ಸರಳ ಬದಲಾವಣೆಗಳೊಂದಿಗೆ ಈ ಬಾರಿಯ ಚಳಿಗಾಲವನ್ನು ಬೆಚ್ಚಗೆ ಕಳೆಯಿರಿ..

ಮಸಾಲೆಗಳು, ಕಾಳುಗಳು, ತುಪ್ಪ ಮತ್ತು ಜೇನುತುಪ್ಪ ಸೇವಿಸಿ. ಋತುವಿನ ಬದಲಾವಣೆಯಂತೆ ನಮ್ಮ ದಿನಚರಿಯೂ ಸಹ ಬದಲಾಗುತ್ತದೆ. ಈ ಚಳಿಗಾಲದಲ್ಲಿ ಸರಳ ಬದಲಾವಣೆಗಳೊಂದಿಗೆ ಭಿನ್ನ ಜೀವನಶೈಲಿಯ ಮೂಲಕ ನಿಮ್ಮನ್ನು ಬೆಚ್ಚಗೆ, ಪೋಷಣೆ ಮತ್ತು ಸಕ್ರಿಯವಾಗಿಡಲು ಮರೆಯದಿರಿ..

ಚಳಿಗಾಲವು ನಮ್ಮನ್ನು ತುಂಬಾ ಸೋಮಾರಿಯಾಗಿಸಬಹುದು. ಆದರೆ, ಚಳಿಗಾಲದ ಅವಧಿಯಲ್ಲಿ ಯೋಗವನ್ನು ಅಭ್ಯಾಸ ಮಾಡುವುದು ಪ್ರಯೋಜನಕಾರಿಯಾಗಿದೆ. ಚಳಿಗಾಲದಲ್ಲಿ ಯೋಗ ಮತ್ತು ವ್ಯಾಯಾಮವು ನಮ್ಮನ್ನು ಹೇಗೆ ಬೆಚ್ಚಗಾಗಿಸುತ್ತದೆ.

ಆರೋಗ್ಯಕರ ದೇಹಕ್ಕೆ ಯಾವ ಯೋಗ ಉತ್ತಮವಾಗಿದೆ? ಚಳಿಗಾಲದಲ್ಲಿ ಏನು ತಿನ್ನಬೇಕು ಮತ್ತು ಯಾವ ಆಹಾರವು ನಮ್ಮ ದೇಹ ಬೆಚ್ಚಗಿರಿಸುತ್ತದೆ ಅನ್ನೋದರ ಕುರಿತಂತೆ ಇಲ್ಲಿದೆ ಸಂಪೂರ್ಣ ವಾಹಿತಿ.

ಚಳಿಗಾಲ ಆರಂಭವಾಗುತ್ತಿದ್ದಂತೆ ಒಣ ಗಾಳಿ ಬೀಸಲಾರಂಭಿಸುತ್ತದೆ. ಅದು ದೇಹದ ಚಯಾಪಚಯ ಕ್ರಿಯೆಯ ಮೇಲೆ ನೇರ ಪರಿಣಾಮ ಬೀರುತ್ತದೆ. ಯೋಗ ಮತ್ತು ಆಯುರ್ವೇದವು ಬದಲಾಗುತ್ತಿರುವ ಋತುಗಳೊಂದಿಗೆ ಹೊಂದಿಕೊಳ್ಳಲು ಬಲವಾಗಿ ಸಹಕರಿಸುತ್ತದೆ. ಆದ್ದರಿಂದ ನಿಮ್ಮ ಆಹಾರ ಮತ್ತು ವ್ಯಾಯಾಮದಲ್ಲಿ ಅಗತ್ಯ ಬದಲಾವಣೆಗಳನ್ನು ಮಾಡುವುದು ಮುಖ್ಯ. ಮುಂಬೈ ಮೂಲದ ಪ್ರಮಾಣೀಕೃತ ಯೋಗ ತಜ್ಞ ನಿಷ್ಟಾ ಬಿಜ್ಲಾನಿ ಚಳಿಗಾಲದ ಶೀತ ಎದುರಿಸಲು ವಿಭಿನ್ನ ಮಾರ್ಗಗಳನ್ನು ಸೂಚಿಸಿದ್ದಾರೆ.

ಒಂದು ಲೋಟ ಬೆಚ್ಚಗಿನ ನೀರಿನೊಂದಿಗೆ ನಿಮ್ಮ ದಿನವನ್ನು ಪ್ರಾರಂಭಿಸಿ. ಇದು ಚಳಿಗಾಲದಲ್ಲಿ ಆಗುವ ನಿಧಾನಗತಿಯ ಜೀರ್ಣಕ್ರಿಯೆಯನ್ನು ಸಹಜ ಸ್ಥಿತಿಗೆ ತರಲು ಸಹಾಯ ಮಾಡುತ್ತದೆ.

