ಎರ್ನಾಕುಲಂ: ಕೊಚ್ಚಿಯ ಫ್ಲ್ಯಾಟ್‌ನಿಂದ ತಪ್ಪಿಸಿಕೊಳ್ಳಲು ಯತ್ನಿಸಿದ ಮಹಿಳೆವೋರ್ವಳು ಗಂಭೀರವಾಗಿ ಗಾಯಗೊಂಡು ಮೃತಪಟ್ಟಿರುವ ಘಟನೆ ನಡೆದಿದೆ.
ತಮಿಳುನಾಡಿನ ಸೇಲಂ ಮೂಲದ ಕುಮಾರಿ (55) ಚಿಕಿತ್ಸೆ ಫಲಿಸದೇ ಮೃತಪಟ್ಟಿದ್ದಾಳೆ. ಡಿಸೆಂಬರ್ 5 ರಂದು ಆರನೇ ಮಹಡಿಯಿಂದ ಸೀರೆಯನ್ನು ನೇತುಹಾಕಿ ತಪ್ಪಿಸಿಕೊಳ್ಳಲು ಪ್ರಯತ್ನಿಸಿದ್ದರು ಎಂದು ತಿಳಿದುಬಂದಿದೆ.
ತಮಿಳುನಾಡಿನ ಸೇಲಂ ಮೂಲದ ಕುಮಾರಿ ಸಾವು
ತಲೆ ಮತ್ತು ಕಾಲಿಗೆ ಗಂಭೀರವಾಗಿ ಗಾಯವಾದ ಪರಿಣಾಮ ಕುಮಾರಿ, ಕೊಚ್ಚಿಯ ಖಾಸಗಿ ಆಸ್ಪತ್ರೆಯಲ್ಲಿ ಶಸ್ತ್ರಚಿಕಿತ್ಸೆ ಪಡೆಯುತ್ತಿದ್ದರು. ಪೊಲೀಸರು ಫ್ಲಾಟ್ ಮಾಲೀಕರು ಮತ್ತು ಸಂಬಂಧಿಕರಿಂದ ಹೇಳಿಕೆಗಳನ್ನು ಪಡೆದುಕೊಂಡಿದ್ದಾರೆ. ಘಟನೆಯಲ್ಲಿ ಯಾವುದೇ ಅನುಮಾನವಿಲ್ಲ ಎಂದು ತಿಳಿಸಿದ್ದಾರೆ.
ಓದಿ:ಬರಲಿದೆ ಮತ್ತೊಂದು ಕ್ರೀಡಾ ಬಯೋಪಿಕ್: ಚೆಸ್ ದಂತಕತೆಯ ಸಿನಿಮಾಗೆ ಬಾಲಿವುಡ್ ಸಿದ್ಧತೆ
ಘಟನೆಯಲ್ಲಿ ಅನುಮಾನವಿದೆ ಹಾಗು ಫ್ಲ್ಯಾಟ್ ಮಾಲೀಕರು ಅವಳನ್ನು ಮಾನಸಿಕವಾಗಿ ನಿಂದಿಸಿದ್ದಾರೆ ಎಂದು ಆರೋಪಿಸಿ ಕುಮಾರಿ ಪತಿ ಪೊಲೀಸರಿಗೆ ದೂರು ನೀಡಿದ್ದರು.
ಕುಮಾರಿ ಬಹಳ ಸಮಯದಿಂದ ಅದೇ ಫ್ಲ್ಯಾಟ್‌ನಲ್ಲಿ ಕೆಲಸ ಮಾಡುತ್ತಿದ್ದಳು. ಆದರೆ ಫ್ಲ್ಯಾಟ್ ಮಾಲೀಕರ ಅರಿವಿಲ್ಲದೆ ಅವರು ತಪ್ಪಿಸಿಕೊಳ್ಳಲು ಯತ್ನಿಸಿದ್ದು ಹೇಗೆ? ಎಂಬ ಅನುಮಾನವೂ ವ್ಯಕ್ತವಾಗಿದೆ.
