ಶರಣಾಗಲು ಭಯೋತ್ಪಾದಕರ ನಿರಾಕರಣೆ: ಪೂಂಚ್​​ನಲ್ಲಿ ಸೇನೆಯಿಂದ ಎನ್​ಕೌಂಟರ್​

16:56 December 13

ಜಮ್ಮು ಕಾಶ್ಮೀರದ ಪೂಂಚ್ ಸೆಕ್ಟರ್​ನಲ್ಲಿ ಉಗ್ರರ ಹೆಡೆಮುರಿ ಕಟ್ಟಲು ಯೋಧರು ಎನ್​ಕೌಂಟರ್​ ಕಾರ್ಯಾಚರಣೆ ಮುಂದುವರಿಸಿದ್ದಾರೆ.

ಶ್ರೀನಗರ(ಜಮ್ಮು ಕಾಶ್ಮೀರ) : ಕಣಿವೆ ನಾಡಿನ ಪೂಂಚ್ ಸೆಕ್ಟರ್​ ಬಳಿಯ ಸುರನ್​ಕೋಟ್​ ಸಮೀಪ ಮೂವರು ಭಯೋತ್ಪಾದಕರು ಹಾಗೂ ಭದ್ರತಾಪಡೆಯ ನಡುವೆ ಗುಂಡಿನ ಚಕಮಕಿ ನಡೆದಿದೆ. ಭಯೋತ್ಪಾದಕರಲ್ಲಿ ಓರ್ವ ಸ್ಥಳೀಯನಾಗಿದ್ದು, ಮತ್ತಿಬ್ಬರು ಪಾಕ್​ಗೆ ಸೇರಿದವರಾಗಿದ್ದಾರೆ.  

ನಿಖರ ಮಾಹಿತಿಯನ್ನು ಆಧರಿಸಿ ಜಮ್ಮು ಕಾಶ್ಮೀರ ಪೊಲೀಸರು ಹಾಗೂ ಭಾರತೀಯ ಸೇನೆ ಜಂಟಿ ಕಾರ್ಯಾಚರಣೆ ಚಟ್ಟಪಾನಿ- ದುಗ್ರಾನ್ ಗ್ರಾಮದಲ್ಲಿ ನಡೆದಿತ್ತು. ಈ ವೇಳೆ ಭಯೋತ್ಪಾದಕರಿಗೆ ಶರಣಾಗುವಂತೆ ಸೂಚನೆ ನೀಡಲಾಗಿತ್ತು.

ಇದನ್ನೂ ಓದಿ:ಕಾಶ್ಮೀರದಲ್ಲಿ ಉಗ್ರರ ಅಡಗುತಾಣಗಳು ಪತ್ತೆ: ಮುಂದುವರಿದ ಶೋಧಕಾರ್ಯ

ಸೂಚನೆಯನ್ನು ತಿರಸ್ಕರಿಸಿದ ಭಯೋತ್ಪಾದಕರು ಸೇನೆಯ ಮೇಲೆ ಗುಂಡಿನ ದಾಳಿಗೆ ಮುಂದಾದಾಗ ಸೈನಿಕರು ತಕ್ಕ ಪ್ರತ್ಯುತ್ತರ ನೀಡಿದ್ದಾರೆ ಎಂದು ಜಮ್ಮು ಕಾಶ್ಮೀರ ಪೊಲೀಸರು ಸ್ಪಷ್ಟನೆ ನೀಡಿದ್ದು, ಹೆಚ್ಚಿನ ಮಾಹಿತಿ ನಿರೀಕ್ಷಿಸಲಾಗಿದೆ.