ಭಾರತೀಯ ಸೇನೆಗೂ ಕೊರೊನಾ ಲಗ್ಗೆ... ಯೋಧನಲ್ಲಿ ಕಾಣಿಸಿಕೊಂಡ ಕೋವಿಡ್​​-19

ಡೆಡ್ಲಿ ಕೊರೊನಾ ಇದೀಗ ಭಾರತೀಯ ಯೋಧನಲ್ಲೂ ಕಾಣಿಸಿಕೊಂಡಿದ್ದು, ತಮ್ಮ ತಂದೆ ಜತೆ ಸೇರಿ ಕಳೆದ ಕೆಲ ದಿನಗಳ ಹಿಂದೆ ಇರಾನ್​ಗೆ ತೆರಳಿದ್ದ ಲ್ಯಾನ್ಸ್ ನಾಯಕನಲ್ಲಿ ಈ ಮಾಹಾಮಾರಿ ಲಗ್ಗೆ ಹಾಕಿದೆ.

ನವದೆಹಲಿ:ದೇಶಾದ್ಯಂತ ಭೀತಿ ಹುಟ್ಟಿಸಿರುವ ಮಹಾಮಾರಿ ಕೊರೊನಾ ಇದೀಗ ಭಾರತೀಯ ಸೇನೆಯಲ್ಲೂ ಕಾಣಿಸಿಕೊಂಡಿದ್ದು, ಓರ್ವ ಯೋಧನಲ್ಲಿ ಕೋವಿಡ್​​-19 ಇರುವುದು ಕನ್ಫರ್ಮ್​ ಆಗಿದೆ.

ಲಡಾಕ್​ನಲ್ಲಿ ಸೇವೆ ಸಲ್ಲಿಸುತ್ತಿದ್ದ ಲ್ಯಾನ್ಸ್​ ನಾಯಕ ಕಳೆದ ಕೆಲ ದಿನಗಳ ಹಿಂದೆ ತಮ್ಮ ಮನೆಗೆ ತೆರಳಿದ್ದರು. ಈ ವೇಳೆ ಅವರ ತಂದೆ ಜತೆ ಇರಾನ್​ ತೆರಳಿ ವಾಪಸ್​ ಆಗಿದ್ದರು. ಫೆ.27ರಂದು ಭಾರತಕ್ಕೆ ಇವರು ವಾಪಸ್ ಆಗಿದ್ದು, ಸೈನಿಕನ ತಂದೆಯಲ್ಲಿ ಕೋವಿಡ್​ ಕಾಣಿಸಿಕೊಂಡಿತ್ತು.

ಯೋಧನಲ್ಲಿ ಕಾಣಿಸಿಕೊಂಡ ಕೋವಿಡ್​​-19

ಇದಾದ ಬಳಿಕ ಲ್ಯಾನ್ಸ್​ ನಾಯಕ ಮಾರ್ಚ್​ 2ರಂದು ಭಾರತೀಯ ಸೇನೆಗೆ ದಾಖಲಾಗಿದ್ದರು. ಇವರ ತಂದೆಯಲ್ಲಿ ಕೊರೊನಾ ಕಾಣಿಸಿಕೊಂಡಿದ್ದು ಕನ್ಫರ್ಮ್​ ಆಗುತ್ತಿದ್ದಂತೆ ಯೋಧನಿಗೂ ತಪಾಸಣೆ ಮಾಡಿಸಲಾಗಿದ್ದು, ಅವರಲ್ಲಿ ಕೊರೊನಾ ಪಾಸಿಟಿವ್​ ಪತ್ತೆಯಾಗಿರುವ ಕಾರಣ ಎಸ್​ಎನ್​ಎಂ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ.