ರಫೇಲ್​ ಡೀಲ್​ ವಿಳಂಬಕ್ಕೆ ಕ್ರಿಶ್ಚಿಯನ್​ ಮೈಕೆಲ್ ಕಾರಣ? ವಿಚಾರಣೆಗೆ ಮುಂದಾದ ತನಿಖಾ ಸಂಸ್ಥೆ

ಅಗಸ್ಟಾ ವೆಸ್ಟ್​ಲ್ಯಾಂಡ್ ಹಗರಣ ಸಂಬಂಧ ಜಾರಿ ನಿರ್ದೇಶನಾಲಯ ಈಗಾಗಲೇ ಕ್ರಿಶ್ಚಿಯನ್​ ಮೈಕೆಲ್​ನನ್ನು ಎರಡು ವಾರಗಳ ಕಾಲ ವಿಚಾರಣೆ ನಡೆಸಿತ್ತು.

ನವದೆಹಲಿ: ಯುಪಿಎ ಸರ್ಕಾರದ ಎರಡನೇ ಅವಧಿಯಲ್ಲಿ ರಫೇಲ್​ ಡೀಲ್ ವಿಳಂಬವಾಗಲು ಅಗಸ್ಟಾ ವೆಸ್ಟ್​ಲ್ಯಾಂಡ್​ ಮಧ್ಯವರ್ತಿ ಕ್ರಿಶ್ಚಿಯನ್​ ಮೈಕಲ್​ ಕಾರಣನಾಗಿದ್ದಾನಾ ಎನ್ನುವ ಕುರಿತಂತೆ ತನಿಖೆ ನಡೆಸಲು ತನಿಖಾ ಸಂಸ್ಥೆ ಮುಂದಾಗಿದೆ.

ಎರಡನೇ ಅವಧಿಯ ಯುಪಿಎ ಸರ್ಕಾರ ರಫೇಲ್ ಡೀಲ್​ ವಿಳಂಬ ಮಾಡಲು ಕ್ರಿಶ್ಚಿಯನ್ ಮೈಕೆಲ್ ಪ್ರಭಾವ ಇತ್ತು ಎನ್ನುವ ಸುಳಿವು ತನಿಖಾ ಸಂಸ್ಥೆಗೆ ದೊರೆತಿದೆ ಎನ್ನಲಾಗಿದೆ.

2012ರಲ್ಲಿ ಒಪ್ಪಂದದಲ್ಲಿ ಕೊಂಚ ಭಿನ್ನಮತ ಉಂಟಾದ ಬಳಿಕ ಅಂದಿನ ಮನಮೋಹನ್ ಸಿಂಗ್ ಸರ್ಕಾರ ರಫೇಲ್ ಡೀಲ್​ಅನ್ನು ಮೂಲೆಗೆ ತಳ್ಳಿತ್ತು. ಇದರಲ್ಲಿ ಮೈಕೆಲ್ ಪ್ರಭಾವದ ಕುರಿತು ಸದ್ಯ ಶಂಕೆ ವ್ಯಕ್ತವಾಗಿದೆ.