ಬಿಜಾಪೂರ: ಮಾವೋವಾದಿಗಳು ಮತ್ತು ಸೈನಿಕರ ಮಧ್ಯೆ ಗುಂಡಿನ ಕಾಳಗ ನಡೆದಿದ್ದು, ಸಿಆರ್ಪಿಎಫ್ ಯೋಧರೊಬ್ಬರು ಹುತಾತ್ಮರಾಗಿದ್ದಾರೆ.
ಬಿಜಾಪೂರ ಜಿಲ್ಲೆಯ ತಂಗುದಾ-ಪಮೇದ್ ಪ್ರದೇಶದಲ್ಲಿ ಇಂದು ಬೆಳಗ್ಗೆ ಕಮಾಂಡರ್, ಕೋಬ್ರಾ, ಸಿಆರ್ಪಿಎಫ್ 151 ಬೆಟಾಲಿಯನ್ ಯೋಧರು, ಛತ್ತಿಸ್ಗಢ ಪೊಲೀಸರು ಸೇರಿ ಜಂಟಿ ಕೂಂಬಿಂಗ್ ಕಾರ್ಯಾಚರಣೆ ನಡೆಸುತ್ತಿದ್ದ ವೇಳೆ ಎದುರಾದ ಮಾವೋವಾದಿಗಳು ಸೇನೆ ಮೇಲೆ ಗುಂಡಿನ ದಾಳಿ ನಡೆಸಿದ್ದಾರೆ.
ಇನ್ನು ಈ ಗುಂಡಿನ ಕಾಳಗದಲ್ಲಿ ಸಿಆರ್ಪಿಎಫ್ ನ 151 ಬೆಟಾಲಿಯನ್ಗೆ ಸೇರಿರುವ ಯೋಧರೊಬ್ಬರು ಹುತಾತ್ಮರಾಗಿದ್ದಾರೆ. ಕೆಲ ಮಾವೋವಾದಿಗಳು ಸಹ ಸಾವನ್ನಪ್ಪಿದ್ದು, ಕೂಂಬಿಂಗ್ ಕಾರ್ಯಾಚರಣೆ ಮುಂದುವರಿದಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.