ಈ ಕೆಳಗೆ ಸೂಚಿಸಿರುವ ಯೋಗ ಕ್ರಿಯೆಗಳನ್ನು ಅಭ್ಯಾಸ ಮಾಡಿ :

• ಕಪಲಭಾತಿ :ಕಪಲಭಾತಿಯನ್ನು ಬೆಂಕಿಯ ಉಸಿರಾಟ ಎಂದೂ ಕರೆಯುತ್ತಾರೆ. ಇದು ದೇಹದಲ್ಲಿ ಅಗ್ನಿ ಅಥವಾ ಬೆಂಕಿಯ ಅಂಶವನ್ನು ಹೆಚ್ಚಿಸುತ್ತದೆ. ಇದು ಜೀರ್ಣಕಾರಿ ಮತ್ತು ಉಸಿರಾಟದ ವ್ಯವಸ್ಥೆಗಳ ಕಾರ್ಯವನ್ನು ಸುಧಾರಿಸುತ್ತದೆ. ನಿಯಮಿತ ಅಭ್ಯಾಸದಿಂದ, ಇದು ಶ್ವಾಸಕೋಶದ ಮುಂಭಾಗದ ಹಾಲೆಗಳನ್ನು ಶುದ್ಧೀಕರಿಸಲು ಸಹಾಯ ಮಾಡುತ್ತದೆ.

• ಭಾಸ್ತ್ರಿಕ :ಕಪಲಭಾತಿಯಂತೆಯೇ ಭಾಸ್ತಿಕ ಅಭ್ಯಾಸವನ್ನು ಸಕ್ರಿಯ ಉಚ್ವಾಸ ಮತ್ತು ನಿಶ್ವಾಸದಿಂದ ಮಾಡಲಾಗುತ್ತದೆ. ಇದು ದೇಹದಲ್ಲಿನ ಶಾಖವನ್ನು ಹೆಚ್ಚಿಸುತ್ತದೆ ಮತ್ತು ನಿರ್ಮಾಣವಾದ ವಿಷವನ್ನು ನಿವಾರಿಸಲು ಸಹಾಯ ಮಾಡುತ್ತದೆ. ಇದು ಶ್ವಾಸಕೋಶಕ್ಕೆ ಹೆಚ್ಚಿನ ಬಲ ನೀಡುತ್ತದೆ.

• ಸುಕ್ಷ್ಮ ವ್ಯಾಯಂ :ಕೀಲುಗಳನ್ನು ನಯಗೊಳಿಸಲು ಮತ್ತು ಸಜ್ಜುಗೊಳಿಸಲು ಮಾಡಿದ ಶಾಂತ ಚಲನೆಗಳು ಇವು. ಶೀತ ಶುಷ್ಕ ವಾತಾವರಣದಲ್ಲಿ ಕೀಲುಗಳು ಗಟ್ಟಿಯಾದಾಗ ವಿಶೇಷವಾಗಿ ಸಹಾಯಕವಾಗುತ್ತದೆ. ಸುಕ್ಷ್ಮ ವ್ಯಾಯಂನ ಅಭ್ಯಾಸವು ಕೇವಲ 10-15 ನಿಮಿಷಗಳನ್ನು ತೆಗೆದುಕೊಳ್ಳುತ್ತದೆ ಮತ್ತು ಇದು ನಮ್ಮ ಕೀಲುಗಳಲ್ಲಿನ ಸ್ಥಿರವಾದ ಶಕ್ತಿಯ ಹರಿವನ್ನು ಸರಾಗಗೊಳಿಸುವ ಶಕ್ತಿ ಹೊಂದಿದೆ. ಇದು ಇಂದ್ರಿಯಗಳನ್ನು ತೀಕ್ಷ್ಣಗೊಳಿಸುತ್ತದೆ. ಮನಸ್ಸನ್ನು ರಿಫ್ರೆಶ್ ಮಾಡುತ್ತದೆ ಮತ್ತು ಜೀವನವನ್ನು ಮತ್ತೆ ಮರು ನಿರ್ದೇಶಿಸುತ್ತದೆ.

