ಜೈಪುರ (ರಾಜಸ್ಥಾನ):ಕೊವಿಡ್ -19 ಭೀತಿ ಮಧ್ಯೆ, ಮಾಸ್ಕ್ಗಳಿಗೆ ಭಾರಿ ಬೇಡಿಕೆ ಬಂದಿದೆ. ಅನಿರೀಕ್ಷಿತವಾಗಿ ಹಾಗೂ ಏಕಾಏಕಿಯಾಗಿ ಕೊರೊನಾ ಸೋಂಕು ಆವರಿಸಿದ್ದರಿಂದ ಮುಖಗವಸುಗಳ ತಯಾರಕ ಕಂಪನಿಗಳಿಗೆ ಡಿಮ್ಯಾಂಡಪ್ಪೋ ಡಿಮ್ಯಾಂಡು ಎನ್ನುವಂತಾಗಿದೆ. ಅನಿರೀಕ್ಷಿತ ಅಗತ್ಯತೆಯ ಬಗ್ಗೆ ಕಂಪನಿಗಳಿಗೆ ತಿಳಿದಿಲ್ಲವಾದ್ದರಿಂದ, ಸದ್ಯ ಮಾರುಕಟ್ಟೆಯಲ್ಲಿ ಮುಖವಾಡದ ದೊಡ್ಡ ಕೊರತೆಯಿದೆ.
ಹಾಗಾಗಿ ಭಾರತ ಸರ್ಕಾರವು ದಿನಕ್ಕೆ 20 ಮಿಲಿಯನ್ ಫೇಸ್ ಮಾಸ್ಕ್ಗಳನ್ನು ತಯಾರಿಸಲು ಆದೇಶಿಸಿದೆ. ಇದು ಫೆಬ್ರವರಿ ಆರಂಭದಲ್ಲಿ ಮಾಡಿದ ಮೊತ್ತಕ್ಕಿಂತ 20 ಪಟ್ಟು ಹೆಚ್ಚು. ಆದರೆ ಸ್ಥಳೀಯ ಬೇಡಿಕೆಗಳನ್ನು ಪೂರೈಸಲು ಇದು ಇನ್ನೂ ಸಾಕಾಗುವುದಿಲ್ಲ. ಕೊರೊನಾ ವೈರಸ್ ವಿರುದ್ಧ ರಕ್ಷಣೆಯ ಭರವಸೆಯಲ್ಲಿ ಜನರು ಧರಿಸಲು ಇಷ್ಟಪಡುವ ಹಗುರವಾದ ಮುಖವಾಡಗಳು ಮತ್ತು ಆರೋಗ್ಯ ಕಾರ್ಯಕರ್ತರು ಬಳಸುವ ಹೆವಿ ಡ್ಯೂಟಿ ಎನ್ 95 ಮುಖವಾಡಗಳು ಕೂಡಾ ಒಳಗೊಂಡಿವೆ.
ಹಾಗಾಗಿಯೂ ನೀವು ಕರಕುಶಲ ಕಲೆಯಲ್ಲಿ ಆಸಕ್ತಿ ಹೊಂದಿದ್ದೀರೆಂದಾದರೆ ನಿಮಗೊಂದು ಆಸಕ್ತಿದಾಯಕ ಸುದ್ದಿ ಇಲ್ಲಿದೆ. ಇವರು ತನುಶ್ರೀ ಶರ್ಮಾ, ವೃತ್ತಿಯಲ್ಲಿ ಇಂಗ್ಲಿಷ್ ಶಿಕ್ಷಕಿ ಹತ್ತಿಯ ಸಹಾಯದಿಂದ ಫೇಸ್ಮಾಸ್ಕ್ ಹೇಗೆ ಮನೆಯಲ್ಲಿಯೇ ತಯಾರಿಸಿಕೊಳ್ಳಬಹುದು ಎಂಬುದನ್ನು ಇವರು ತೋರಿಸಿಕೊಡುತ್ತಾರೆ. ಹತ್ತಿ ಹಾಗೂ ಟಿಶ್ಯೂ ಬ್ಯಾಗ್ಗಳ ಸಹಾಯದಿಂದ ತನ್ನ ಮನೆಯಲ್ಲಿ ಮುಖಗವಸುಗಳನ್ನು ತಯಾರಿಸಿದ್ದಾರೆ.
ಈ ಸಂದರ್ಭ ನಮ್ಮ ವೀಕ್ಷಕರಿಗೆ ಸಹಾಯ ಮಾಡಲು, ಈಟಿವಿ ಭಾರತ್ ತಂಡ, ತನುಶ್ರೀ ಅವರ ಮನೆಯನ್ನು ತಲುಪಿದೆ.
ಅವರು ಮನೆಯಲ್ಲಿಯೇ ಹೇಗೆ ಮಾಸ್ಕ್ ತಯಾರಿಸಬಹುದು ಎಂಬ ವಿಧಾನವನ್ನು ತಿಳಿಸಿದ್ದಾರೆ:
ಹಂತ 1: ಮುಖದ ಗಾತ್ರವನ್ನು ಅಳೆಯಿರಿ.
ಹಂತ 2:ಹತ್ತಿ ಚೀಲವನ್ನು ಚದರ ರೂಪದಲ್ಲಿ ಕತ್ತರಿಸಿ.