ನಿಶ್ಚಿತಾರ್ಥದ ಬಳಿಕವೂ ಲವರ್​ ಭೇಟಿಗೆ ತೆರಳಿದ ಯುವಕ, ಭಾವಿ ಪತ್ನಿಯಿಂದ ಥಳಿತ: ವಿಡಿಯೋ

ನಿಶ್ಚಿತಾರ್ಥ ಮಾಡಿಕೊಂಡಿದ್ದರೂ ಲವರ್​ ಜತೆ ತೆರಳಿದ್ದ ಯುವಕನೋರ್ವನಿಗೆ ಮಹಿಳೆ ಸರಿಯಾಗಿ ಬುದ್ದಿ ಕಲಿಸಿರುವ ಘಟನೆ ರಾಜಸ್ಥಾನದಲ್ಲಿ ನಡೆದಿದೆ.

ಉದಯಪುರ್​(ರಾಜಸ್ಥಾನ):ನಿಶ್ಚಿತಾರ್ಥ ಮಾಡಿಕೊಂಡ ಬಳಿಕವೂ ಲವರ್​ ಭೇಟಿ ಮಾಡಲು ತೆರಳಿದ್ದ ಯುವಕನೋರ್ವನನ್ನು ಆತನ ಭಾವಿ ಪತ್ನಿ ನಡುರಸ್ತೆಯಲ್ಲೇ ಹಿಡಿದು ಹಿಗ್ಗಾಮುಗ್ಗಾ ಥಳಿಸಿರುವ ಘಟನೆ ನಡೆದಿದೆ.

ರಿಷಭ್​ದೇವ್​ ಪೊಲೀಸ್​ ಠಾಣೆ ಪ್ರದೇಶದಲ್ಲಿ ಈ ಘಟನೆ ನಡೆದಿದೆ. ಕಳೆದ ಕೆಲ ದಿನಗಳ ಹಿಂದೆ ಯುವಕನೋರ್ವ ಬೇರೆ ಯುವತಿ ಜತೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದ. ಇದಾದ ಬಳಿಕ ಇಬ್ಬರ ನಡುವೆ ಜಗಳವೂ ನಡೆದಿತ್ತು. ಇದರ ಮಧ್ಯೆ ಯುವಕ ತನ್ನ ಪ್ರೇಯಸಿ​ ಜತೆ ಬೈಕ್​ ಮೇಲೆ ತೆರಳಿದ್ದು, ರೆಡ್​​ಹ್ಯಾಂಡ್​ ಆಗಿ ನಿಶ್ಚಿತಾರ್ಥ ಮಾಡಿಕೊಂಡ ಯುವತಿ ಕೈಗೆ ಸಿಕ್ಕಿಬಿದ್ದಿದ್ದಾರೆ.

ಈ ವೇಳೆ ಆತನಿಗೆ ಯುವತಿ ಕಪಾಳಮೋಕ್ಷ ಮಾಡಿದ್ದಾಳೆ. ರಸ್ತೆಯಲ್ಲಿ ನಡೆದ ಹೈಡ್ರಾಮಾ ನೋಡಲು ಅನೇಕರು ಜಮಾಯಿಸಿದರು. ಈ ವೇಳೆ ನಿಶ್ಚಿತಾರ್ಥ ಮಾಡಿಕೊಂಡಿರುವ ಯುವತಿಯನ್ನು ಬಿಟ್ಟು ಬಿಡುವುದಾಗಿ ಆತ ಹೇಳಿದ್ದಾನೆ. ಆದರೆ ಸ್ಥಳೀಯರು ಆತನ ಮನವೊಲಿಸಿದ್ದಾರೆ. ಇದಾದ ಬಳಿಕ ಆತ ಪ್ರಿಯತಮೆಯನ್ನು ಸ್ಥಳದಲ್ಲೇ ಬಿಟ್ಟು ನಿಶ್ಚಿತಾರ್ಥ ಮಾಡಿಕೊಂಡ ಮಹಿಳೆ ಜತೆ ಹೋಗಿದ್ದಾನೆ. ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​​ ಆಗಿದೆ.