ರೆಕ್ಕೆ ಕತ್ತರಿಸಿಕೊಳ್ತಿದೆ ಲೋಹದ ಹಕ್ಕಿಗಳ ಉದ್ಯಮ: ಬೆಳವಣಿಗೆ ಗತಿ ಇಳಿಮುಖ -

ದೇಶಿ ವಾಯುಯಾನ ಕ್ಷೇತ್ರದಲ್ಲಿ ವಿಶ್ವದಲ್ಲೇ ಅತ್ಯಂತ ವೇಗವಾಗಿ ಬೆಳವಣಿಗೆ ಹೊಂದುತ್ತಿರುವ ದೇಶ ಭಾರತವೆಂಬ ಹೆಗ್ಗಳಿಕೆ ಇತ್ತು. ಆದ್ರೆ, ಜೆಟ್​ ಏರ್​ವೇಸ್​ ಹಾಗೂ ಗ್ಲೋಬಲ್​ ಏರ್​ಲೈನ್ಸ್​ ಹಾರಾಟ ಸ್ಥಗಿತ ಏರ್‌ ಟ್ರಾಫಿಕ್​ ಕ್ಷೀಣಿಸುವುದಕ್ಕೆ ಪ್ರಮುಖ ಕಾರಣವಾಗಿದೆ.

ನವದೆಹಲಿ:ಭಾರತೀಯ ದೇಶಿ ವಿಮಾನಯಾನ ಸಂಚಾರದ ದಟ್ಟಣೆಯು ಕಳೆದ 5 ವರ್ಷಗಳಲ್ಲಿ ಮೊದಲ ಬಾರಿಗೆ ಇಳಿಕೆ ಗತಿಯಲ್ಲಿ ಸಾಗುತ್ತಿದೆ ಎಂದುಅಂತಾರಾಷ್ಟ್ರೀಯ ವಾಯು ಸಂಚಾರ ಸಂಸ್ಥೆತಿಳಿಸಿದೆ.

ಇದುವರೆಗೂ 290 ವಿಮಾನಗಳು ಸೇವೆಯಿಂದ ವಾಪಸ್ ಆಗಿವೆ. ಆದಾಯ, ಪ್ರಯಾಣಿಕರ ಕಿಲೋಮೀಟರ್ (ಆರ್​ಪಿಕೆ) ಮಾಪನದಲ್ಲಿ ಎರಡಂಕಿಯ ಬೆಳವಣಿಗೆ ಸಾಧಿಸುತ್ತಿದ್ದ ದೇಶಿ ವಿಮಾನ ಸಾರಿಗೆಯೂ 2014ರ ಜನವರಿ ಬಳಿಕ ಋಣಾತ್ಮಕ ಬೆಳವಣಿಗೆ ತೋರಿದೆ ಎಂದು ಅಂತಾರಾಷ್ಟ್ರೀಯ ವಾಯು ಸಂಚಾರ ಸಂಸ್ಥೆ (ಐಎಟಿಎ) ಹೇಳಿದೆ.

ಬಲಿಷ್ಟ ವೃದ್ಧಿಯ ಬಳಿಕ ಭಾರತದ ಆರ್​ಪಿಕೆ ಮಾರುಕಟ್ಟೆ ಬೆಳವಣಿಗೆ ದರ ಕಳೆದ ವರ್ಷಕ್ಕಿಂತ ಶೇ 0.5ರಷ್ಟು ಇಳಿಮುಖವಾಗಿದೆ. ಕಳೆದ ಐದು ವರ್ಷಗಳಲ್ಲಿ ಅತ್ಯಂತ ಕಳಪೆ ಮಟ್ಟದ ಸಾಧನೆ ಇದಾಗಿದ್ದು, ಜೆಟ್​ ಏರ್​ವೇಸ್​ ಸೇವೆಯಿಂದ ಹಿಂದಕ್ಕೆ ಸರಿದಿದ್ದೇ ಪ್ರಮುಖ ಕಾರಣವೆಂದು ವಿಶ್ಲೇಷಿಸಲಾಗುತ್ತಿದೆ.