ಖಾರ್ಗೋನ್ (ಮಧ್ಯ ಪ್ರದೇಶ): ಒಂದೇ ಕುಟುಂಬದ 8 ಜನರಿಗೆ ಕೋವಿಡ್-19 ಸೋಂಕು ತಗುಲಿರುವ ಘಟನೆ ಮಧ್ಯ ಪ್ರದೇಶದಲ್ಲಿ ನಡೆದಿದೆ. ಇವರಾರೂ ವಿದೇಶ ಪ್ರವಾಸ ಮಾಡಿದ ಹಿನ್ನೆಲೆ ಹೊಂದಿಲ್ಲ. ಆದರೆ ಕೋವಿಡ್-19 ಸೋಂಕಿತ ಸಂಬಂಧಿಯೊಬ್ಬರನ್ನು ಭೇಟಿಯಾಗಿದ್ದರಿಂದ ಇವರೆಲ್ಲರಿಗೂ ಸೋಂಕು ತಗುಲಿದೆ.
ಕೆಲ ವಾರಗಳ ಹಿಂದೆ ದಕ್ಷಿಣ ಆಫ್ರಿಕಾಗೆ ಹೋಗಿ ಬಂದ ಹಾಗೂ ದೆಹಲಿಯ ತಬ್ಲಿಘಿ ಜಮಾತ್ನಲ್ಲಿ ಪಾಲ್ಗೊಂಡಿದ್ದ ಸಂಬಂಧಿಯನ್ನು ಭೇಟಿ ಮಾಡಿದ್ದರಿಂದ ಈಗ ಇವರೆಲ್ಲರೂ ರೋಗದಿಂದ ನರಳುವಂತಾಗಿದೆ. 8 ಜನರನ್ನೂ ಖಾರ್ಗೋನ್ ನಗರದ ಆಸ್ಪತ್ರೆಯೊಂದರಲ್ಲಿ ಕ್ವಾರಂಟೈನ್ನಲ್ಲಿರಿಸಲಾಗಿದೆ. ಸೋಂಕು ತಗುಲಿಸಿದ್ದಾನೆ ಎಂದು ಹೇಳಲಾದ ನೂರ್ ಮೊಹಮ್ಮದ್ ಎಂಬಾತ ಮಾ. 20ರಂದು ಖಾರ್ಗೋನ್ಗೆ ಬಂದಿದ್ದ ಹಾಗೂ ನಂತರ 28ರಂದು ಮೃತಪಟ್ಟಿದ್ದ.