ಧಾರವಿಯಲ್ಲಿ ಮತ್ತೆ ಐವರಿಗೆ ಕೊರೊನಾ: 22 ಕ್ಕೇರಿದ ಸೋಂಕಿತರ ಸಂಖ್ಯೆ

ಮುಂಬೈನ ಧಾರವಿ ಪ್ರದೇಶದಲ್ಲಿ ಇಂದು ಈ ಐದು ಪ್ರಕರಣಗಳು ಕಂಡುಬಂದಿವೆ. ಈ ಪ್ರದೇಶದಲ್ಲಿನ ವೈರಸ್​ಗೆ ಒಳಗಾದವರ ಸಂಖ್ಯೆ 22 ಕ್ಕೆ ಏರಿಕೆಯಾಗಿದೆ.

ಮುಂಬೈ (ಮಹಾರಾಷ್ಟ್ರ): ಧಾರವಿಯಲ್ಲಿ ಮತ್ತೇ ಐದು ಮಂದಿಗೆ ಕೊರೊನಾ ಸೋಂಕು ತಗುಲಿದ್ದು, ಕೊರೊನಾ ಪೀಡಿತರ ಸಂಖ್ಯೆ ಈ ಪ್ರದೇಶದಲ್ಲಿ 22 ಕ್ಕೆ ಏರಿದೆ.

ಈ ಐದು ಹೊಸ ಪ್ರಕರಣಗಳಲ್ಲಿ ಮೂವರು ಪುರುಷರು ಮತ್ತು ಇಬ್ಬರು ಮಹಿಳೆಯರು ಇದ್ದಾರೆ. ಈ ಪ್ರಕರಣಗಳು ಪಿಎಂಜಿಪಿ ಕಾಲೋನಿ, ಮುಸ್ಲಿಂ ನಗರ, ಕಲ್ಯಾಣ್ವಾಡಿ ಮತ್ತು ಮುರುಗನ್ ಚಾಲ್​ನಿಂದ ವರದಿಯಾಗಿವೆ. ಧಾರವಿಯಲ್ಲಿ ಅತಿ ಹೆಚ್ಚು ಪ್ರಕರಣಗಳು ಡಾ.ಬಲಿಯಾ ನಗರದಿಂದ ವರದಿಯಾಗಿದ್ದು, ಒಂದು ಸಾವು ಸೇರಿದಂತೆ ಐದು ಪ್ರಕರಣಗಳು ಕಂಡುಬಂದಿವೆ.

ಪೊಲೀಸರ ಪ್ರಕಾರ, ದೆಹಲಿಯ ತಬ್ಲಿಘಿ ಜಮಾತ್​ಗೆ ಸಂಬಂಧಿಸಿದ ಇಬ್ಬರು ಇದರಲ್ಲಿದ್ದು, ರಾಜೀವ್ ಗಾಂಧಿ ಸ್ಪೋರ್ಟ್ಸ್ ಕಾಂಪ್ಲೆಕ್ಸ್​ನಲ್ಲಿ ಈಗಾಗಲೇ ಪ್ರತ್ಯೇಕಿಸಲಾಗಿತ್ತು. ಈಗ ಅವರನ್ನು ಆಸ್ಪತ್ರೆಗೆ ವರ್ಗಾಯಿಸಲಾಗುತ್ತಿದೆ ಎಂದು ತಿಳಿಸಿದ್ದಾರೆ.