ಜಾರ್ಖಂಡ್​​ನ 13 ಕ್ಷೇತ್ರಗಳಲ್ಲಿ ಶೇಕಡಾ 50ರಷ್ಟು ಮತದಾನ

ಜಾರ್ಖಂಡ್​ ರಾಜ್ಯದ ವಿಧಾನಸಭೆ ಚುನಾವಣೆಯ ಮೊದಲ ಹಂತದ ಮತದಾನ ಇಂದು ಆರಂಭವಾಗಿದ್ದು, ಮಧ್ಯಾಹ್ನ 1.30ರ ವೇಳೆಗೆ ಶೇಕಡಾ 50ರಷ್ಟು ಮತದಾನ ನಡೆದಿದೆ.

ಜಾರ್ಖಂಡ್​: ವಿಧಾನಸಭೆ ಚುನಾವಣೆಯ ಮೊದಲ ಹಂತದ ಮತದಾನ ಇಂದು ನಡೆಯುತ್ತಿದ್ದು, ಈವರೆಗೆ ಶೇ.50ರಷ್ಟು ಮತದಾನ ನಡೆದಿದೆ. ಮಧ್ಯಾಹ್ನದ ನಂತರ ಮತಗಟ್ಟೆಗೆ ಬರುವವರ ಸಂಖ್ಯೆ ಹೆಚ್ಚಾಗುವ ಸಾಧ್ಯತೆ ಇದೆ.

ಆರು ಜಿಲ್ಲೆ 13 ವಿಧಾನಸಭಾ ಕ್ಷೇತ್ರಗಳಲ್ಲಿ ಮತದಾನ ನಡೆದಿದ್ದು, ಕಾಂಗ್ರೆಸ್​ ರಾಜ್ಯ ಘಟಕ ಅಧ್ಯಕ್ಷ ಸೇರಿದಂತೆ ಕೆಲವು ಸಚಿವರು ಸ್ಪರ್ಧಿಸಿದ್ದಾರೆ.

13 ಕ್ಷೇತ್ರಗಳಲ್ಲಿ ಮೊದಲ ಹಂತದ ಚುನಾವಣೆ

13 ಕ್ಷೇತ್ರಗಳ ಅಖಾಡದಲ್ಲಿ 189 ಅಭ್ಯರ್ಥಿಗಳ ರಾಜಕೀಯ ಭವಿಷ್ಯ ನಿರ್ಧರಿಸಲು, 18 ಲಕ್ಷ ಮಹಿಳೆಯರು ಸೇರಿದಂತೆ 37 ಲಕ್ಷ ಮತದಾರರು ಮತ ನೀಡಲಿದ್ದಾರೆ.