ಮುಂಬೈ: ದಿವಂಗತ ನಟ ಸುಶಾಂತ್ ಸಿಂಗ್ ರಜಪೂತ್ ಮತ್ತು ಸಹನಟ ಸಂಜನಾ ಸಂಘಿ ಅಭಿನಯದ ಬಹುನಿರೀಕ್ಷಿತ ದಿಲ್ ಬೆಚರಾ ಸಿನಿಮಾದ ಶೀರ್ಷಿಕೆ ಹಾಡು ಶುಕ್ರವಾರ ಬಿಡುಗಡೆಯಾಗಿದೆ.
2 ನಿಮಿಷ 44 ಸೆಕೆಂಡುಗಳ ಈ ಟ್ರ್ಯಾಕ್‌ಗೆ ಕೈ ಪೊ ಚೆ! ನಟ ಹೆಜ್ಜೆ ಹಾಕಿದ್ದಾರೆ. ಹಾಡಿನ ಉತ್ಸಾಹಭರಿತ ರಾಗ ಪ್ರೇಕ್ಷಕರನ್ನು ತನ್ನತ್ತ ಸೆಳೆಯುವುದು ಖಚಿತ.
ವಿಡಿಯೋ ಈಗಾಗಲೇ ಅಂತರ್ಜಾಲದಲ್ಲಿ ಲಕ್ಷಾಂತರ ಲೈಕ್‌ಗಳನ್ನು ಗಳಿಸಿದೆ. ಸುಶಾಂತ್‌ಗೆ ಸಾಕಷ್ಟು ಹೊಗಳಿಕೆಗಳು ಮತ್ತು ಅಭಿನಂದನೆಗಳು ಕೂಡ ಸಲ್ಲಿವೆ. ಅವರ ನೃತ್ಯದ ನಡೆಯನ್ನು ಕೆಲವರು ಶ್ಲಾಘಿಸಿದ್ರೆ, ಇತರರು ಅವರ ಹೊಳೆಯುವ ಸ್ಮೈಲ್‌ಗೆ ಮಾರು ಹೋಗಿದ್ದಾರೆ.
ಸಂಗೀತ ಮಾಸ್ಟ್ರೋ ಎ ಆರ್ ರಹಮಾನ್ ತಮ್ಮ ಟ್ವಿಟರ್ ಖಾತೆಯಲ್ಲಿ ಟೈಟಲ್ ಟ್ರ್ಯಾಕ್ ಹಂಚಿಕೊಂಡಿದ್ದಾರೆ. ಅವರು "ದಿಲ್ ಬೆಚರಾ ಶೀರ್ಷಿಕೆ ಹಾಡು ಇಲ್ಲಿದೆ. ನಿಮಗೆ ಇಷ್ಟವಾಗುತ್ತದೆ ಎಂದು ಭಾವಿಸುತ್ತೇನೆ." ಎಂದು ಬರೆದುಕೊಂಡಿದ್ದಾರೆ.
