ಏಳು ತಿಂಗಳ ಗೃಹ ಬಂಧನದಿಂದ ಫಾರೂಕ್ ಅಬ್ದುಲ್ಲಾ ಬಿಡುಗಡೆ

ಜಮ್ಮು ಮತ್ತು ಕಾಶ್ಮೀರಕ್ಕೆ ವಿಶೇಷ ಸ್ಥಾನಮಾನ ನೀಡುವ ಸಂವಿಧಾನದ 370ನೇ ವಿಧಿಯನ್ನು ಪ್ರಧಾನಿ ಮೋದಿ ಸರ್ಕಾರ ರದ್ದುಗೊಳಿಸಿದ ವೇಳೆ ಕೇಂದ್ರದ ವಿರುದ್ಧ ದಂಗೆ ಏಳಬಹುದು ಎಂದು ಮುಂಜಾಗ್ರತಾ ಕ್ರಮವಾಗಿ ಕಳೆದ ಸೆಪ್ಟಂಬರ್​ನಲ್ಲಿ ಕಣಿವೆ ರಾಜ್ಯದ ನಾಯಕರ ಮೇಲೆ ಗೃಹ ಬಂಧನ ಹೇರಲಾಗಿತ್ತು.

ಜಮ್ಮು-ಕಾಶ್ಮೀರ:ಗೃಹ ಬಂಧನಕ್ಕೊಳಗಾಗಿದ್ದ ಜಮ್ಮು ಮತ್ತು ಕಾಶ್ಮೀರದ ಮಾಜಿ ಮುಖ್ಯಮಂತ್ರಿ ಫಾರೂಕ್ ಅಬ್ದುಲ್ಲಾ ಅವರು ಏಳು ತಿಂಗಳ ಬಳಿಕ ಬಿಡುಗಡೆಗೊಂಡಿದ್ದಾರೆ.

ನಾನೀಗ ಬಂಧಮುಕ್ತಗೊಂಡಿದ್ದೇನೆ. ಆದರೆ ಇನ್ನೂ ನಮ್ಮ ಹಲವು ನಾಯಕರು ಬಂಧನದಲ್ಲಿದ್ದಾರೆ, ಹೀಗಾಗಿ ಈ ಸ್ವಾತಂತ್ರ್ಯ ಪೂರ್ಣವಲ್ಲ ಎಂದು ಬಿಡುಗಡೆಯ ಬಳಿಕ ಅಬ್ದುಲ್ಲಾ ಹೇಳಿದ್ದಾರೆ.

ಜಮ್ಮು ಮತ್ತು ಕಾಶ್ಮೀರಕ್ಕೆ ವಿಶೇಷ ಸ್ಥಾನಮಾನ ನೀಡುವ ಸಂವಿಧಾನದ 370ನೇ ವಿಧಿಯನ್ನು ಪ್ರಧಾನಿ ಮೋದಿ ಸರ್ಕಾರ ರದ್ದುಗೊಳಿಸಿದ ವೇಳೆ ಕೇಂದ್ರದ ವಿರುದ್ಧ ದಂಗೆ ಏಳಬಹುದು ಎಂದು ಮುಂಜಾಗ್ರತಾ ಕ್ರಮವಾಗಿ ಕಳೆದ ಸೆಪ್ಟಂಬರ್​ನಲ್ಲಿ ಕಣಿವೆ ರಾಜ್ಯದ ನಾಯಕರ ಮೇಲೆ ಗೃಹ ಬಂಧನ ಹೇರಲಾಗಿತ್ತು. ಈ ವೇಳೆ ಫಾರೂಕ್ ಅಬ್ದುಲ್ಲಾ ಅವರನ್ನು ಕಠಿಣ ಸಾರ್ವಜನಿಕ ಸುರಕ್ಷತಾ ಕಾಯ್ದೆ (ಪಿಎಸ್ಎ) ಅಡಿಯಲ್ಲಿ ಬಂಧಿಸಲಾಗಿತ್ತು. ಈ ಕಾಯ್ದೆ ಯಾವುದೇ ವ್ಯಕ್ತಿಯನ್ನು ಎರಡು ವರ್ಷಗಳ ಕಾಲ ವಿಚಾರಣೆಯಿಲ್ಲದೆ ಬಂಧಿಸಲು ಅಧಿಕಾರಿಗಳಿಗೆ ಅನುವು ಮಾಡಿಕೊಡುತ್ತದೆ.