ಕಿಲ್ಲರ್​ ಕೊರೊನಾಗೆ ಮಹಾರಾಷ್ಟ್ರದಲ್ಲಿ ವೈದ್ಯನೇ ಬಲಿ...!

ಕೋವಿಡ್​-19ಗೆ ಮಹಾರಾಷ್ಟ್ರದಲ್ಲಿ ಇಂದು ವೈದ್ಯರೊಬ್ಬರು ಬಲಿಯಾಗಿದ್ದು, ರಾಜ್ಯದಲ್ಲಿ ಕೊರೊನಾದಿಂದ ಸಾವನ್ನಪ್ಪಿದವರ ಸಂಖ್ಯೆ 6ಕ್ಕೇರಿದೆ.

ಮುಂಬೈ: ಮಹಾಮಾರಿ ಕೊವಿಡ್​-19ಗೆ ಮಹಾರಾಷ್ಟ್ರದಲ್ಲಿ ಇಂದು 83 ವರ್ಷದ ವೈದ್ಯರೊಬ್ಬರು ಬಲಿಯಾಗಿದ್ದು, ಭಾರತದಲ್ಲಿ ಮೃತರ ಸಂಖ್ಯೆ 18ಕ್ಕೆ ಏರಿಕೆಯಾಗಿದೆ.

ಮೃತ ವೈದ್ಯ ಮಧುಮೇಹದಿಂದ ಬಳಲುತ್ತಿದ್ದು, ಇವರ ಸಂಬಂಧಿಕರಿಬ್ಬರು ಇತ್ತೀಚೆಗಷ್ಟೇ ಇಂಗ್ಲೆಂಡ್​ನಿಂದ ಬಂದಿದ್ದರು ಎಂದು ರಾಜ್ಯ ಆರೋಗ್ಯ ಇಲಾಖೆ ಮಾಹಿತಿ ನೀಡಿದೆ.

ಇನ್ನು ಮಹಾರಾಷ್ಟ್ರದಲ್ಲಿ ಕಿಲ್ಲರ್​ ಕೊರೊನಾಗೆ 6ನೇ ಬಲಿ ಇದಾಗಿದ್ದು, ರಾಜ್ಯದಲ್ಲಿ 147 ಪ್ರಕರಣಗಳು ಪತ್ತೆಯಾಗಿವೆ.