1980ರ ಡಿಸೆಂಬರ್ 6ರಂದು ಅಸ್ಸೋಂನ ಮುಖ್ಯಮಂತ್ರಿಯಾಗಿ ಅಧಿಕಾರ ವಹಿಸಿಕೊಳ್ಳುವ ಮೂಲಕ ದೇಶದಲ್ಲಿ ಸಿಎಂ ಸ್ಥಾನಕ್ಕೇರಿದ ಮೊದಲ ಮುಸ್ಲಿಂ ಮಹಿಳೆ ಎಂಬ ಸಾಧನೆ ಮಾಡಿದ್ದ ಸೈದಾ ಅನ್ವಾರಾ ತೈಮೂರ್ ನಿಧನರಾಗಿದ್ದಾರೆ.
Syeda Anwara Taimur
ಕಳೆದ ಕೆಲ ವರ್ಷಗಳಿಂದ ತಮ್ಮ ಮಗನೊಂದಿಗೆ ಆಸ್ಟ್ರೇಲಿಯಾದಲ್ಲಿ ವಾಸವಾಗಿದ್ದ ಇವರು ದೀರ್ಘಕಾಲದ ಅನಾರೋಗ್ಯದಿಂದ ಬಳಲುತ್ತಿದ್ದರು. 1936ರ ನವೆಂಬರ್ 24ರಂದು ಜನಸಿದ್ದ ಅನ್ವಾರಾ ಭಾರತೀಯ ಇತಿಹಾಸದಲ್ಲೇ ಮುಖ್ಯಮಂತ್ರಿಯಾಗಿ ನೇಮಕಗೊಂಡ ಮೊದಲ ಮುಸ್ಲಿಂ ಮಹಿಳೆಯರಾಗಿದ್ದಾರೆ.
1980ರಿಂದ 1981ರ ಜೂನ್ 30ರವರೆಗೆ ಇವರು ಅಧಿಕಾರದಲ್ಲಿದ್ದರು. ಇದಾದ ಬಳಿಕ 1983ರಿಂದ 1985ರವರೆಗೆ ರಾಜ್ಯದ ಪಿಡಬ್ಲ್ಯೂಡಿ ಸಚಿವೆಯಾಗಿ ಸೇವೆ ಸಲ್ಲಿಸಿದ್ದಾರೆ. 1956ರಲ್ಲಿ ಜೋರ್ಹತ್ನ ವಿದ್ಯಾರ್ಥಿನಿಯರ ಕಾಲೇಜ್ನಲ್ಲಿ ಅರ್ಥಶಾಸ್ತ್ರ ಉಪನ್ಯಾಸಕರಾಗಿ ಸೇವೆ ಸಲ್ಲಿಸಿದ್ದಾರೆ. 1972, 1978, 1983 ಮತ್ತು 1991 ರಲ್ಲಿ ಅಸ್ಸೋಂ ಅಸೆಂಬ್ಲಿಯ (ಶಾಸಕ) ಚುನಾಯಿತ ಸದಸ್ಯರಾಗಿದ್ದರು. 1988 ರಲ್ಲಿ ರಾಜ್ಯಸಭಾ ನಾಮನಿರ್ದೇಶನಗೊಂಡಿದ್ದರು.
TAGGED:
Syeda Anwara Taimur