ಎಲೆಕ್ಷನ್​​ ಪ್ರಚಾರಕ್ಕೆ ಮಾರ್ಗಸೂಚಿ ಹೊರಡಿಸಿದ ಕೇಂದ್ರ ಚುನಾವಣಾ ಆಯೋಗ!

ಮಹಾಮಾರಿ ಕೊರೊನಾ ವೈರಸ್​ ನಡುವೆ ಬಿಹಾರ ಚುನಾವಣೆ ಘೋಷಣೆಯಾಗಿದ್ದು, ಅದಕ್ಕಾಗಿ ಕೇಂದ್ರ ಚುನಾವಣಾ ಆಯೋಗದಿಂದ ವಿಶೇಷ ಮಾರ್ಗಸೂಚಿ ರಿಲೀಸ್​ ಆಗಿವೆ.

ನವದೆಹಲಿ:ದೇಶಾದ್ಯಂತ ಮಹಾಮಾರಿ ಕೊರೊನಾ ವೈರಸ್ ಹಾವಳಿ ಜೋರಾಗಿದ್ದು, ಇದರ ಮಧ್ಯೆ ಮುಂಬರುವ ಕೆಲವೊಂದು ಎಲೆಕ್ಷನ್​ಗಳಿಗಾಗಿ ಕೇಂದ್ರ ಚುನಾವಣಾ ಆಯೋಗ ಮಾರ್ಗಸೂಚಿ ರಿಲೀಸ್​ ಮಾಡಿದೆ.

ಕೊರೊನಾ ವೈರಸ್​​ ಸಮಯದಲ್ಲೇ ಬಿಹಾರ ಚುನಾವಣೆ, ಕೆಲ ರಾಜ್ಯಗಳಲ್ಲಿ ಉಪಚುನಾವಣೆ ನಡೆಯುತ್ತಿರುವ ಕಾರಣ ಚುನಾವಣಾ ಆಯೋಗ ಸ್ಟಾರ್​ ಪ್ರಚಾರಕರಕ್ಕಾಗಿ ಕೆಲವೊಂದು ಮಾನದಂಡ ರಿಲೀಸ್​ ಮಾಡಿದೆ.

ಮಾನ್ಯತೆ ಪಡೆದುಕೊಂಡಿರುವ ರಾಷ್ಟ್ರೀಯ / ರಾಜ್ಯ ಪಕ್ಷಗಳಿಗೆ ಗರಿಷ್ಠ 30 ಸ್ಟಾರ್​​ ಪ್ರಚಾರಕರು ಹಾಗೂ ಗುರುತಿಸಲಾಗದ ನೋಂದಾಯಿತ ರಾಜಕೀಯ ಪಕ್ಷಗಳಿಗೆ 15 ಸ್ಟಾರ್​ ಪ್ರಚಾರಕರ ಬಳಕೆಗೆ ಅನುಮತಿ ನೀಡಿದೆ. ಇದರ ಕೇಂದ್ರ ಚುನಾವಣಾ ಆಯೋಗದ ಮಾರ್ಗಸೂಚಿಯಂತೆ ಮಾಸ್ಕ್, ಸ್ಯಾನಿಟೈಸರ್, ಥರ್ಮಲ್ ಸ್ಕ್ರೀನ್, ಕೈಗವಸು ಮುಂತಾದ ಅಗತ್ಯ ಸಲಕರಣೆಗಳನ್ನು ಆಯೋಗವೇ ಮತದಾರರಿಗೆ ಮತ್ತು ಸಿಬ್ಬಂದಿಗೆ ನೀಡಲಿದೆ.

ಈ ಮೊದಲು ಮಾನ್ಯತೆ ಪಡೆದ ರಾಷ್ಟ್ರೀಯ / ರಾಜ್ಯ ರಾಜಕೀಯ ಪಕ್ಷಗಳಿಗೆ 40 ಸ್ಟಾರ್ ಪ್ರಚಾರಕರಿಗೆ ಅವಕಾಶ ನೀಡಿದ್ದರೆ, 20 ಮಂದಿಯನ್ನು ಗುರುತಿಸಲಾಗದ ನೋಂದಾಯಿತ ರಾಜಕೀಯ ಪಕ್ಷಗಳಿಗೆ ಅನುಮತಿಸಲಾಗಿತ್ತು.