ಉದ್ಯಮಿಯನ್ನು ವರಿಸಿದ ಬೆಂಗಾಲಿ ನಟಿ: ಸಂಸತ್ ಪ್ರವೇಶಕ್ಕೂ ಮುನ್ನ ಕಂಕಣಭಾಗ್ಯ!

ಟರ್ಕಿಯ ಬೋಡ್ರಮ್​ನಲ್ಲಿ ನಡೆದ ಸರಳ ಸಮಾರಂಭದಲ್ಲಿ 29 ವರ್ಷದ ನಟಿ, ನೂತನ ಸಂಸದೆ ನುಸ್ರತ್ ಜಹಾನ್ ಉದ್ಯಮಿ ನಿಖಿಲ್​ ಜೈನ್​​ರನ್ನು ವಿವಾಹವಾದರು.

ನವದೆಹಲಿ:ಸಿನಿಮಾದಿಂದ ರಾಜಕೀಯ ಅಖಾಡಕ್ಕೆ ಧುಮುಕಿ ಚೊಚ್ಚಲ ಬಾರಿಗೆ ಸಂಸತ್ ಪ್ರವೇಶಿಸಿರುವ ಸಂಸದೆ ನುಸ್ರತ್ ಜಹಾನ್ ಟರ್ಕಿಯಲ್ಲಿ ಉದ್ಯಮಿ ನಿಖಿಲ್​ ಜೈನ್​ ಎಂಬವರನ್ನು ವರಿಸಿದ್ದಾರೆ.

ಬುಧವಾರ ಟರ್ಕಿಯ ಬೋಡ್ರಮ್​ನಲ್ಲಿ ನಡೆದ ಸರಳ ಸಮಾರಂಭದಲ್ಲಿ 29 ವರ್ಷದ ನಟಿ ಹಾಗೂ ನೂತನ ಸಂಸದೆ ನುಸ್ರತ್ ಜಹಾನ್ ಉದ್ಯಮಿ ನಿಖಿಲ್​ ಜೈನ್​​ರನ್ನು ಮದುವೆಯಾಗಿದ್ದು, ಎರಡೂ ಮನೆಯ ಕುಟುಂಬಸ್ಥರು ಹಾಗೂ ಆಪ್ತರು ಭಾಗಿಯಾಗಿದ್ದರು.

ಟ್ವೀಟ್ ಮೂಲಕ ಸಂಸದೆ ತಮ್ಮ ಮದುವೆಯ ವಿಚಾರವನ್ನು ತಿಳಿಸಿದ್ದಾರೆ. ತೃಣಮೂಲ ಕಾಂಗ್ರೆಸ್​ನಿಂದ ಬಸಿರ್ಹತ್​ ಕ್ಷೇತ್ರದಿಂದ ಕಣಕ್ಕಿಳಿದಿದ್ದ ನುಸ್ರತ್​​ 3.5 ಲಕ್ಷಕ್ಕೂ ಅಧಿಕ ಮತಗಳ ಅಂತರದಿಂದ ಗೆಲುವು ದಾಖಲಿಸಿದ್ದರು.

ಖ್ಯಾತ ವಸ್ತ್ರ ವಿನ್ಯಾಸಗಾರ ಸಭ್ಯಸಾಚಿ ವಿನ್ಯಾಸ ಮಾಡಿದ್ದ ಕೆಂಪು ಲೆಹಂಗಾ ಧರಿಸಿ ನುಸ್ರತ್ ಮಿಂಚಿದರು.

ತಮ್ಮ ಮದುವೆ ಕಾರಣದಿಂದ ನುಸ್ರತ್​ ಸಂಸದೆಯಾಗಿ ಪ್ರಮಾಣ ವಚನ ಸ್ವೀಕರಿಸಿಲ್ಲ.