• ಧನುರಾಸನ :ಧನುರಾಸನ ಎಂದರೆ ಹಿಂದಕ್ಕೆ ಬಾಗುವಿಕೆ. ಇದನ್ನು ಬಿಲ್ಲು ಭಂಗಿ ಎಂದೂ ಕರೆಯುತ್ತಾರೆ. ಇದು ಬೆನ್ನುಮೂಳೆ ಪರಿಣಾಮಕಾರಿಯಾಗಿ ತೆರೆದುಕೊಳ್ಳಲು ಸಹಾಯ ಮಾಡುವುದು ಮಾತ್ರವಲ್ಲ, ಉಸಿರಾಟ ಮತ್ತು ಜೀರ್ಣಕ್ರಿಯೆಯನ್ನು ಸುಧಾರಿಸುತ್ತದೆ. ಇದು ದೇಹವನ್ನು ತೆರೆದು ವಿಸ್ತರಿಸುತ್ತದೆ. ಇದು ಬೆನ್ನುಮೂಳೆಯಲ್ಲಿ ಪೂರಕತೆಯನ್ನು ಮತ್ತು ಉಸಿರಾಟದಲ್ಲಿ ಮುಕ್ತತೆಯನ್ನು ಸೃಷ್ಟಿಸಲು ಸಹಾಯ ಮಾಡುತ್ತದೆ.

ನೀವು ಮಾಡಬಹುದಾದ ಕೆಲವು ಚಲನೆಗಳು :

ಕತ್ತಿನ ಚಲನೆ :ಎಲ್ಲಾ 4 ದಿಕ್ಕುಗಳಲ್ಲಿ ಅಂದರೆ ಮೇಲಕ್ಕೆ, ಕೆಳಕ್ಕೆ, ಎಡಕ್ಕೆ, ಬಲಕ್ಕೆ ಮತ್ತು ಹಿಂದಕ್ಕೆ ಮಧ್ಯಕ್ಕೆ ಕುತ್ತಿಗೆಯನ್ನು ಸರಳವಾಗಿ ಸರಿಸಿ.

ಮಣಿಕಟ್ಟಿನ ತಿರುಗುವಿಕೆ :ಮುಷ್ಟಿಯನ್ನು ಮಾಡಿ ಭುಜದ ಎತ್ತರದಲ್ಲಿ ನಿಮ್ಮ ಕೈಗಳನ್ನು ಮುಂದಕ್ಕೆ ವಿಸ್ತರಿಸಿ. ಮಣಿಕಟ್ಟನ್ನು ವೃತ್ತಾಕಾರದಲ್ಲಿ ತಿರುಗಿಸಿ.

ಬೆಚ್ಚಗಿನ ಆಹಾರವನ್ನು ಸೇವಿಸಿ :ಇದು ಬೆಚ್ಚಗಿನ ಸೂಪ್​ಗಳು ಮತ್ತು ಊಟ ಮಾಡುವ ಸಮಯ. ಚಳಿಗಾಲದಲ್ಲಿ ಜೀರ್ಣಕ್ರಿಯೆಯು ನಿಧಾನವಾಗುವುದರಿಂದ ಮನೆಯಲ್ಲೇ ತಯಾರಿಸಿದ ಲಘು ಆಹಾರ ತಿನ್ನುವುದು ಒಳ್ಳೆಯದು. ನಮ್ಮ ದೇಹಗಳು ಸೂರ್ಯನ ಪ್ರಕಾರ ಚಲಿಸುವ ಸಿರ್ಕಾಡಿಯನ್ ಲಯವನ್ನು ಅನುಸರಿಸುತ್ತವೆ. ಆದ್ದರಿಂದ, ಜೀರ್ಣಕಾರಿ ಶಕ್ತಿಯು ಮಧ್ಯಾಹ್ನದ ಸಮಯದಲ್ಲಿ ಪ್ರಬಲವಾಗಿರುತ್ತದೆ.

ಕೋಲ್ಡ್ ಸಲಾಡ್, ತಣ್ಣನೆಯ ಊಟ ಮತ್ತು ಕಚ್ಚಾ ಆಹಾರಗಳಿಂದ ದೂರವಿರಿ. ಮಸಾಲೆಗಳು, ಕಾಳುಗಳು, ತುಪ್ಪ ಮತ್ತು ಜೇನುತುಪ್ಪವನ್ನು ಸೇವಿಸಿ. ಋತುವಿನ ಬದಲಾವಣೆಯಂತೆ ನಮ್ಮ ದಿನಚರಿಯೂ ಸಹ ಬದಲಾಗುತ್ತದೆ. ಈ ಚಳಿಗಾಲದಲ್ಲಿ ಸರಳ ಬದಲಾವಣೆಗಳೊಂದಿಗೆ ಭಿನ್ನ ಜೀವನಶೈಲಿಯ ಮೂಲಕ ನಿಮ್ಮನ್ನು ಬೆಚ್ಚಗೆ, ಪೋಷಣೆ ಮತ್ತು ಸಕ್ರಿಯವಾಗಿಡಲು ಮರೆಯದಿರಿ.