ಮದ್ಯ ಸೇವಿಸಿ ಕಳ್ಳತನಕ್ಕಿಳಿದ ಪೊಲೀಸ್ ಕಾನ್ಸ್ಟೇಬಲ್! ವಿಡಿಯೋ ವೈರಲ್​

ಕಳ್ಳರನ್ನು ಹಿಡಿಯಬೇಕಾದ ಪೊಲೀಸ್‌ ಕಾನ್ಸ್ಟೇಬಲ್‌ ಫ್ಯಾನ್ಸಿ ಸ್ಟೋರ್​ನಲ್ಲಿ ಬ್ಯಾಗ್​ ಕಳವು ಮಾಡಿರುವ ಪ್ರಕರಣ ಚೆನ್ನೈ ನ ಎಂಜಿಆರ್​ ನಗರದಲ್ಲಿ ಬೆಳಕಿಗೆ ಬಂದಿದೆ.

ಚೆನ್ನೈ :ಚೆನ್ನೈನ ಎಂಜಿಆರ್​ ನಗರದ ಫ್ಯಾನ್ಸಿ ಸ್ಟೋರ್​ನ ಮಾಲೀಕ ಎಂದಿನಂತೆ ಸಿಸಿಟಿವಿ ತಪಾಸಣೆ​ ಮಾಡುವಾಗ ಅಚ್ಚರಿಯ ವಿಚಾರ ಬಯಲಾಗಿದೆ. ಇದೇ ತಿಂಗಳ 19ನೇ ತಾರೀಕಿನಂದು ತಮ್ಮ ಸ್ಟೋರ್‌ನಿಂದ ಬ್ಯಾಗ್‌​ವೊಂದನ್ನು ವ್ಯಕ್ತಿಯೊಬ್ಬ ಕಳ್ಳತನ ಮಾಡಿರುವ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ಈ ಬ್ಯಾಗ್ ಕಳ್ಳತನ ಮಾಡಿದ್ದು ಒಬ್ಬ ಪೊಲೀಸ್ ಸಿಬ್ಬಂದಿ ಅನ್ನೋದು ಹುಬ್ಬೇರಿಸುವ ವಿಚಾರ.

ವಿನೋತ್ ಎಂಬಪೊಲೀಸ್​ ಕಾನ್ಸ್​ಟೇಬಲ್ ಈ ಕೃತ್ಯ ಎಸಗಿದ್ದ. ಮದ್ಯದ ಮತ್ತಿನಲ್ಲಿ ಕೃತ್ಯ ಎಸಗಿರೋದಾಗಿ ಆತ ಒಪ್ಪಿಕೊಂಡಿದ್ದಾನೆ.

ಪೊಲೀಸ್ ಸಿಬ್ಬಂದಿಯ ಬ್ಯಾಗ್​ ಕಳ್ಳತನ ಪ್ರಕರಣದ ಸಿಸಿಟಿವಿ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದ್ದು, ಸಾರ್ವಜನಿಕರು ಬೇಲಿಯೇ ಎದ್ದು ಹೊಲ ಮೇಯ್ದಂತಾಗಿದೆ ಎಂದು ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ.