ರಾಷ್ಟ್ರಪತಿ ಭವನದ ಬಳಿ ಡ್ರೋನ್ ಹಾರಾಟ: ಅಮೆರಿಕ ಮೂಲದ ತಂದೆ - ಮಗ ವಶಕ್ಕೆ ಪಡೆದ ಪೊಲೀಸರು

ನವದೆಹಲಿಯ ರಾಷ್ಟ್ರಪತಿ ಭವನ ಬಳಿ ಡ್ರೋನ್ ಹಾರಾಟ ನಡೆಸಿದ್ದಕ್ಕಾಗಿ ದೆಹಲಿ ಪೊಲೀಸರು ಅಮೆರಿಕ ಮೂಲದ ತಂದೆ-ಮಗನನ್ನು ವಶಕ್ಕೆ ಪಡೆದಿದ್ದಾರೆ.

ನವದೆಹಲಿ:ಡ್ರೋನ್‌ಗಳ ಬಳಕೆ ನಿಷೇಧಿಸಲಾಗಿರುವುದರಿಂದ ನವದೆಹಲಿಯ ರಾಷ್ಟ್ರಪತಿ ಭವನ ಬಳಿ ಡ್ರೋನ್ ಹಾರಾಟ ನಡೆಸಿದ್ದಕ್ಕಾಗಿ ದೆಹಲಿ ಪೊಲೀಸರು ಅಮೆರಿಕಾ ಮೂಲದ ತಂದೆ -ಮಗನನ್ನು ವಶಕ್ಕೆ ಪಡೆದಿದ್ದಾರೆ.

ಸೆಪ್ಟೆಂಬರ್​ 14 ರಂದು ರಾಷ್ಟ್ರಪತಿ ಭವನ ಬಳಿ ಡ್ರೋನ್ ಹಾರಾಟ ನಡೆಸಿದ್ದಕ್ಕಾಗಿ ಅವರಿಬ್ಬರನ್ನು ಬಂಧಿಸಿದ್ದಾರೆ. ಇನ್ನು ಡ್ರೋನ್‌ ವಿಡಿಯೋ ಕ್ಯಾಮೆರಾದ ಮೂಲಕ ಸೆರೆಹಿಡಿಯಲಾದ ಹೈ-ಸೆಕ್ಯುರಿಟಿ ಸೆಂಟ್ರಲ್ ಸೆಕ್ರೆಟರಿಯಟ್ ಪ್ರದೇಶದ ಕೆಲವು ಫೋಟೋಗಳನ್ನು ಪೊಲೀಸರು ವಶಪಡಿಸಿಕೊಂಡಿದ್ದಾರೆ.

ರಾಷ್ಟ್ರ ರಾಜಧಾನಿಯಲ್ಲಿ ಡ್ರೋನ್‌ಗಳ ಹಾರಾಟವನ್ನು ನಿಷೇಧಿಸಲಾಗಿದೆ. ಹೀಗಿದ್ದರೂ ಡ್ರೋನ್​ ಏಕೆ ಬಳಸಿದ್ದೀರಿ ಎಂದು ಪೊಲೀಸರು ಆ ತಂದೆ ಮಗನನ್ನು ಪ್ರಶ್ನಿಸಿದ್ದು, ಈ ಕುರಿತು ಹೆಚ್ಚಿನ ತನಿಖೆ ನಡೆಸುತ್ತಿದ್ದಾರೆ.